ရင်ဘတ်ထဲက အငွေ့များ

ဂုတ်ပေါ်မှာ ခွစီးနေသော နတ်ဆိုး

2012-02-03T15:18:00.000+06:30

အတောင်ပံတပ်ထားတဲ့ နတ်ဆိုးက
ငါ့…အခန်းဝရှေ့ ဘာကြောင့် ခဏခဏ လာရပ်ပြသလဲ။
စကားလုံးတွေ၊ ငွေတွေ….
ဂေါ်လီလို လိမ့်လိမ့်ဆင်းသွားကြ ။
ခေတ်ကာလ မျက်ရည်တွေထဲ
ငါ့ မျက်ရည်စက်များ အောက်ကျနောက်ကျ နိုင်လွန်းလှပ။
ငွေကြေးနဲ့ထွန်ယက်လို့မရနိုင်ဘူးထင်သမျှ
ငွေကြေးနဲ့ပဲဝယ်ယူ ထွန်ယက် စိုက်ပျိုးသူတွေက စိုက်ပျိုးကြ..။
ခေတ်သစ်ဈေးဗန်းထဲ အရောင်းအ၀ယ်မဖြစ်တာ
စာရိတ္တ ပဲလို့ ကဗျာဆရာက ရေးရင်
အရူးလို့ပဲထင်ချင်ကြ…။
ငါ့မှာက…
တောအုပ်ထဲညဖက် မြင်းထွက်ထွက်စီးနေသလို ဘ၀နဲ့
ခဏခဏ ခလုတ်တိုက်တဲ့နေ့တွေများလှ။
လ ကုန်တိုင်း မက်မိတဲ့ အိပ်မက်
ငါ့…အိတ်ကပ်လေးက ဆာလောင်လွန်းလို့ငိုနေရောတဲ့..။
ဘာမှမရှိတာထက် စာရင် ငါ့မှာ
လူပီသခြင်းဆိုတဲ့ ဂုဏ်ဒြပ်
လွင့်လွင့် ထွက်သွားမှာစိုးလို့….။
စုပ်ကိုင်ထားရတာ မောလှတယ်။
(အငွေ့)

မြတ်ဗုဒ္ဓရဲ့ ငြိမ်းချမ်းရေးမူ (၅) ချက်

2010-01-29T16:16:00.001+06:30

မဟာသမယသုတ်တော်မှာ ဟောကြားခဲ့တော်မူသော် မြတ်ဗုဒ္ဓရဲ့ ငြိမ်းချမ်းရေးမူ လေးတွေကို ပြန်ဖော်ပြအပ်ပါတယ်။
ကျွန်တော်တို့အတွက်လိုအပ်မယ်ထင်

လို့ ပါ။

၁။ အရာမဟုတ်သည် ၌ အငြင်းအခုံမပြုသင်။့

၂။တဆင့် စကားဖြင့် အငြင်းအခုံမပြုသင့်။

၃။အားရှိသူတိုင်း အားငယ်သူကို နိုင်မည်မဟုတ်။

၎။စည်းလုံးမှုမရှိလျင် ပျက်စီးတက်သည်။ စည်းလုံးမှုရှိမှ ကြီးပွားမည်။

၅။မိမိကိုယ် မိမိ နစ်မွန်းသော ဒုက္ခ မပေးသင့်ခြင်း။

စာရေးဆရာမဂျူးရဲ့ ကျွန်မတော်တော်ညံခဲ့ပါတယ် ခေါင်းစဉ်နဲ့စာပေဟောပြောပွဲမှ

2009-12-29T13:54:00.003+06:30

ကွရောက်လာကြတဲ့ ပါမောက္ခများ၊ ဆရာ ဆရာမများ၊ စာပေ၀ါသနာရှင်များ၊ ကျောင်းသူကျောင်းသား များကို အခုလို မျက်နှာချင်းဆိုင်ပြီးတော့ ရင်းနှီးစွာ စကားပြောခွင့်ရတဲ့အတွက် အထူးပဲ ကျေးဇူးတင် ၀မ်းမြောက်တယ်ဆိုတာ ပထမဦးစွာ ပြောကြားလိုပါတယ်။ (သြဘာသံများ)

ဒီကနေ့ည ကျမ ဟောပြောဖို့ ရွေးချယ်ထားတဲ့ခေါင်းစဉ်က 'ကျမ တော်တော်ညံ့ခဲ့ပါတယ်' ဆိုတဲ့ ခေါင်းစဉ် ဖြစ်ပါတယ်။ ဒီခေါင်းစဉ်ကို ကြားလိုက်ရတဲ့အခါမှာ ဒီစာပေဟောပြောပွဲကို တကူးတကန့် လာရောက်နားထောင်လိုတဲ့ ပရိသတ်အနေနဲ့ အံ့သြချင် အံ့သြမိမယ်။ စိတ်ပျက်လက်ပျက် ရီမိချင် ရီမိလိမ့်မယ်။ ဒီစာပေဟောပြောပွဲကို လာပြီးတော့ နားထောင်တာဟာ နင်တို့တွေ၊ ခင်ဗျားတို့တွေဆီက တော်တာတွေများ ကြားရမလား၊ အဲဒီမျှော်လင့်ချက်ကလေးနဲ့ လာပြီးနားထောင်တာ၊ ညံ့တာတွေတော့ ငါတို့ မကြားချင်ဘူး၊ စိတ်ပျက်လက်ပျက် ရီမိချင် ရီမိလိမ့်မယ်။ ကျမကလဲ ကျမ သိတ်တော်တဲ့အကြောင်းကို ပြောပြချင်ပါတယ်။ ဒါပေမယ့် ကံဆိုးချင်တော့ ကျမဟာ ဘ၀မှာ တခါမှ မတော်ခဲ့ဘူးသေးပါဘူး။ (အော်ဟစ်သံများ)

ဒီတော့ ကျမ ပြန်ကြည့်လိုက်တဲ့အခါမှာ ကိုယ့်ကိုယ်ကို ညံ့နေတာပဲတွေ့တော့ ကျမရဲ့ ပရိသတ်ရှေ့မှာ ကျမညံ့တဲ့အကြောင်းကိုပဲ ၀န်ခံတာဟာ ရိုးသားမှု အရှိဆုံး ဖြစ်လိမ့်မယ်လို့ ကျမ တွေးပါတယ်။ အဲ့ဒါကြောင့် အခုလို စင်မြင့်ပေါ် တက်လာပြီး တော့ ကျမညံ့တဲ့အကြောင်းတွေ ပြောရတာ ကျမ အများကြီး ၀မ်းလဲနည်းမိပါတယ်။ (လက်ခုပ်သံများ) ဒါပေမယ့် မတတ်နိုင်ပါဘူး၊ ကျမ ညံ့တဲ့အကြောင်းကတော့ ပြောရမှာပဲ။
ကျမကတော့ ညံ့တဲ့အကြောင်းတခုပဲ ပြောစရာ ရှိလို့ပါ။ ဒီတော့ အဲဒီလို စိတ်ပျက်နေတဲ့သူ၊ ဒေါသထွက် နေတဲ့ သူတွေအတွက် ကျမ အကြံကောင်းလေးတခုတော့ ပေးနိုင်ပါတယ်။ တော်တာတွေကို မြင်ချင် ကြားချင်ရင်တော့ စာပေဟောပြောပွဲကို လာစရာမလိုပါဘူး။ တော်တာတွေကို မြင်ချင်ကြားချင် ဂုဏ်ယူချင်တယ် ဆိုရင် မြန်မာ့ရုပ်မြင်သံကြားကို ကြည့်ကြပါ။ (အော်ဟစ် လက်ခုပ်သံများ) အခုအချိန်က စပြီးတော့ 'ဂျူး' ရဲ့ ညံ့ဖျင်းမှုတွေကို ၀န်ခံပါတော့မယ်ရှင်။

ကျမဟာ အများသိကြတဲ့အတိုင်း ဆရာဝန် စာရေးဆရာ ဖြစ်ပါတယ်။ (အော်ဟစ်သံများ) ကြွားတာ မဟုတ်ပါဘူး။ အဲ့ဒီတော့ ဆရာဝန်အလုပ်လဲ တပြိုင်နက်လုပ်တယ်။ စာရေးတဲ့အလုပ် လဲ တပြိုင်နက်လုပ်တယ် ဆိုတော့ ဘယ်အလုပ်မှာများ ကျမ ညံ့ပါသလဲလို့ မေးခဲ့ရင် ကျမ ဖြေချင်လို့ပါ။ ကျမဟာ အလုပ်နှစ်မျိုးစလုံးမှာ ညံ့ဖျင်းပါတယ်။ အဲ့ဒီတော့ ကျမ ညံ့ခဲ့တဲ့အကြောင်းတွေကို ပြောပြပါမယ်။ ကျမဟာ ငယ်ငယ်ကလေးကတည်းက ညံ့ပါတယ်။ ကျမ ငယ်ငယ်တုန်းက မြန်မာနိုင်ငံအကြောင်း ပထ၀ီဝင်ဘာသာမှာ သင်ရသော်လဲ မြန်မာနိုင်ငံရဲ့ စီးပွါးရေးအမြင် ဘာမှ မရှိခဲ့ပါဘူး။ (လက်ခုပ်သံများ) ကျမ တတိယတန်းအရွယ် လောက်မှာ မြန်မာ့ ပထ၀ီဝင်ဘာာသာကို သင်ရပါတယ်။ အဲ့ဒီမှာ မြန်မာနိုင်ငံရဲ့ သံယံဇာတတွေအကြောင်း စာသင်ရပါတယ်။ မြန်မာနိုင်ငံဟာ သယံဇာတ အလွန်ပေါများကြွယ်ဝတဲ့ နိုင်ငံဖြစ်ပါတယ်။ ဆန်စပါးတွေ ထွက်တယ်။ ကျွန်းသစ်တွေ ထွက်တယ်။ ရေနံတွေလဲ ထွက်ပါတယ်။ ရေနံထွက်တာလဲ ကျမ မျက်မြင်ကိုယ်တွေ့ ပါပဲ။ ကျမက ရေနံချောင်းသူ ဖြစ်ပါတယ်။

ရေနံချောင်းသူဆိုတော့ ကျမတို့ ရေနံမြေကနေ ဖြတ်သွားတဲ့အခါမှာ ရေနံတူးစင်ကြီးနဲ့ ရေနံတူးနေတာ တွေ၊ တူးပြီးသား ရေနံတွင်းတွေကနေ ပိုက်လုံးတွေနဲ့ မောင်းတံတွေနဲ့ စုပ်ယူပြီးတော့ ရေနံလှောင်ကန်ထဲ ထည့်နေတာတွေ ကျမ မျက်မြင်ကိုယ်တွေပါပဲ။ အဲ့ဒီ ရေနံလှောင်ကန်တွေထဲက များပြားလှတဲ့ ရေနံတွေ ဘယ်ရောက်သွားလဲဆိုတာတော့ ကျမက မမြင်ရဘူးပေါ့။ (လက်ခုပ်သံများ) ကျမ မြင်ရတာက ရေနံလှောင်ကန်ပဲ မြင်ရတာကိုး။ အဲ့ဒီတော့ အဲ့ဒါ ရေနံနဲ့ ပါတ်သက်တဲ့ အပိုင်းပါ။ နောက်ထပ် သံယံဇာတတွေ အများကြီး ထွက်တယ်လို့ သိရပါတယ်။ ဥပမာ တွင်းထွက်ပစ္စည်းတွေ၊ ကျောက်မီးသွေးလဲ ထွက်ပါတယ်။ ပတ္တမြား၊ နီလာ၊ ရွှေ၊ ရွှေကြောကြီးတွေလဲ မြန်မာနိုင်ငံမှာ အများကြီး ရှိပါတယ်။ ဒီတော့ ဒီ ရွှေ၊ ငွေ၊ ကျောက်သံပတ္တမြားတွေ အပြင် ကျောက်မီးသွေး၊ ခဲမဖြူတို့၊ အဖြိုက်နက်တို့ မြန်မာနိုင်ငံမှာ မထွက်တဲ့ တွင်းထွက်ဆိုတာ မရှိသလောက် အများကြီး ထွက်ခဲ့ပါတယ်။ နောက်ပြီးတော့ မြန်မာ့ပိုင်နက် ပင်လယ်ရေပြင်ဆိုတာ အများကြီး ရှိပါတယ်။ ပင်လယ်ပြင်ကထွက်တဲ့ ငါးပုစွန်တွေဟာ မြန်မာပြည်သူလူထု စားသုံးလို့တောင် မကုန်တဲ့အတွက် စည်သွတ်ဗူး တွေနဲ့ ဒါမှမဟုတ် ရေခဲရိုက်ပြီးတော့ နိုင်ငံခြားကိုတောင် တင်ပို့ရောင်းချလို့ ရပါတယ်တဲ့။ ဒီတော့ တတိယတန်း ကျောင်းသူ ကျမဟာ ကျမနိုင်ငံကို ကျမ တော်တော် ဂုဏ်ယူခဲ့ပါတယ်။ (လက်ခုပ်သံများ) သယံဇာတတွေ သိပ်များတာပဲပေါ့။ ဒါပေမယ့် တနေ့ကျတော့ ကျမက ကျောင်းစာအပြင် တခြားပြင်ပမဂ္ဂဇင်းတခုကို သွားဖတ်မိပါတယ်။ သွားဖတ်တော့ အဲဒီအချိန်မှာ ကျမ စာတော့ ဟုတ်တိပတ်တိ မဖတ်ဖူးသေးပါဘူး။ ဒါပေမယ့် ဆောင်းပါးတို့ ပုံပြင်တို့ဆိုရင် တကြောင်းစ နှစ်ကြောင်းစ ဖတ်တတ်နေပါပြီ။ အဲ့ဒီမှာ ကံဆိုးစွာနဲ့ စာကြောင်းလေးတကြောင်း သွားတွေ့ပါတယ်။ အဲ့ဒီ စာကြောင်းလေးကို ကျမ အခုထိ မမေ့နိုင်သေးပါဘူး။'မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံများတွင် တတိယမြောက် လိုက်ပါသည်တဲ့'။ (အော်ဟစ်သံများ၊ လက်ခုပ်သံများ)

အဲ့ဒီတော့ ကျမက ပထ၀ီ သင်ခါစ တတိယတန်းကျောင်းသူ အမြင်နဲ့ဆိုတော့ ကျမ ဒီလိုပဲ မြင်တာပေါ့။ တကယ်တမ်းတော့ နိုင်ငံတခု တိုးတက်ကြီးပွါးဖို့ သယံဇာတ ထွက်ရုံနဲ့တင် မလုံလောက်ပါဘူး။ (လက်ခုပ်သံများ) ဒါ ကျမရဲ့ အပြောမဟုတ် ပါဘူး။ ကမ္ဘာ့စီးပွါးရေး ပညာရှင်တွေပြောတဲ့ အပြောပါ။ သူတို့က ဘယ်လိုပြောသလဲဆိုတော့ နိုင်ငံတခု တိုးတက်ကြီးပွါးဖို့ အချက်ကြီး (၄)ချက် လိုပါတယ်တဲ့။ သယံဇာတ၊ သဘာဝသယံဇာတ (Natural Resource) လို့ခေါ်တဲ့ သဘာဝသယံဇာတတွေ ပေါများဖို့တဲ့။ နံပါတ် (၂)ကတော့ အစဉ်အဆက်က ကြီးပွါးခဲ့တဲ့၊ အစဉ်အဆက်က ရှိခဲ့တဲ့ အရင်းအနှီး၊ နံပါတ် (၃) က Technology လို့ခေါ်တဲ့ နည်းပညာအသစ်အဆန်းတွေ၊ နံပါတ် (၄) ကတော့ အဲ့ဒီနည်းပညာကို ကျွမ်းကျင်သူတွေ၊ အဲဒီ လေးမျိုးလုံး ရှိတဲ့ နိုင်ငံဟာ (သို့မဟုတ်) လေးမျိုးမှာ သုံးမျိုးလောက် ရှိတဲ့နိုင်ငံဟာ အဲ့ဒီ နိုင်ငံဟာ ချမ်းသာပါတယ်တဲ့။

အဲ့ဒီတော့ ကျမတို့ မြန်မာနိုင်ငံက (၁) သယံဇာတတွေတော့ ပေါများကြွယ်ဝပါတယ်။ နောက် နံပါတ် (၂) (၃) (၄) ရှိ မရှိတော့ ကျမ မသိပါဘူး။ (လက်ခုပ်သံများ) အဲ့ဒီတော့ ကျမ ညံ့တဲ့အကြောင်းက အဲ့ဒီက စ ပါတယ်။ နောက်ထပ် ကျမ ညံ့တဲ့အကြောင်းကို ပြောရရင်တော့မြန်မာနိုင်ငံရဲ့ နိုင်ငံရေးနဲ့ ပတ်သက်လို့ ကျမ ညံ့တာပါ။ နိုင်ငံရေးအမြင် ဘာမှ မရှိခဲ့တဲ့ ကျောင်းသူတယောက်အကြောင်း ကျမ ပြန်ပြောပါမယ်။ စတုတ္ထတန်း (ဒါမှမဟုတ်) ပဉ္စမတန်း အရွယ် လောက် ကလေးဘ၀မှာ ကျမတို့ နိုင်ငံမှာ အရေးအခင်းတခု ဖြစ်ခဲ့ပါတယ်။ အဲ့ဒီ အရေးအခင်းမှာ မြို့ကြီးတွေ၊ ရန်ကုန်၊ မန္တလေးတွေကနေ ပြီးတော့ စတင် ဖြစ်ပွါးခဲ့ပြီးတော့ ကျမတို့ဆီကို တဖြည်းဖြည်းနဲ့ ပျံ့နှံ့လာခဲ့ပါတယ်။ အဲ့ဒီ အရေးအခင်းကတော့ တရုတ်-ဗမာ အရေးအခင်းပါ။ တရုတ်တွေနဲ့ ဗမာတွေ ချကုန်ပြီးလို့ (ရီသံများ) ကျမတို့ ကြားရပါတယ်။

ကျမတို့ ရေနံချောင်းမှာ တရုတ်လူမျိုးတွေ အများကြီး ရှိပါတယ်။ ကျမတို့ ရေနံချောင်းက တရုတ်လူမျိုးတွေနဲ့ ဗမာလူမျိုးတွေတော့ မချကြပါဘူး။ ကျမတို့ အချင်းချင်းတော့ ခင်ခင်မင်မင်ပါပဲ။ ကျမတို့ ကျောင်းမှာ အတန်းထဲမှာ ကျမတို့နဲ့ စာပြိုင်ဖက် တရုတ်မလေး ၃ - ၄ ယောက် ရှိပါတယ်။ သူတို့နဲ့ ကျမတို့လဲ စာမေးဖော် မေးဖက် ရင်းရင်းနှီးနှီး ခင်ခင်မင်မင်ပါပဲ။ ဒါပေမယ့် မြန်မာနိုင်ငံမှာတော့ တရုတ်-ဗမာ အရေးအခင်း ဖြစ်နေပြီလို့ သိရပါတယ်။ ဒီတော့ ကျမတို့လဲ လက်ခံလိုက်ရုံပဲပေါ့။ တရုတ်တွေနဲ့ ဗမာတွေ ချကုန်ပြီ၊ ဒီလောက်ပဲ သဘောထားလိုက်ပါတယ်။ တရက်တော့ ကျမတို့ ကျောင်းတက်နေတဲ့အချိန်မှာ ဆရာမက ကျမတို့ကို ပြောပါတယ်။ တို့တတွေ မနက်ဖန် ရောက်လို့ရှိရင် ဒီမြို့ရဲ့ လမ်းတွေပေါ်မှာ ကျောင်းသားတွေ အားလုံးတန်းစီ လမ်းတလျှောက် ချီတက်ရမယ်တဲ့ (လက်ခုပ်သံများ) အဲဒီတော့ ကျမက ကျောင်းစာသင်တဲ့အချိန်မှာ အပြင်ထွက် ရမယ်ဆိုတော့ သိပ်ပျော်သွားပါတယ်။ (ရီသံများ) အဲ့ဒါနဲ့ပဲ ကျမတို့ တက်တက်ကြွကြွနဲ့ပဲ လိုက်ဖို့ စီစဉ်ပါတယ်။ ဆရာမက ပြောတယ်။ နင်တို့အားလုံး စည်းကမ်းရှိရှိ သေသေ၀ပ်ဝပ် ချီတက်ရမယ်နော်တဲ့။ နှစ်ယောက်တတွဲ တွဲလို့ရတယ်။ နင်တို့ ကြိုက်တဲ့လူနဲ့ နင်တို့ တွဲကြပါတဲ့။ အဲ့ဒါနဲ့ ကျမကလဲ ကျမရဲ့ လက်တွဲဖော်အဖြစ် တရုတ်မလေးကို ရွေးလိုက်ပါတယ်။ ကျမနဲ့ ကျမသူငယ်ချင်း တရုတ်မလေးဟာ တရုတ်ဗမာအရေးအခင်း မှန်ကန်ကြောင်း ထောက်ခံဖို့ မြို့ထဲမှာ ချီတက်လမ်းလျှောက်ခဲ့ပါတယ်။ (ရီသံများ လက်ခုပ်သံများ) အဲ့ဒီတော့ ကျမတို့က ၂ ယောက်တတွဲ လမ်းလျှောက် လမ်းတွေပေါ်မှာ ချီတက်ကြတယ်။ ရိုးရိုးတန်းတန်း ချီတက်ကြတာ မဟုတ်ဘူး။ ရှေ့က တယောက်က စာရွက်တွေနဲ့ တိုင်ပေးတယ်။ ကျမတို့က နောက်ကနေပြီး လိုက်အော်ရတယ်။ လိုက်အော်တော့လဲ တို့အရေး၊ တို့အရေး ပေါ့။ ရှေ့က ဘာအောသလဲတော့ ကျမတို့ ကောင်းကောင်း မကြားရဘူး။ (ရီသံများ) အဲ့ဒီလိုနဲ့ ရှေ့ကတယောက်က တိုင်ပေးလိုက်၊ ဘာမှမသိပဲ နောက်က တို့အရေး အော်လိုက်၊ အော်ရင်းနဲ့ပဲ လမ်းတကာကို ရောက်ခဲ့ပါတယ်။ အဲ့ဒီမှာ ကျမတို့ ကျောင်းသားတွေကို လမ်းလျှောက်ရတာ၊ အော်ရတာ မောရင် ရေသောက်ရအောင်၊ အအေးသောက်ရအောင် ဆိုပြီးတော့ အိမ်တွေကနေပြီး အိမ်ရှေ့မှာ စာပွဲလေးတွေ ခင်းပြီးတော့ ကျမတို့ကို အစားအစာတွေ ကျွေးမွေးပါတယ်။ ကျမတို့လဲ အလကားရတာမှန်သမျှ အကုန်စားပါတယ်။ (ရီသံများ) အကျင့်က ပါနေတာကိုး (ရီသံများ)
ဗမာက ကျွေးကျွေး၊ တရုတ်က ကျွေးကျွေး အကုန်စားပါတယ်။ (ရီသံများ) ဒီလိုနဲ့ပဲ နည်းနည်း နေမြင့်လာတဲ့အခါမှာ ကျမတို့ ကျောင်းကို ပြန်ရပါတယ်။ ကျောင်းရှေ့မှာ အင်မတန် ကျယ်ဝန်းတဲ့ မြေတလင်းပြင်ကြီး ရှိပါတယ်။ အဲ့ဒီမှာ အားလုံးစုရုံးပြီးတော့ အတန်းလိုက် အတန်းလိုက် ကိုယ့်လူစုနဲ့ကိုယ် စုရုံးကြပါတယ်။

အဲဒီမှာ ကျမတို့ ဆရာမက ဘာပြောလဲဆိုတော့၊ အော်... ကျမ မေ့နေလို့၊ ကျမတို့ လမ်းလျှောက်တဲ့ အခါမှာ ဒီအတိုင်း လက်လွတ်လျှောက်ရတာ မဟုတ်ဘူး။ 'ခေါင်း' ကြီးတွေကို ကြိုးနဲ့ ဆွဲပြီးတော့ ဒီ ခေါင်းကြီးတွေကတော့ ကျမတို့ ကျောင်းသားလေးတွေ ဆွဲနိုင်အောင်ပါ။ စက္ကူတွေနဲ့လဲ ခေါင်းပုံစံ ဖြစ်အောင် ရေးထားပါတယ်။ အဲ့ဒီထဲမှာလဲ ကျမတို့ မျက်စိရှေ့မှာ စက္ကူစုတ်တွေ ထည့်ထားတာ မြင်ရပါတယ်။ ဒါပေမယ့် အဲ့ဒီ စက္ကူစုတ်တွေကို ကျမတို့က စက္ကူစုတ်တွေလို့ မမှတ်ရဘူးတဲ့။ အဲဒီအထဲမှာ အလောင်းတွေ ပါတယ်လို့ မှတ်ရမယ်တဲ့။ အဲ့ဒီမှာမှ ကျမ ပထမဦးဆုံး နံမည်တခုကို ကြားဖူးပါတယ်။ အဲ့ဒီနာမည်ကတော့ မော်စီတုန်းတဲ့။ မော်စီတုန်းဆိုတဲ့နာမည်ကို အဲဒီအချိန်မှာမှ ပထမဦးဆုံး ကြားဖူးတာပါ။ မော်စီတုန်း ကျဆုံးပါစေ ပေါ့။ အဲ့ဒီလို ဆိုတယ်လို့ ကျမ ထင်ပါတယ်။ ဒီလိုနဲ့ ကျောင်းရှေ့ကို ပြန်ရောက်တော့ ကျမတို့ ဆရာမက အဲဒီ ခေါင်းကြီးကို မီးရှို့ရမယ်လို့ ပြောတယ်။ ဒီတော့ ကျမက သူများအော်ရင်သာ နောက်ကနေ တို့အရေး လိုက်အော်ရဲတာ။ ကျမကတော့ မီးရှို့ဖိုတော့ ကြောက်ပါတယ်။ ကြောက်တော့ ကျမက နောက်ဆုတ်တယ်။ အဲ့ဒီအချိန်မှာ ဆရာမက ကျမကို ရှေ့ထွက်ခိုင်းတယ်။ ကျမက အတန်းရဲ့ မော်နီတာ ဖြစ်ပါတယ်။ (ရီသံများ)

"တင်တင်ဝင်း နင်ရှေ့ထွက် နင်မီးရှို့ ရမယ်" လို့ ပြောတယ်။ အဲ့ဒီတော့ ကျမက မရှို့ရဲဘူးဆိုပြီး နောက်ကို ကပ်တယ်။ အဲဒီတော့ ကျမတို့ နှစ်ယောက်ရဲ့ အဖြစ်အပျက်ကို မကြည့်ရက်တဲ့ နည်းနည်းအသက်ကြီးတဲ့ ကျောင်းသူတယောက်က ကျမတို့နှစ်ယောက် ကိုယ်စား ဖြေရှင်းပေးလိုက်ပါတယ်။ သူပဲ ဆက်ပြီးတော့ မီးရှို့တယ်။ (ရီသံများ) ကျမဟာ ဒီလို နိုင်ငံရေးမရှိအောင် ညံ့တယ်ဆိုတာ ကျမ ၀န်ခံပါတယ်။ ဒါ ကျမရဲ့ စီးပွါးရေး ညံ့ဖျင်မှု၊ နိုင်ငံရေး ညံ့ဖျင်းမှုပါ။ ဒါပေမယ့် အဲဒီလိုသာ ညံ့တယ်။ ကျမက ဘာဖြစ်ချင်သလဲဆိုတော့ ကျမဘ၀မှာ အဖြစ်ချင်ဆုံး ဆန္ဒတခုက စာရေးဆရာ ဘ၀တခုပါပဲ။ စတုတ္ထတန်းအရွယ် ကတည်းက ကျမဟာ စာရေးဆရာတယောက် ဖြစ်ချင်ခဲ့ပါတယ်။ စာရေးဆရာဖြစ်ဖို့ ကျမကို တွန်းအားပေးတဲ့ အချက်တွေ အများကြီး ရှိပါတယ်။ အဲဒါကတော့ ကျမ ဖတ်ခဲ့တဲ့ စာအုပ်တွေပါပဲ။ ကျမဟာ ကျောင်းစာက လွဲပြီးတော့ အပြင်ဘက်စာပေတွေကို မဂ္ဂဇင်းတွေကို အများ ဖတ်ခဲ့ ပါတယ်။ ကျောင်းစာထက် ပိုပြီးတော့ ဖတ်ခဲ့ပါတယ်။ အဲ့ဒီတော့ ကျမ မှတ်မိသလောက်ပေါ့၊ ကျမ ဖတ်ခဲ့တဲ့ စာအုပ်တွေဟာ အများကြီးပါပဲ။ စာရေးဆရာကြီး တက္ကသိုလ်ဘုန်းနိုင်၊ စာရေးဆရာကြီး ဓူဝံ၊ ဆရာမကြီး ဒေါ်ခင်နှင်းယု၊ ဂျာနယ်ကျော်မမလေး၊ သူတို့ စာအုပ်တွေကို ကျမ ဖတ်ပါတယ်။ အဲ့ဒီမှာ ကျမဘ၀မှာ ပထမဦးဆုံး ဖတ်ဖူးတဲ့ စာအုပ်တအုပ်ကို အခုထိ မှတ်မိပါတယ်။ ဒါဟာ ကျမအတွက် ပထမဦးဆုံး ၀တ္ထုပါ။ အဲ့ဒါကတော့ စာရေးဆရာကြီးဓူဝံရဲ့ 'မာလာ' လို့ အမည်ရတဲ့ ၀တ္ထု ဖြစ်ပါတယ်။ 'မာလာ' ဟာ လက်သုံးလုံးလောက် ထူတဲ့ စာအုပ်ကြီးတအုပ်ပါ။ သူ့ အဲ့ဒီစာအုပ်ကို ကျမရဲ့ ကျမကိုယ်ပိုင်အမြင်နဲ့ ဖတ်ခဲ့တာတော့ မဟုတ်ပါဘူး။ အဲ့ဒီအချိန်တုန်းက ကျမက ကာတွန်းတွေပဲ ဖတ်ပါတယ်။ ကာတွန်းတောင်မှ ထူရင် မဖတ်ပါဘူး။ ခပ်ပါးပါးပဲ ဖတ်ပါတယ်။ တရက်ကျတော့ ကျမ စတုတ္ထတန်း စာမေးပွဲအပြီး ကျောင်းအားတဲ့ အချိန်မှာ ကျမ မေမေက စာအုပ်တအုပ် ယူလာပေးပါတယ်။

"သမီး ဒီဝတ္ထုကို ဖတ်စမ်း" လို့ ကျမကို ပြောပါတယ်။ အဲ့ဒီဝတ္ထုက 'မာလာ' ၀တ္ထုပါ။ ကျမက စာအုပ်ကြီးကို ကြည့်ပြီးတော့ လန့်သွားတယ်။ "အား စာအုပ်ကြီးက အထူကြီးပါလားမေမေ" လို့ ပြောတော့ "အေး ထူတော့ ထူတယ်၊ ဒါပေမယ့် သမီး စိတ်ဝင်စားမှာပါ" တဲ့။ သမီးတို့ မောင်နှမတွေဟာ စကားပြောရင် အင်မတန် ရိုင်းတယ်တဲ့။ ကိုကိုရယ်၊ ညီမလေးရယ် ဘယ်တော့မှ စကားမပြောဘူး၊ မောင်နှမအချင်းချင်း အကြီးနဲ့အငယ်ကို နင်, ငါ သုံးတယ်တဲ့။ အဲ့ဒါ မကောင်းဘူးတဲ့၊ ဒီတော့ သမီး ဒီစာအုပ်ကို ဖတ်တဲ့အခါမှာ ဖတ်ပြီးသွားရင် သမီး ယဉ်ကျေးသိမ်မွေ့လာလိမ့်မယ်။ ဒီစာအုပ်ထဲမှာ လူတွေဟာ စကားပြောရင် သိပ်ယဉ်ကျေးတာပဲတဲ့။ ဖတ်ကြည့်ပါတဲ့။ အဲ့ဒီတော့ ကျမကလဲ မေမေက ဖတ်ခိုင်းတယ်ဆိုရင် ငါဖတ်ဖို့ သင့်တာပေါ့။ ကိုယ့်ဖာသာကိုယ် တွေးပြီးတော့ မေ့မေ့ရှေ့မှာပဲ အဲ့ဒီစာအုပ်ကို ကျမ ဖွင့်ဖတ် လိုက်ပါတယ်။ စ ဖွင့်ဖွင့်ချင်းပဲ အဲ့ဒီစာအုပ်ကို ကျမ စိတ်ဝင်စားသွားတယ်။ သူက အခန်း(၁) အဖွင့်မှာ အကျဉ်းထောင်တခုရဲ့ မြင်ကွင်းနဲ့ စထားပါတယ်။ အဲ့ဒီ အကျဉ်းထောင်ထဲမှာ၊ အချုပ်ခန်းထဲမှာ၊ သံတိုင်တွေနောက်မှာ အကျဉ်းသား ၁၀ ယောက် အကျဉ်းကျ နေပါတယ်။ သူတို့ကတော့ တိုင်းပြည်ကို တော်လှန်ပုန်ကန်လို့ ချုပ်ထားတဲ့ အကျဉ်းသား တွေပါ။ တယောက်က ခေါင်းဆောင်၊ အဲ့ဒီခေါင်းဆောင်နာမည်က ဗိုလ်နန္ဒလို့ ခေါ်ပါတယ်။ သူ့ရဲ့ နောက်ပါက ၉ ယောက် ရှိပါတယ်။ သူတို့ ၁၀ ယောက်ကို ဒီကနေ့ ညနေ နေကွယ်လို့ ရှိရင် လည်ပင်းကို ကြိုးကွင်းစွပ်ပြီး၊ မသေမချင်း ကြိုးပေးသတ်ခံရဖို့ ဘုရင်က အမိန့် ချပြီးသားပါ။ ဒီတော့ သူတို့ အားလုံးဟာ ဒီကနေ့ ညနေမှာ သေမယ်ဆိုတာ သေချာနေတော့ တော်တော် ကြောက်ရွံ့တုန်လှုပ်နေပါတယ်။ တပည့်တွေဟာ ငိုတဲ့သူက ငိုနေကြတယ်။ နံရံကို လက်သီးနဲ့ထိုးပြီး အော်တဲ့သူက အော်နေကြတယ်။ နောက် ဒေါသတကြီး စကားပြောတဲ့သူက ပြောနေကြတယ်။ အဲ့ဒါတွေကို ကြည့်ပြီးတော့ သူတို့ရဲ့ခေါင်းဆောင် ဗိုလ်နန္ဒက တော်တော်စိတ်မကောင်း ဖြစ်တယ်။ "သူတို့ခမျာ ငါ့ရဲ့ ခေါင်းဆောင်မှုကို လိုက်ခဲ့တဲ့အတွက် သူတို့ဟာ ကြိုးပေးပြီး အသတ်ခံရတော့မှာပါလား၊ သူတို့တွေ အသေဖြောင့်အောင်၊ သေခြင်းတရားကို တည်တည်ငြိမ်ငြိမ် ရင်ဆိုင်နိုင် အောင် ငါ ကဗျာလင်္ကာတပုဒ် ရွတ်ပြမှ ဖြစ်မယ်" လို့ သူ့ဖာသာသူ တွေးပြီးတော့ သူ ကဗျာလင်္ကာတပုဒ် ရွတ်ပြပါတယ်။ အဲ့ဒီကဗျာကတော့ အနန္ဒသူရိယ အမတ်ကြီး ရေးစပ်ခဲ့တဲ့ အမျက်ဖြေ အလင်္ကာလို့ အမည်ရတဲ့ ကဗျာလေးတပုဒ်ပါ။ "သူတည်းတယောက်၊ ကောင်းဖိ်ု့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း" အဲ့ဒီကဗျာပါ။ သူက အဲ့ဒီကဗျာကို ရွတ်တဲ့အခါမှာ စာရေးဆရာက ဘယ်လိုဖွဲ့ထားသလဲဆိုတော့ ဗိုလ်နန္ဒသည် သူ၏ အောင်မြင်လှသော အသံဝါကြီးနဲ့ထိုကဗျာကို ရွတ်ဆို၏တဲ့။ အဲ့ဒီမှာ ကျမက နည်းနည်း ကလေး နားမလည်ဘူး ဖြစ်သွားတယ်။ ဗိုလ်နန္ဒကို ကျမသိတာက သူပုန်ဗိုလ်လို့ ကျမသိပါတယ်။ သူပုန်ဗိုလ် တယောက်ကို ဘာဖြစ်လို့ အဲ့ဒီလို ဖွဲ့သလဲ အောင်မြင်လှသော အသံဝါကြီးဆိုတာ သူပုန်ဗိုလ်ကို ဖွဲ့ရမယ့် စကားမဟုတ်ပါဘူး။ ဒါဟာ သူရဲကောင်းတွေ ဟီးရိုးတွေကိုသာ သုံးရမယ့် စကားပါ။ ဒီတော့ ကျမအမြင်မှာ သူပုန်ဗိုလ်ဆိုတာ လူဆိုးပဲ၊ လူဆိုးတယောက်ကို အောင်မြင်လှသော အသံဝါကြီးနဲ့လို့ ဖွဲ့တာဟာ နည်းလမ်း မကျဘူးလို့ ကျမရဲ့ စတုတ္ထတန်း အမြင်နဲ့ တွေးပါတယ်။ အဲ့ဒါနဲ့ မေမေ့ကို မေးမိတယ်။ မေမေလို့ ဗိုလ်နန္ဒဟာ ဘာလဲလို့၊ အဲ့ဒီလို မေးတော့ မေမေက ဇာတ်လိုက်တဲ့၊ (ရီသံများ) ကျမပိုပြီးတော့ နားမလည်ဘူး ဖြစ်သွားတယ်။ (ရီသံများ) သူပုန်ဗိုလ်လို့လဲ ပြောသေးတယ်၊ ဇာတ်လိုက်လို့လဲ ပြောသေးတယ်၊ ကျမ အဲ့ဒီမှာ အဲ့ဒီနှစ်ခုကို ယှဉ်ပြီး နားမလည်ဘူးပေါ့။ ကျမ အပြင်မှာ သူခိုးတွေ၊ ဓါးပြတွေ၊ သူပုန်တွေ၊ ခါးပိုက်နှိုက်တွေ၊ အဲ့ဒါတွေ အကုန်လုံးက လူဆိုးတွေ စာရင်းထဲမှာ ပါတယ်။ ဒီတော့ ဒီလူဆိုးတယောက်က ဘာဖြစ်လို့ ဇာတ်လိုက်ဖြစ်သလဲ ကျမက မေမေ့ကို ပြန်မေးတယ်။ မေမေလို့ မေမေ့ဥစ္စာက ဖြစ်နိုင်ပါ့မလား၊ သူပုန်က ဘယ်လိုလုပ်ပြီးတော့ ဇာတ်လိုက် ဖြစ်မလဲ၊ မဖြစ်နိုင်ဘူး ထင်တယ်လို့ ကျမကပြောတော့ မေမေက ဖြစ်နိုင်တာပေ့ါ သမီးရယ်တဲ့၊ တခါတခါကျတော့ တိုင်းပြည်ကို အုပ်ချုပ်မင်းလုပ်တဲ့ ရှင်ဘုရင်က ဆိုးနေရင်၊ ယုတ်မာနေရင်၊ ကောက်ကျစ်နေရင် သူပုန်ဆိုတာလဲ ဇာတ်လိုက် ဖြစ်တတ်ပါတယ်တဲ့။ (ရီသံများ၊ လက်ခုပ်သံများ)

အဲ့ဒီတော့မှ ကျမ ရေးရေးလေး သဘောပေါက်သွားပါတယ်။ ကျမ ဒီဝတ္ထုကို တော်တော် စိတ်ဝင်စားသွားပြီ၊ ဒါပေမယ့် ထပ်ပြီးတော့ မေးသေးတယ်၊ ဟုတ်ပါပြီလို့ အဲ့ဒါဆိုလို့ရှိရင် ဒီသူပုန်ဗိုလ်က ဇာတ်လိုက်ဖြစ်နေရတာ သူက ဘာဖြစ်လို့ သူပုန်ဘ၀ကို ဘာဖြစ်လို့ ရောက်သလဲ မေမေလို့ ကျမက ပြန်မေးတယ်။ ပြန်မေးတော့ မေမေကလည်း သူ့သမီးကို စာဖတ်စေချင်တော့ ရှင်းပြတယ်၊ သူ့ဘ၀တဲ့၊ သူကတော့ သူပုန်ဘယ်ဟုတ်မလဲ သမီးရယ်တဲ့၊ သူက ဘုရင့်သားတော် တပါးပါ၊ သူတက္ကသိုလ်ပြည်မှာ ပညာသွားသင်နေတုန်းက သူ့အဖေရဲ့ ထီးနန်းစည်းစိမ်ကို သူ့အဖေလက်အောက်က စစ်သူကြီးတပါးက တိုက်ခိုက်ပြီးတော့ သိမ်းယူထားတဲ့အတွက် သူဟာ ပြန်လာတဲ့အခါကျတော့ သူပုန်ဘ၀ကို ရောက်ရတာပါတဲ့။ (လက်ခုပ်သြဘာသံများ) အဲ့ဒီလို ပြောပါတယ်။ (လက်ခုပ်သံများ) အဲ့ဒီတော့ ကျမက ပိုပြီး စိတ်ဝင်စားသွားပါတယ်၊။ ဟုတ်ပါပြီမေမေ အဲ့ဒါဆိုရင် သမီး ဒီဝတ္ထုကို ဖတ်ပါတော့မယ်။ ဒါပေမယ့် သမီး ဒီဇာတ်လမ်းအဆုံးကို သိပ်သိချင်တာလို့၊ အဲ့ဒီ ဇာတ်လမ်းအဆုံးကိုတော့ သမီးကို ကြိုပြီးတော့ ပြောပါအုန်းလို့။ သူက သူ့အဖေရဲ့ ထီးနန်းစည်းစိမ်ကို ပြန်ရရဲ့လားလို့ ကျမ မေးလိုက်တယ်။ ကျမမေးလိုက်တော့ မေမေက ရတယ် သမီးတဲ့။ နောက်ဆုံးကျတော့ သူရသင့်တဲ့ သူ့အဖေရဲ့ စည်းစိမ်ကို သူပြန်ရသွားပါတယ်တဲ့။ အဲ့ဒီလို ကျမကို ပြောပါတယ်။ (ရီသံများ၊ လက်ခုပ်သံများ) အဲ့ဒါနဲ့ပဲ ကျမ ဒီဇာတ်လမ်းကို ကြိုက်လို့ ဒီဝတ္ထုကို ဖတ်ပါတယ်။ တကယ်လဲ မေမေပြောသလိုပဲ သူပုန်ဗိုလ်နန္ဒဟာ သူရသင့်ရထိုက်တဲ့ သူ့အဖေရဲ့ ဒီနန်းစည်းစိမ်ကို ပြန်ရသွားပါတယ်။ ဘယ်လိုနည်းနဲ့ သူထီးနန်းစည်းစိမ်ကို ပြန်ရသွားလဲ၊ အဲ့ဒါကို သိချင်ရင်တော့ ဓူဝံရဲ့ 'မာလာ' စာအုပ်ကို ဖတ်ကြည့်ပါ။ (လက်ခုပ်သံများ) အဲ့ဒါ ကျမရဲ့ စာရေးဆရာ ဖြစ်ချင်တဲ့စိတ်အစပါပဲ။

ကျမဟာ လူတွေကို စရိုက်အမျိုးမျိုး ရေးဖွဲ့ချင်တယ်။ လူဆိုးဆိုလဲ လူဆိုးစရိုက်၊ လူကောင်းဆိုရင်လဲ လူကောင်းစရိုက် အဲ့ဒီလို ရေးဖွဲ့တော့ ဇာတ်လမ်းတွေ ဆင်ချင်တယ်။ အမှန်တရားဟာ ရှေ့မှာ ရောက်သင့်တဲ့ အချိန်မှာရှေ့မှာ ရောက်ဖို့ ကျမက ထည့်ချင်တယ်။ အဲ့ဒီလို စိတ်လေးတွေဟာ ၀တ္ထုတွေ ဖတ်ရင်း ဖတ်ရင်းကနေပြီး ကျမကို ပိုပို ပိုပို တွန်းအားပေးလာတော့ ကျမဟာ စာရေးဆရာ ဖြစ်ချင်တဲ့ စိတ်တခုထဲနဲ့ ကျမဟာ ကြီးပြင်းခဲ့ ပါတယ်။ ဒါပေမယ့် ကျမ ဆယ်တန်းအောင်တဲ့အခါ ခြေချော် လက်ချော်နဲ့ ဂုဏ်ထူး ၅ ခု ရသွားပါတယ်။ အဲ့ဒီတော့ အဲဒီဂုဏ်ထူး ၅ ခုလေးကို ကျမက နှမျောပြီးတော့ ဆေးတက္ကသိုလ်ကို လိုက်ပါတယ်။ (ရီသံများ) ကျမတို့ ခေတ်တုန်းက ဂုဏ်ထူး ၆ ခုတွေ၊ ၅ ခုတွေ၊ ၄ ခုတွေ အများကြီးပါပဲ။ သူတို့တွေ အားလုံးဟာ ဆေးတက္ကသိုလ်ကိုဝင်ဖို့ပဲ အာရုံရှိကြပါတယ်။ ရူပဗေဒ၊ ဓါတုဗေဒတွေကို မ၀င်ကြပါဘူး။ မိဘတွေ ကိုယ်တိုင်ကလည်း ဆေးတက္ကသိုလ်ကို ၀င်စေချင်တယ်။ ကျမကိုယ်တိုင်ကလဲ ကျမရဲ့ မိဘတွေက ဆေးတက္ကသိုလ်ကို လိုက်ဖို့ ပြောလို့ ကျမကလဲ ဂုဏ်ထူးလေးကို အားနာလို့ ဆေးတက္ကသိုလ်ကို ၀င်ခဲ့ပါတယ်။ ၀င်ခဲ့တော့ ကျမဟာ ဆရာဝန်ဘ၀ကို လုံး၀၀ါသနာ မပါပဲ ရောက်ခဲ့တာဆိုတော့ အတန်းထဲမှာ ဆေးပညာကလွဲရင် အားလုံးကို စိတ်ဝင်စားပါတယ်။ (ရီသံများ)

ကျမ တနေ့တနေ့ ဖတ်တဲ့ စာတွေဟာ ဆေးပညာနဲ့ ဘာမှ မဆိုင်ပါဘူး။ ကျမတို့ ရေနံချောင်းမှာ စာကြည့်တိုက် ကောင်းကောင်း မရှိဘူး၊ ဆေးကျောင်း ရောက်တော့ မန္တလေးဆေးတက္ကသိုလ်မှာ အင်မတန် ကြီးမားတဲ့ စာကြည့်တိုက်ကြီးတခု ကျမသွားတွေ့တယ်။ အဲ့ဒီ စာကြည့်တိုက်ကြီးထဲမှာ ကျမ မဖတ်ဖူးတဲ့ စာအုပ်တွေ၊ ကြားဖူးပြီးတော့ မဖတ်ဖူးတာ၊ ကြားတောင် မကြားဖူးတာ၊ မြန်မာလို အင်္ဂလိပ်လို အစုံပါပဲ။ အဲ့ဒါကြီးကို ကျမ မြင်ပြီးတော့ ငါတော့ ဒီ ဆေးတက္ကသိုလ် ၇ နှစ် အတွင်း ဒီစာအုပ်တွေ ပြီးအောင်ဖတ်မှ ဖြစ်မယ်လို့ ဆုံးဖြတ်ပါတယ်။ အဲ့ဒီလိုနဲ့ ကျမ အပြင်စာတွေ ဖတ်ခဲ့တယ်။ အတန်းထဲမှာ စာသင်တဲ့အခါမှာ ကျမက နောက်ဆုံးကနေ မတ်တတ်ရပ်ပါတယ်။ ဆရာ စာမေးလွတ်အောင်လို့ပါ။ ရှေ့မှာ ရပ်လို့ရှိရင် ဆရာက လှမ်းလှမ်းပြီး စာမေးလို့ပါ။ စာသင်ရတဲ့အခါမှာလဲ ကျမ အားကျစိတ် လုံးဝမပေါ်ပါဘူး။ ကျမတို့ ကျောင်းမှာ ရောဂါနံမည်တွေ၊ ကုထုံးနာမည်တွေ အဲ့ဒါတွေ အားလုံးဟာ လူနံမည်တွေနဲ့ ချည်းပါပဲ။ ဥပမာ ရောဂါတခုခုကို တယောက်ယောက်က ရှာတွေ့သွားပြီဆိုရင် အဲ့ဒီလူရဲ့ နာမည်ကို ရှေ့မှာတပ်ပြီးတော့ နံမည်နဲ့ ရောဂါနံမည် ပေးပါတယ်။ ဥပမာ ကော့ ဆိုတဲ့သူက ရောဂါတခုကို ရှာဖွေတွေ့ခဲ့တယ်။ အဲ့ဒီ ကော့ ရှာတွေ့ခဲ့တဲ့ အဆုပ်ရောဂါကို ကော့ Lung ကော့ဒစိပေါ့။ ကော့ရဲ့ရောဂါလို့ နံမည် တပ်ပါတယ်။ နောက်ပြီး ပဲလော့ လို့ခေါ်တဲ့ ပြင်သစ်သမားတော်ကြီး တယောက်က ရှာတွေ့ခဲ့တဲ့ ရောဂါ၊ မွေးရာပါ နှလုံးရောဂါ၊ အဲ့ဒါဆိုလို့ ရှိရင် ပဲလော့တက်ထွာလော်ဂျီလို့ သူတို့က နံမည်ပေးပါတယ်။ ပဲလော့ ရှာတွေ့ခဲ့သော ရောဂါ၊ အဲ့ဒီလိုမျိုးတွေ ထောင်ပေါင်း၊ သောင်းပေါင်းများစွာ နေ့စဉ် ကျမတို့ စာကျက်ရပါတယ်။ အဲ့ဒီလို ကျက်နေတဲ့အခါမှာ ဒီနံမည်တွေကို ကျက်ပြီးတော့ ငါသူတို့ ဘ၀ကို အားကျလိုက်တာ ဆိုတဲ့စိတ်များ ၀င်ခဲ့မိသလားလို့ အခုနေ ကျမပြန်တွေးကြည့်တော့ ကျမ နည်းနည်းမှ အားကျစိတ် မ၀င်ခဲ့ပါဘူး။ တခါတခါ သူတို့ကို ငြိုတောင်ငြိုငြင် မိပါတယ်။ သူတို့ဟယ် ရှာလိုက် ဖွေလိုက်ကြတာ၊ တွေ့ပဲ တွေ့နိုင်လွန်းတယ်၊ သူတို့ ရှာပြီးတော့ တွေ့တော့ ငါတို့မှာ စာတွေ ကျက်လို့ကို မပြီးနိုင်တော့ဘူး။ (ရီသံများ၊ လက်ခုပ်သံများ) အဲ့ဒီလောက်ထိအောင် ကျမ မေတ္တာပို့ခဲ့ ပါတယ်။ ဒါ ကျမ ဆေးကျောင်းသူဘ၀ ညံ့ဖျင်းမှုတွေပါ။

ဒီလိုနဲ့ တနှစ်ပြီး တနှစ် ယက်ကန်ယက်ကန်နဲ့ စာမေးပွဲတွေ နီးတော့ စာလေးကျက်လိုက်၊ အောင်လိုက်၊ တခါတလေ တခါတည်းနဲ့ မအောင်လို့ နှစ်ခါပြန် ဖြေရပါတယ်။ ကျမတို့ ကျောင်းမှာတော့ ဆပ်ပလီမန်ထရီဆိုတာ ရှိပါတယ်။ ဆပ်ပလီမန်ထရီက စာမေးပွဲ ကျပြီးတော့ ကျတဲ့ဘာသာကိုပဲ ပြန်ဖြေရတာပါ။ တော်ပါသေးရဲ့ ဆပ်ပလီမန်ထရီသာ မရှိခဲ့ရင် ကျမ တတန်းနှစ်နှစ် လောက် နေရဖို့ အကြောင်းရှိပါတယ်။ အဲ့ဒီလိုနဲ့ ကျမ ဆရာဝန် ဖြစ်ပါတယ်။ ဆရာဝန်ဖြစ်လာတော့ ဒီလို ခပ်ညံ့ညံ့ ဆေးကျောင်းသူတယောက်က ဘယ်လိုဆရာဝန်မျိုးဖြစ်မလဲ။ တွေးကြည့်ရင်တော့ သဘောပေါက်နိုင်စရာ အကြောင်းရှိပါတယ်။

ဒါပေမယ့် ကျမရဲ့ ဆရာဝန်ဘ၀ကို ပိုပြီးတော့ ပုံပေါ်သွားအောင်၊ ကျောင်းသူကျောင်းသားတွေ ပိုပြီးတော့ နားလည်သွားအောင် ကျမ ကာတွန်းလေးတပုဒ်နဲ့ ဥပမာပေးချင်ပါတယ်။ အဲ့ဒီကာတွန်းလေးကို ရေးဆွဲတဲ့သူ ဘယ်သူလဲလို့ ကျမ မမှတ်မိတော့ပါဘူး။ ကျမညံ့တဲ့အထဲမှာ အဲ့ဒါလဲ ပါပါတယ်။ ကျမက ဆရာအော်ပီကျယ်ကို တောင် မေးကြည့်ပါသေးတယ်။ ကာတွန်းဟာ ကျမ အခုထိ သတိရနေသေးတယ်ဆရာလို့ ဆရာများ ဆွဲခဲ့ သလားလို့ ကျနော် မဆွဲခဲ့ ပါဘူးတဲ့။ ဒါပေမယ့် ကျမရင်ထဲမှာ အဲ့ဒီ ကာတွန်းလေးဟာ အခုချိန်ထိ နှစ်ပေါင်းများစွာ စွဲတင်ကျန်ရစ်ခဲ့ပါတယ်။ အော် ငါနဲ့ တူလိုက်လေခြင်း၊ အဲ့ဒီ ကာတွန်းအတွေးလေးကို ကျမ ပြောပြမယ်။ သူက တမျက်နှာ ကာတွန်းပါ။ မဂ္ဂဇင်းရဲ့ သရုပ်ဖော်ပုံ၊ မဂ္ဂဇင်းမှာ တမျက်နှာ ၄ ခု လောက်ပါတယ်။ တခါတလေ ၆ ခုလောက်ပါတယ်။ အခု ကျမကာတွန်း အကွက် ၆ ကွက်ပါတဲ့ ကာတွန်းပါ။ သူက ပထမဦးဆုံး အကွက်မှာ လူမမာတယောက် ကြမ်းပြင်ပေါ်မှာ ပက်လက်ကြီး စန့်စန့်ကြီး အိပ်နေတယ်၊ လူနာရဲ့ ဘေးနားလေးမှာ လူနာရဲ့ ဇနီးလို့ ထင်ရတဲ့ အမျိုးသမီးလေးက တယောက်၊ သူက ကျုံ့ကျုံ့လေးထိုင်ပြီးတော့ စိတ်ပူနေတဲ့ မျက်နှာလေးနဲ့ လူနာကို ကြည့်နေပါတယ်။ သူတို့နှစ်ယောက်ရဲ့ ဘေးနားမှာတော့ ဆရာဝန်တယောက် မတ်တတ်ရပ်နေပါတယ်။ အဲဒီဆရာဝန်က လူနာကို နားကြပ်ကလေး နားမှာထောက်ပြီး စမ်းသပ်နေပါတယ်၊ အဲဒါ ပထမဦးဆုံးအကွက်။ ဒုတိယအကွက်ကတော့ အဲဒီဆရာဝန်ကို ကာတွန်းဆရာက ပုံကြီးချဲ့ပြီး ဆွဲပါတယ်။ ဆရာဝန်ရဲ့ မျက်လုံးတွေကို အဓိက ထားတယ်။ ဆရာဝန်ရဲ့ မျက်လုံးက ဘာမှမသိတဲ့ အူကြောင်ကြောင် မျက်လုံးမျိုးပါ။ မျက်လုံးလေးက လည်နေတယ်။ ဆရာဝန်ရဲ့ ခေါင်းပေါ်မှာလဲ ကွက်ရှင်မတ်ပေါ့ မေးခွန်းလက္ခဏာလေးနဲ့၊ သူ့ရဲ့ဘေးနားမှာ ရှုပ်နေတဲ့ သပွတ်အူလို ပုံစံလေးနဲ့။ ဘာရောဂါပါလိမ့် သူတော်တော်ဦးဏှောက်ခြောက် နေပြီလို့ ကာတွန်းကြည့်တဲ့ပရိသတ် သိအောင် ကာတွန်းဆရာက ဆွဲထားပါတယ်။ အဲ့ဒါက ဒုတိယအကွက်။ နောက် တတိယအကွက်ရောက်တော့ ဆရာဝန်ကိုပဲ အသားပေးပြီး ဆွဲထားတယ်၊ ဆရာဝန်ရဲ့ မျက်ဝန်းမှာ စောစောက မြင်နေရတဲ့ အူကြောင်ကြောင် မျက်လုံးမရှိတော့ဘူး။ သူ့မျက်လုံးလေးတွေက တောက်နေတယ်။ သူ့ရဲ့ ခေါင်းပေါ်မှာလဲ စောစောက ကွက်ရှင်မတ်တွေ၊ သပွတ်အူတွေ မရှိတော့ပဲနဲ့ လင်းနေတဲ့ ဖန်သီးလေးတလုံးကို ခေါင်းပေါ်မှာ ဆွဲထားပါတယ်။ ဖန်သီးလေးဘေးမှာ အချောင်းချောင်းလေးတွေနဲ့ သူဘာရောဂါလဲဆိုတာ ရှာလို့ ရပြီဆိုတဲ့ အဓိပ္ပါယ်၊ ကျမတို့ သိစေပါတယ်။ နောက် စတုတ္ထကွက်မှာရောက်တော့ ဆရာဝန်က သူတပ်ထားတဲ့ နားကျပ်ကို ချွတ်ပြီး လူနာရှင် အမျိုးသမီးဘက်ကို လှည့်ပြီးတော့ စိတ်မကောင်းတဲ့ မျက်နှာလေးနဲ့ ကျနော် ၀မ်းနည်းပါတယ်၊ လူမမာဟာ အသက်မရှိတော့ပါဘူးတဲ့။ (ရီသံများ) အဲ့ဒီလို ပြောလိုက်ပါတယ်။ အဲ့ဒါက စတုတ္ထအကွက်ပေါ့။ နောက် ပဉ္စမအကွက်ကို ရောက်တော့ စောစောတုန်းက ကြမ်းပြင်ပေါ်မှာ ကျုံ့ကျုံ့လေးထိုင်ပြီး စိုးရိမ်ပူပန်တဲ့ မျက်နှာလေးနဲ့ သူ့ယောက်ျားကို ကြည့်နေတဲ့ လူမမာရှင်အမျိုးသမီးက သူ့ယောက်ျားဘက်ကို လက်ညှိုး ငေါက်ငေါက်ထိုးပြီးတော့ 'ရှင် ဆရာဝန်ထက် ပိုပြီးတော့ မသိချင်နဲ့' အဲ့ဒီလို ပြောလိုက်ပါတယ်။ (ရီသံများ၊ လက်ခုပ်သံများ)

အဲ့ဒီတော့ ကာတွန်းထဲက ဆရာဝန်လို ကျမဟာ၊ ကာတွန်းထဲက လူနာရှင်မိန်းမလို အများကြီး ကြုံတွေ့တဲ့အခါ ကျမရဲ့ဆေးခန်းဟာ လူနာတော်တော်များပါတယ်။ ရေနံချောင်းမြို့မှာ ဒေါက်တာ တင်တင်ဝင်း ဆိုတာ နံမည် တော်တော်ကြီးပါတယ်။ စောစောက ဒေါက်တာ တင်မောင်သန်းပြောသွားတဲ့ ပူဖောင်းလေးတွေလဲ ပါတာပေါ့။ အဲ့ဒီတော့ ဒါဟာ ကျမရဲ့ ဆရာဝန်ဘ၀ သရုပ်ပေါ်အောင် ကာတွန်းလေးနဲ့ ဥပမာ ပေးတာပါ။ ကျမရဲ့ ဆရာဝန်ဘ၀ကို ကျမ ထူးခြားတဲ့ အဖြစ်အပျက်ကလေးတခု ကျမပြောပြရင် ပိုပြီးတော့ သဘောပေါက် သွားမယ်လို့ ကျမ ထင်ပါတယ်။ ဒါဟာ ကျမလို ခပ်ညံ့ညံ့ဆရာဝန်တွေသာကြုံရမယ့် အချက်ပါ။ တော်တဲ့ ဆရာဝန်တွေ ဒါမျိုး လုံးဝ ကြုံရမှာ မဟုတ်ဘူး။ ဒါဟာ သေချာပါတယ်။ ကျမဟာ ဆရာဝန်ဖြစ်ပြီးတော့ ၃ လ လောက်အချိန်မှာ ကြုံရတဲ့ အဖြစ်ကလေးပါ။ ၃ လ ဆိုတော့ ဘာအတွေ့အကြုံမှ မရှိသေးပါဘူး။ စမ်းတ၀ါးဝါး ဆေးကုနေဆဲ၊ ကျောင်းစာနဲ့ ပြင်ပလောကနဲ့ကို ထင်ဟပ်ကြည့်နေဆဲ အချိန်ပါ။ အဲ့ဒီအချိန် တညနေ ကျမ ဆေးခန်းဖွင့်တဲ့အချိန်မှာ ကျမရဲ့ ဆေးခန်းထဲ လူနာနှစ်ယောက် ရှိပါတယ်။ တယောက်က ကျမ ကုလက်စ၊ တယောက်က သူ့အလှည့်ရောက်ဖို့ ထိုင်စောင့်နေတယ်။ အဲ့ဒီအချိန်မှာ အပြင်ဘက်ကနေ အမျိုးသမီးတယောက် ခပ်သုတ်သုတ် ဆေးခန်းထဲ ၀င်လာပါတယ်။ ဆရာမ ဆရာမ လူနာအရေးကြီးနေလို့ အိမ်ပင့်ချင်လို့ပါတဲ့။ အဲဒီလို ပြောပါတယ်။ ကျမက လူနာတယောက်ကို ဆေးကုလက်စဆိုတော့ ခဏစောင့်ပါဦး၊ ဒီက လူနာပြီးရင် လိုက်ခဲ့ပါ့မယ်ပြောတော့၊ ဟာ ဘယ်စောင်လို့ ဖြစ်မလဲဆရာမတဲ့၊ ဟိုမှာက အရေးကြီးတယ်တဲ့။ လူမမာက သတိ လစ်နေတာပါတဲ့။ သတိလစ်တယ်ဆိုတော့ အရေးကြီးပြီပေါ့၊ ကျမက ကုလက်စလူနာကို ဆေးတွေ ဘာတွေ ပေးပြီးတော့ စောင့်နေတဲ့ လူနာကို စောင့်များစောင့်နိုင်မလားလို့ ကျမအရေးကြီးတဲ့ လူနာနောက်ကို လိုက်ချင်လို့ပါလို့ ခွင့်တောင်းပါတယ်။ အဲ့ဒီ လူနာကလဲ သဘောကောင်းပါတယ်၊ လိုက်သွားပါဆရာမ ကျမ စောင့်ပါမယ်တဲ့။

အဲ့ဒါနဲ့ ကျမ ဆေးအိတ်ကို ပေးပြီးတော့ လူနာရှင် အမျိုးသမီးနောက် လိုက်သွားပါတယ်။ အဲ့ဒီအချိန်မှာ ကျမတို့ နွေရာသီပါ။ နွေရာသီမှာ ရေနံချောင်းမြို့မှာ တော်တော် ပူပါတယ်၊ ဘယ်လောက်ထိ ပူသလဲဆိုရင် နေ့လည် ၁၂ နာရီကနေ ညနေ ၄ နာရီကြားမှာ ရေလုံးဝ မချိုးရဘူးလို့ အာဏာပိုင်တွေက တားမြစ်ထားတဲ့အထိ ကျမတို့ ရေနံချောင်းက ပူပါတယ်။ ရေချိုးပြီးတော့ ဗြုန်းကနဲ လဲကျပြီး သေဆုံးသူတွေ အများကြီးပါပဲ။ အဲ့ဒါကြောင့် အာဏာနဲ့ တားမြစ်ထားတဲ့ အချိန်ပါ။ စေတနာနဲ့ အာဏာသုံးတာပါ။ တခါတခါ အာဏာဟာ စေတနာနဲ့လဲ သုံးတတ်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကျမက လူနာအိမ်ကို လိုက်သွားပါတယ်။ လမ်းမှာလဲ ကျမ စဉ်းစားနေတာပေါ့။ ရေချိုးရင် အန္တရာယ်ရှိတဲ့ အချိန်ပဲ။ မေးကြည့်တယ် ဘာဖြစ်တာလဲပြော ဆိုတော့၊ ကျမ အမကြီးပါတဲ့၊ ဈေးကနေ မကြာသေးခင်က ပြန်လာပါတယ်တဲ့။ ပူပူအိုက်အိုက်နဲ့ ဈေးက ပြန်ပြန်ချင်း ရေတန်းချိုးလိုက်ပါတယ်။ ရေချိုးပြီး ကတည်းက သတိလစ်သွားတာ အခုချိန်ထိ သတိပြန်လည် မလာပါဘူးတဲ့။ အဲ့ဒီတော့ ဒါဟာ ရေချိုးမှားလို့ အပူရှပ်တယ်ပေါ့။ ဒါဆိုရင် သာမိုမီတာ တိုင်းရမယ်။ စိတ်ထဲမှာ စွဲသွားတယ်။ လူနာအိမ်ရောက်တော့ လူနာက အမျိုးသမီးပါ။ ခပ်၀၀၊ ထွားထွား၊ အဲ့ဒီအမျိုးသမီးကို ကျမက ဘေးကနေ ကြည့်လိုက်တော့ သူ့ပုံစံက မလှုပ်မရှက် ပုံစံပါ။ အဲ့ဒါနဲ့ ကျမ သာမိုမီတာလေးကို ယူပြီးတော့ သူ့ပါးစပ်ကို တိုင်းဖို့ သူ့ပါးစပ်ကို ဖွင့်ပါတယ်။ သူ့ပါးစပ်က ဖွင့်လို့ မရဘူး။ သွားစိနေတယ်။ ကျမကလဲ ဘယ်ရမလဲ သွားစိနေတော့ သူ့ချိုင်းထဲ တိုင်းလိုက်တာပေါ့။ သာမိုမီတာနဲ့ ချိုင်းထဲတိုင်းတော့ အဖျား ရှိ မရှိပေါ့။ ကျမထင်သလောက် မဖျားဘူး။ ဒါနဲ့ ကျမက သွေးပေါင်ချိန် တွေ ဘာတွေ တိုင်းကြည့်သေးတယ်။ သွေးဖိအားက သိတ်ပြီတော့ များဘူး။ နောက်အဆုတ်ကို နားထောင်ကြည့် တော့ အဆုပ်မှာ အသက်ရှူသံ လုံးဝ မကြားရပါဘူး။ အဲ့ဒါလဲ ကျမက အားမလျှော့သေးဘူး။ နှလုံးကို ထောက်စမ်းကြည့် ပါတယ်။ နှလုံးကလဲ တချက်မှ မခုန်ပါဘူး။ အဲ့ဒီတော့ နားကြပ်လေးကိုချ လူမမာရှင်ဘက် လှည့်ပြီးတော့ ၀မ်းနည်းတဲ့ မျက်နှာလေးနဲ့ ပြောတော့မလို့ မပြောရသေးဘူး၊ ပြောမလို့ ရှိသေးတယ်။ ကျမရဲ့ ခေါင်းထဲမှာ အတွေးတချက် ၀င်လာပါတယ်။ အဲ့ဒါက ဘာလဲဆိုတော့ ကျမတို့ရဲ့ ဆရာ့ဆရာကြီးတွေက ကျမတို့ကို သင်ထားတာ ရှိပါတယ်။ လူမမာတယောက်ကို စမ်းသပ်ပြီးတဲ့အခါ သူသေပြီလို့ မပြောမီ နောက်ဆုံး စမ်းသပ်နည်းတွေနဲ့ စမ်းသပ်ရမယ်။ အဲဒီ နောက်ဆုံးနည်းတွေနဲ့ စမ်းသပ်ပြီးမှ လူနာသေပြီလို့ ခိုင်လုံမှသာ လူနာရှင်ကို အတည်ပြုပေးရမယ်လို့ ပြောတော့၊ ဟုတ်ပြီ အဲ့ဒါဆိုရင် လူနာတယောက် အသက်မရှူရုံ၊ နှလုံးမခုန်ရုံနဲ့၊ သေပြီလို့ ပြောလို့ မဖြစ်သေးဘူး။ နောက်ဆုံး စမ်းသပ်နည်းနဲ့ စမ်းသပ်ရဦးမယ်၊ အဲ့ဒီနည်းကို ရှာပါတယ်။ ဖြစ်ချင်တော့ နောက်ဆုံးစမ်းသပ်နည်းဟာ ဘာလဲလို့ ကျမ မမှတ်မိတော့ပါဘူး။ ကျမစဉ်းစားတယ်။ ငါ့ကို ဆရာကြီးတွေက သင်ပေးလိုက်တယ်၊ ဘာလဲ မသိဘူး၊ နောက်ဆုံးနည်း ရှိတယ်တဲ့။ စဉ်းစားတာ တော်တော်ကြာတယ်။ ဘေးကလူတွေကလဲ ကျမကို ငေးကြည့်လို့၊ ကျမလဲ စဉ်းစားရင်း စဉ်းစားရင်း အဖြေမပေါ်တော့ လူနာဆေးထိုးဖို့ လာချတဲ့ ရေနွေးဇလုံထဲကို ကျမ အပ်တွေထည့်၊ ပိုက်တွေထည့် ပိုက်ကလေးကို ရေနွေးစုပ်လိုက် ပြန်ထုတ်လိုက်၊ စုပ်လိုက် ပြန်ထုတ်လိုက်နဲ့ ခေါင်းထဲကတော့ သပွတ်အူတွေ တော်တော်များနေပြီ။ ငါဘာလုပ်မလဲလို့။ ကံကောင်းချင်တော့ ကျမ သတိရသွားပါတယ်။ ဇဝေဇ၀ါ မျက်လုံးတွေ အကုန်ဖျောက်ပြီး မျက်နှာထား ခပ်တည်တည်နဲ့ အဲ့ဒီအမျိုးသမီး ဆီကနေ ကျမကို လက်နှိပ်ဓါတ်မီးတခုပေးပါလို့ တောင်းလိုက်ပါတယ်။

ကဗျာကယာပဲ လက်နှိပ်ဓါတ်မီးထိုးပေးတယ်။ သူ့ဆီက လက်နှိပ်ဓါတ်မီးကို ယူပြီးတော့ လူမမာရဲ့ မျက်လုံးကို ဖွင့်ပြီးတော့ ကျမ မီးထိုးကြည့်ပါတယ်။ သာမန်လူတွေဟာ မျက်လုံးကို မီးရောင်နဲ့ လျှပ်တပြက် ထိုးလိုက်လို့ ရှိရင် အဲ့ဒီ မျက်လုံးသူငယ်အိမ်က မီးရောင်ကို တုံ့ပြန်တဲ့အနေနဲ့ သူငယ်အိမ် ကျယ်ရာကနေ ကျဉ်းသွားရပါတယ်။ ကျုံ့ဝင်သွားရပါတယ်။ အခု ကျမရဲ့ လူနာက လက်နှီပ်ဓါတ်မီးနဲ့ ထိုးလိုက်ပေမယ့် မျက်လုံးသူငယ်အိမ် ကျယ်မြဲကျယ်လျက်ပါ။ အဲ့ဒီတော့ ဒီတဖက် မသေချာသေးဘူး၊ နောက်တဖက် ထပ်ထိုးကြည့်ပါတယ်။ ထပ်ထိုးကြည့်တော့ နောက်တဖက်ကလဲ ကျယ်မြဲ ကျယ်လျက် နည်းနည်းမှကို မလှုပ်ပါဘူး။ သေချာပြီ ဆိုတော့မှ ကျမက လက်နှိပ်ဓါတ်မီးကို ချ၊ စိတ်မကောင်းတဲ့ မျက်နှာလေးနဲ့ လူမမာနားတော့ မနေရဲဘူး၊ ၀ုန်းဆို ထထိုင်ပြီး ဖက်လိုက်မှာစိုးလို့၊ လူနာရှင်ဘက်ကို ကပ်သွားပြီးတော့ ကျမ ပြောလိုက်ပါတယ်။ အမကြီးလို့ ပြောရမှာတော့ ကျမ ၀မ်းနည်းပါတယ်၊ အမကြီးရဲ့ လူမမာက အသက်မရှိတော့ ပါဘူးလို့၊ ကျမ ပြောလိုက်ပါတယ်။ အဲ့ဒီတော့ လူနာရှင် မိန်းမက ကျမ ထင်သားပဲ ဆရာမတဲ့။ အဲ့ဒီလို ပြောပါတယ်။ ကျမ တော်တော် ရှက်သွားတယ်။ ငါ့မှာတော့ ဒီလူနာ သေ မသေ စဉ်းစားလိုက်ရတာ၊ သူကတော့ ကြိုပြီးတော့ သိနေခဲ့ပါလား။ အဲ့ဒီအချိန်မှာ ကျမဟာ ထိုင်ရာကနေ ထပြီးတော့ ထွက်ပြေးသွားချင်လောက်အောင် ရှက်ပါတယ်။ ရှက်တာနဲ့အမျှ ဒေါသလဲထွက်။ ငါ့ကို ဒီလူနာ သေမှန်း သိလျက်နဲ့ သေနေတယ်လို့ ထင်နေလျက်သားနဲ့၊ ငါ့ဆေးခန်းကို ပိတ်ပြီး လာခဲ့ရအောင် ငါ့ကို ခေါ်တယ်။ ကျမဟာ ဒေါသနဲ့ ဟောက်ထည့်လိုက်တယ်။ လူနာသေတယ်လို့ ထင်လျက်သားနဲ့ ကျမကို ဘာဖြစ်လို့ လာခေါ်တာလဲ၊ ကျမမှာဖြင့် ဆေးခန်းလူနာတွေ ပစ်ထားခဲ့ရတာ၊ ရှင်အဓိပ္ပါယ်မရှိဘူး။ ဘာလို့ လာပင့်တာလဲ ဟောက်လိုက်တော့၊ လူနာရှင်အမျိုးသမီးက မျက်နှာလေး ချပြီး ပြောပါတယ်။ ဆရာမရယ် သေတယ်လို့တော့ ထင်ပါတယ်၊ ဒါပေမယ့် ဆရာမဆီက အတည်ပြုချက်လေး ယူချင်လို့ပါတဲ့။ (ရီသံများ) အဲ့ဒါ ကျမဘ၀ရဲ့ အင်မတန် ထူးခြားတဲ့ အဖြစ်အပျက်ကလေးတခုပါ။ ဒီတော့ ကျမဟာ ဆရာဝန်ဘ၀မှာလဲ ညံ့ဖျင်းတဲ့ ဆရာဝန်ပါ။

ဘယ်လောက် ညံ့ဖျင်းသလဲဆိုရင် ကျမ လူမမာတွေ အိမ်တွေ လိုက်သွားတယ်၊ ခလေးမွေးပေးရတယ်၊ ညှပ်နဲ့ ဆွဲမွေးပေးရတယ် ဆိုရင်ပဲ ကျမဟာ သားဖွါးမီးယပ်ပညာရှင်တွေလို ခံစားရပါတယ်။ ဘ၀င်မြင့်ခဲ့ပါတယ်။ အလုံး အကြိတ်လေးတွေ၊ အဆီလုံးလေးတွေ ခွဲစိတ်ရတာကိုပဲ ကျမဟာ ခွဲစိတ်ကုဆရာဝန်ကြီးလို ကျမ ဘ၀င်မြင့်ခဲ့တယ်။ အဲ့ဒီအချိန်မှာ ကျမတို့ နိုင်ငံရဲ့ ပြင်ဘက်မှာ ဆေးပညာနဲ့ ပါတ်သက်ပြီး ဘာတွေ တွေးထင်နေသလဲ၊ ဘာတွေ စီစဉ်နေကြသလဲ ကျမ မသိပါဘူး။
ဒိထက်ပိုညံ့တာတခုက ကျမတို့ ဆရာဝန် ဖြစ်တော့နောက်မှာ ကျမတို့နိုင်ငံရဲ့ ပြည်သူ့ ဆေးရုံတွေမှာ တာဝန်ထမ်းဆောင်ဖို့ လိုပါတယ်။ ပြည်သူ့ဆေးရုံ တွေမှာ တာဝန်ထမ်းဆောင်ဖို့က ဘွဲ့ရရုံနဲ့ မဖြစ်ပါဘူး။ ကျမတို့ တိုင်းပြည်တာဝန်ကို ထမ်းဆောင်ချင်တဲ့စိတ်ရှိရင် တိုင်းပြည်တာဝန်ကို ထမ်းဆောင်ဖို့ အခွင့်အရေးရအောင် စာမေးပွဲတွေ ဖြေရပါတယ်။ အဲ့ဒီက စာမေးပွဲတွေကတော့ ၀န်ထမ်းရွေးချယ်လေ့ကျင့်ရေးအဖွဲ့က ကျင်းပပေးတဲ့ စာမေးပွဲတွေပါ။ အဲ့ဒီ စာမေးပွဲတွေက ဖြေပြီးအောင်မှသာ ကျမတို့ဟာ တိုင်းပြည်တာဝန်ကို ထမ်းဆောင်ခွင့် ရှိပါတယ်။ ကျမဟာ ဘွဲ့ရရခြင်း တိုင်းပြည်ကို အင်မတန် အကျိုးပြုချင်ပါတယ်။ တိုင်းပြည်တာဝန်ကိုလဲ အင်မတန် ထမ်းဆောင်ချင်ပါတယ်။ အဲ့ဒါနဲ့ပဲ ကျမ စာမေးပွဲတွေ ဖြေပါတယ်။ ဖြေတိုင်း ဖြေတိုင်း ကျပါတယ်။ နောက်ဆုံးတကြိမ်မှာတော့ ရေးဖြေစာမေးပွဲ အောင်သွားတယ်။ အောင်သွားတော့ ကျမတို့ ကျက်ရတဲ့ စာတွေကလဲ နိုင်ငံရေးသိပ္ပံ ပါပါတယ်။ မြန်မာစာ ပါပါတယ်။ ဗဟုသုတ ပါပါတယ်။ ဆေးပညာတော့ မပါပါဘူး။ (ရီသံများ) အဲ့ဒီတော့ ကျမတို့ ရေးဖြေအောင်သွားတဲ့အခါ ကျမ ရန်ကုန်ကို လာပြီး နှုတ်ဖြေ ဖြေရပါတယ်။ နှုတ်ဖြေဖြေတော့ ကျမတို့ သူငယ်ချင်း သုံးလေးယောက် စုပြီး တအိမ်မှာ တည်းတယ်။ တည်းပြီးတော့ နောက်ဆုံးပေါ် ဂျာနယ်တွေ၊ ဆေးပညာနဲ့ ပတ်သက်တာတွေ ကျမတို့ အကုန်ဖတ်ပါတယ်။ အဲ့ဒီအချိန်တုန်းက (အိတ်စ်) ရောဂါ ကမ္ဘာမှာ လူသိခါစ၊ ရော့ဟဒ်ဆန်ကြောင့် အဲ့ဒီရောဂါကို လူတော်တော်များများက သိကုန်ကြပါပြီ။ ကျမတို့ ကျောင်းတုန်းက ဒီရောဂါဟာ မထင်ရှားသေးတဲ့အတွက် ကျမတို့ သိပ်စာမကျက်ရပါဘူး။ အဲ့ဒီအချိန်မှာ အိတ်စ်ရောဂါနဲ့ပတ်သက်တဲ့ နောက်ဆုံးပေါ်နည်းတွေ၊ ဖြစ်ပွါးတဲ့ အကြောင်းရင်းတွေ၊ ဆက်သွယ်မှုတွေ အားလုံးကို ကျမတို့ တညလုံး ဖတ်ရတယ်။ ဖတ်ပြီးတော့ နောက်တနေ့ ကျမတို့ အဆင်သင့်ပဲပေါ့။ ဆေးပညာနဲ့ ပတ်သက်လို့ ဘာမေးမေး အားလုံးရပြီလို့ ဆိုပြီး ရင်ကော့ပြီး စာမေးပွဲခန်းထဲ ၀င်သွားပါတယ်။ ၀င်သွားတော့ ကျမတို့ကို မေးလိုက်တဲ့ မေးခွန်းတွေက ကျမထင်ထားတဲ့ မေးခွန်းတွေ ဘာတခုမှ မမေးပါဘူး။ ကျမ မထင်မှတ်တဲ့ မေးခွန်းတွေပဲ မေးပါတယ်။ အဲ့ဒီ မေးခွန်းတွေဟာလဲ ကျမတခါမှ မကြားဘူးတဲ့ မေးခွန်းတွေပါ။ ဘာမေးခွန်းတွေလဲ ဆိုတာတော့ ကျမ မပြောတော့ပါဘူး။ မမှတ်မိလို့ပါ။ အဲ့ဒီမေးခွန်းတွေကို မေးပြီးတော့ ကျမကလဲ မဖြေနိုင်ပါဘူး။ ကျမကို ဆေးပညာနဲ့ ပတ်သက်တဲ့တာ မေးပါ။ ကျမ အကုန်ရပါတယ် ပြောတော့ အဲ့ဒါတွေ မမေးဘူးတဲ့၊ ငါတို့ မေးတဲ့ မေးခွန်းကိုပဲ ဖြေရမယ်တဲ့။ ကျမ စာမေးပွဲ ကျခဲ့ပါတယ်။ ကျမ အင်မတန် ထမ်းဆောင်ချင်တဲ့ တိုင်းပြည်တာဝန်ကို မထမ်းဆောင်ခဲ့ရပါ။ အဲ့ဒါ ကျမတို့ ဘွဲ့ရခါစ လွန်ခဲ့တဲ့ (၁၀) နှစ်ကပေါ့။ အခုအချိန်မှာတော့ အခြေအနေ တမျိုးပြောင်းသွားပါပြီ။

တိုင်းပြည်တာဝန်ကို ထမ်းဆောင်ဖို့ ဖိတ်ခေါ်လျက် ရှိပါတယ်။ မြို့နယ်ဆေးရုံတွေ၊ ကျေးလက်ကျန်းမာရေးဌာနတွေမှာ ဆရာဝန်တွေ လိုနေပါတယ်တဲ့။ အရင်တုန်းက တနှစ်တနှစ် အောင်ခဲ့တဲ့ ဆရာဝန်တွေ ငါးရာ ခုနှစ်ရာလောက် ရှိပါတယ်။ ခေါ်တဲ့ဆရာဝန်က ၁၅၀ လောက်ပဲ ရှိပါတယ်။ အခုတော့ တနှစ်တနှစ် ဘယ်လောက်အောင်သလဲတော့ မသိဘူး။ ခေါ်တဲ့သူတွေက အများကြီးပဲ။ ဖြေတဲ့သူတိုင်းကို အအောင်ပေးပါတယ်။ ဒါပေမယ့် ဖြေတဲ့သူ တဖြေးဖြေး နည်းသွားပါတယ်။ ကျမကိုယ်တိုင် အရင်တုန်းက တိုင်းပြည် တာဝန်ထမ်းဆောင်ချင်တဲ့ ကျမဟာ အခုအခြေအနေမှာ သွားပြီးတော့ ဖြေရင် အောင်မယ်ဆိုတာ ကျမ သိပါတယ်။ အခုတော့ ကျမ တိုင်းပြည်တာဝန် ထမ်းဆောင်ချင်တဲ့စိတ် မရှိတာလား၊ အသက်ကပဲ ကြီးသွားတာလား မသိပါဘူး။ စိတ်မ၀င်စားတော့ဘူး။ အခုတော့ ကျမဟာ ခပ်ညံ့ညံ့ ပြင်ပဆေးကု ဆရာဝန်ဘ၀နဲ့ပဲ ဆက်ပြီးတော့ နေထိုင်လျက် ရှိပါတယ်။ အဲ့ဒါက ကျမရဲ့ ဆရာဝန်ဘ၀ ညံ့ဖျင်းမှုတွေပါ။

ဆရာဝန်ဘ၀ ပြောပြီးတော့ စာရေးဆရာဘ၀ ညံ့ဖျင်းမှုတွေကို ၀န်ခံလိုပါတယ်။ ကျမ စာရေးဆရာအဖြစ် ဘာတွေညံ့သလဲ ဆိုတာကတော့ ကျမရဲ့ ၀တ္ထုဆောင်းပါးတွေကို ဖတ်တဲ့ ပရိသတ်တွေအနေနဲ့ ထူးပြီးတော့ ၀န်ခံစရာ မလိုလောက်အောင် သဘောပေါက်ပြီးသားလို့ ကျမ ယူဆပါတယ်။ ဒီတော့ ကျမစာရေးတာနဲ့ ပတ်သက်လို့ ကျမရဲ့ အရေးအသားတွေ၊ ဇာတ်လမ်းတည်ဆောက်ပုံတွေ၊ အတွေးအခေါ်တွေ ညံ့ဖျင်းတာကိုတော့ ကျမ မပြောတော့ပါဘူး။ ဒါပေမယ့် ရည်ရွယ်ချက်နဲ့ ပတ်သက်ပြီးတော့ ညံ့ဖျင်းတာကိုတော့ ကျမ ပြောလိုပါတယ်။ ကျမဟာ စာရေးဆရာ ဖြစ်လို့သာ ဖြစ်လာရတယ်၊ ဘာရည်ရွယ်ချက်မှ မရှိပါဘူး။ စာရေးဆရာ ဘာ့ကြောင့် ဖြစ်ချင်သလဲလို့ တယောက်ယောက်က မေးလိုက်တဲ့အခါမှာ ကျမ အိုးနင်းခွက်နင်း အမြဲဖြစ်တတ်ပါတယ်။ ဘာဖြေလို့ ဖြေရမှန်း မသိပါဘူး။ အဲ့ဒါဟာ ကျမရဲ့ ညံ့ဖျင်းမှုပါ။ အခုအချိန်ကျမှ ပြန်စဉ်းစားကြည့်ရတယ်။ အရင်တုန်းက ကျမ မသိပါဘူး။ အခုအချိန်လဲ ကျမ ဘာဖြစ်လို့ ပြန်စဉ်းစားမိသလဲဆိုတော့ ဆရာမကြီး ဒေါ်ခင်မျိုးချစ်ရေးတဲ့ ဆောင်းပါးတပုဒ် ဖတ်လိုက်ရလို့ပါ။ ဒေါ်ခင်မျိုးချစ်ကို အားလုံးသိကြမှာပါ။ အဲ့ဒီဆရာမကြီးက စာရေးတဲ့ ရည်ရွယ်ချက်နဲ့ ပတ်သက်လို့ ဆောင်းပါးတပုဒ် ရေးဖူးပါတယ်။ သူက ဘာကို ဥပမာပြသလဲဆိုတော့ ဖိလစ်ပိုင်အမျိုးသား အာဇာနည်ခေါင်းဆောင် ဒေါက်တာ ဟိုဆေးရီဇော်နဲ့ ဥပမာ ပြပါတယ်။ ဒေါက်တာ ရီဇော်ဟာ သူစာရေးတဲ့ အချိန်တုန်းက သူနိုင်ငံဟာ ကိုလိုနီနိုင်ငံပါ။ သူ့တိုင်းပြည် လွတ်လပ်ရေး မရသေးပါဘူး။ အဲဒီတော့ သူဟာ သူ့တိုင်းပြည်လွတ်လပ်ရေးရဖို့ ကျနော် စာ(၃)အုပ် ရေးပါမယ်တဲ့။ အဲ့ဒီစာ (၃) အုပ်ရေးပြီးတဲ့ အထိ ကျနော့်တိုင်းပြည်ဟာ လွတ်လပ်ရေး မရသေးဘူးဆိုရင် ကျနော် ကိုယ့်ကိုယ်ကို သတ်သေ ပစ်လိုက်မယ်တဲ့။ အဲ့ဒီ ရည်ရွယ်ချက်နဲ့ ကျေညာပြီး စာရေးတဲ့ သူတယောက်ပါ။ တကယ်လဲ သူစာအုပ် ရေးခဲ့ပါတယ်။ စာအုပ်နှစ်အုပ် ရေးပြီးတဲ့အခါမှာပဲ သူ့တိုင်းပြည်ဟာ လွတ်လပ်ရေး ရသွားပါတယ်။ သူကိုယ်တိုင်ကတော့ နယ်ချဲ့အစိုးရက သူပုန်ဆိုပြီး သတ်မှတ်ပြီးတော့ သေနတ်နဲ့ ပစ်သတ်ကွပ်မျက်တာကို ခံခဲ့ရပါတယ်။ သူဟာ သူရဲကောင်း ပီသစွာ ကျဆုံးသွားပါတယ်။ အဲဒီ ဒေါက်တာရီဇော်ရဲ့ ရည်ရွယ်ချက်ကို ဆရာမကြီး ဒေါ်ခင်မျိုးချစ်က ရေးပြလိုက်တဲ့အခါ ကျမ ကိုယ့်ကိုယ်ကို သိပ်ရှက်သွားပါတယ်။ ငါ ဘာရည်ရွယ်ချက်နဲ့ စာရေးတာလဲ။ သူများတွေများ ရည်ရွယ်ချက်က မွန်မြတ်လိုက်တာ။ မြင့်မြတ်လိုက်တာ၊ ငါ့မှာတော့ ဘာရည်ရွယ်ချက်မှ မရှိပါလား၊ ကျမရေးခဲ့တဲ့ ၀တ္ထုတွေ လေးငါးပုဒ်၊ လုံးချင်းစာအုပ်နဲ့ ၀တ္ထုတွေ ၃၀ ကျော်၊ ငါဘာကို ရေးတာလဲ၊ အဲ့ဒီတခါ ကျမ နည်းနည်းတော့ သဘောပေါက်လာပါတယ်။ ကျမဟာ ရည်ရွယ်ချက်တော့ ရှိခဲ့ဟန် တူပါတယ်။ ဘာရည်ရွယ်ချက် လဲ တွေးကြည့်တော့ ကျမ၀တ္ထုတွေထဲက ကျမ ပြန်ပြီးတော့ လေ့လာကြည့်ရသလောက်တော့ ကျမဟာ အမျိုးသမီးတယောက် ဖြစ်တာနဲ့အမျှ အမျိုးသမီးများရဲ့ ဂုဏ်သိက္ခာမြင့်မားရေး၊ တိုးတက်အောင်မြင်ရေး၊ ကိုယ်ကျင့်တရား မြင့်မြတ်ရေး အဲ့ဒါတွေကို ကျမ ဦးတည်ခဲ့ပုံရပါတယ်။ ကိုယ့်ဖာသာကိုယ် ပြန်ပြီးတော့ ဆင်ခြင်မိသလောက် ပြောရရင် ဒါတွေကြောင့် ရေးမိခဲ့တယ်နဲ့ တူပါတယ်။ ဒါတောင် အခုချိန်ထိ မသေချာသေးပါဘူး။ ဇဝေဇ၀ါ ဖြစ်တုန်းပါပဲ။ ဟုတ်မှဟုတ်ရဲ့လားလို့ ကျမကိုယ်ကျမ မသေချာသေးဘူး။ ဒါပေမယ့် ဒါ ထင်မြင်ချက်တခုပါ။ ကျမ အဲ့ဒီလို ရည်ရွယ်ချက်နဲ့ ရေးခဲ့မိတယ်လို့ ကျမ ကိုယ့်ဖာသာကိုယ်ပဲ ကောက်ချက်ချရပါတယ်။

ဒါက ရည်ရွယ်ချက်နဲ့ ပတ်သက်ပြီးတော့ ကျမ ညံ့တာ၊ နောက်တခုက ကျမတို့ဟာ ၀တ္ထုတပုဒ် ကဗျာတပုဒ် ရေးတဲ့အခါ ကိုယ့်ရဲ့စာကို စာဖတ်ပရိသတ် ဖတ်စေချင်တဲ့ ရည်ရွယ်ချက် ရှိပါတယ်။ စာဖတ်ပရိသတ်ဆီကို ပို့ချင်တဲ့ ဆန္ဒလေးတွေ အမြဲရှိပါတယ်။ ဒါ့ကြောင့် ကျမတို့ စာတွေ ရေးပါတယ်။ ကိုယ့်ကိုယ်ကို ဖတ်ဖို့ ရေးတာထက် သူတပါးဖတ်ဖို့ ရေးတာက ပိုပြီးတော့ များပါတယ်။ အဲ့ဒီတော့ ကျမဟာ ပရိသတ်အတွက် ရည်ရွယ်ပြီးတော့ ၀တ္ထုတွေ အများကြီး ရေးတယ်။ ဒါပေမယ့် ပရိသတ်ဆီကို ရည်ရွယ်သော်လည်း ပရိသတ်ဆီကို မရောက်ပဲ မမျှော်လင့်ပဲ ရေမြောင်းထဲကို ရောက်သွားခဲ့ရတဲ့ ၀တ္ထုလေးတွေ၊ ကဗျာလေးတွေ ရှိပါတယ်။ အယ်ဒီတာစာပွဲက ဆုတ်ဖြဲပြီးတော့ ရောက်တာ မဟုတ်ပါဘူး။ အယ်ဒီတာ စာပွဲကနေ ကျော်သွားပြီးမှ အကြောင်းကြောင်းကြောင့် ကျမရဲ့ ၀တ္ထုလေးတွေ ကဗျာလေးတွေ ရေမြောင်းထဲကို ရောက်သွားတာ ကျမ ခဏခဏ ကြုံရပါတယ်။ ဒါဟာ ကျမရဲ့ ညံ့ဖျင်းမှုတွေထဲမှာ ပါပါတယ်။ တကယ်တော့ ကျမတို့ဟာ စာဖတ်ပရိသတ်တွေဆီကို ပို့တဲ့အခါမှာ ပရိသတ်ဆီရောက်အောင် ကျမတို့ ရေးနိုင်ရပါမယ်။ ဘယ်လို အတားအဆီးပဲရှိရှိ ဘယ်လို အဖြတ်အတောက်ပဲ ရှိရှိ ဒါကို လှည့်ပတ်ပြီး ပို့နိုင်ရပါမယ်။ အရေးကြီးတာက ပန်းတိုင်ရောက်ဖို့ပဲ။ ဒါပေမယ့် ကျမတို့က အဲ့ဒီလို မပို့တတ်ဘူး။ ကျမက ပိုပြီးတော့ မပို့တတ်ဘူး။ အဲ့ဒီတော့ ကျမက ရည်ရွယ်ချက်နဲ့ ပရိသတ်ဆီကို ရောက်အောင် ပို့ပေးလိုက်ပေမယ့် တခါတခါကျတော့ ကံအကြောင်း မသင့်လို့ ပရိသတ်ဆီကို မရောက်တော့ပဲ ရေမြောင်းထဲကို ရောက်သွားတာ ကြုံရပါတယ်။ အဲ့ဒါဟာ ကျမရဲ့ ညံ့ဖျင်းမှုပါ။ ရေမြောင်းထဲကို ရောက်သွားတဲ့ ၀တ္ထုလေးတွေ အများကြီး ရှိပါတယ်။ ကဗျာလေးတွေ အများကြီး ရှိပါတယ်။ အဲ့ဒီထဲက ကျမ ကဗျာတပုဒ်အကြောင်း ပြောပြချင်ပါတယ်။ ကဗျာလေးက တိုတိုလေးပါ။

ကဗျာလေးခေါင်းစဉ်က 'လေလွင့်သူရဲ့တိမ်' လို့ အမည်ပေးထားပါတယ်။ လွန်ခဲ့တဲ့ (၈) နှစ်လောက်က ရေးထားတာပါ။ ကျမ အဲ့ဒီကဗျာကို ပရိသတ်ဆီပို့ဖို့ အခုအချိန်ထိ ၃ ကြိမ်တိတိ ပို့ပြီးပါပြီ။ ၃ ကြိမ်လုံးလုံး ရေမြောင်းထဲပဲ ရောက်သွားပါတယ်။ ဒီတော့ အဲဒီကဗျာလေး ဘာကြောင့် ရေမြောင်းထဲကို ရောက်သလဲဆိုတာ ၀ိုင်းပြီးတော့ ဆန်းစစ်ပေးပါလို့ ကျမ တောင်းပန်ချင်ပါတယ်။ ကျမ အဲ့ဒီကဗျာလေးကို ရွတ်ပြပါမယ်။ နဲနဲကြာပြီဆိုတော့ အလွတ်မရလို့ စာရွက်ကို ကြည့်ပြီးတော့ ရွတ်ပါမယ်။

မုန်းတီးသူများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

မုန်းတီးမှုတွေ စားရတယ်ဆိုတာ တခြား စားစရာ မရှိလို့ စားရတာပါ။ ကျမမှာက နေ့စဉ်နှင့်အမျှ မုန်းတီးမှုကို စားရပါတယ်။ တချို့ တချို့သော သူတွေ၊ ကံကောင်းတဲ့သူတွေကတော့ စားစရာတွေ အများကြီး ရှိမှာပေါ့။ အဟာရရှိတဲ့ အစားအစာတွေ အများကြီး စားတဲ့အခါမှာ သူတို့ရဲ့ ဗိုက်တွေကလဲ တဖြေးဖြေးနဲ့ ပိုပိုပြီး ပူလာပါတယ်။ (ရီသံ၊ လက်ခုပ်သံများ) အဲ့ဒီတော့ ဒီပရိသတ်ထဲမှာ ဗိုက်ပူသူ ရှိရင် (ရီသံများ) တချို့ကျတော့ ဘီယာသောက်လို့ ဗိုက်ပူတတ်ပါတယ်။ အဲ့ဒါတွေက တမျိုးပေါ့။ ကျမမှာတော့ သူများလို စားစရာ အဟာရလဲ သိတ်မရှိ၊ လူပုံကို ကြည့်လိုက်ပါ၊ လူပုံကလဲ ပိန်ပိန် ပုပု သေးသေးလေး၊ ဒါ အဟာရ မရှိလောက်ဖူးဆိုတာ သိလောက်ပါတယ်နော်။ ကျမတို့မှာက ဆန်စပါး။ ၀၀လင်လင် မစားရ။ တချို့တော့ ဆန်စပါးတင်မကဘူး၊ ဘိလပ်မြေတွေ ဘာတွေလဲ စားတတ်ကြတယ်လို့ ပြောပါတယ်။ (ရီသံများ) အဲ့ဒီတော့ ကျမက စားစရာ မရှိတော့ နေ့စဉ်နှင့်အမျှ ကိုယ့်ရဲ့ မုန်းတီးမှုကို ကိုယ့်အမုန်းတွေကို ပြန်ပြီး စားရင်း ကိုယ့်ကိုယ်ကို ခွန်အားဖြစ်အောင် နေခဲ့ရပါတယ်။ အဲ့ဒီအဓိပ္ပါယ်နဲ့ ကျမဟာ ကဗျာလေးကို အဲ့ဒီလို ရေးဖွဲ့ခဲ့ပါတယ်။

မုန်းတီးမှုများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းခဲ့ပြီ။

အဲ့ဒါကလဲ အဲ့ဒီကဗျာရေးတော့ ကျမက အသက် ၃၀ မို့လို့ နှစ် ၃၀ ကြာတဲ့ မီးလျှံများလို့ ရေးတာပါ။ (ရီသံများ)

လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရားတရင်း စိန်ခေ

(FWD Mail မှကူးယူဖော်ပြပါသည်။ အောက်ဆုံးအပိုဒ်က ကဗျာအဆုံးသတ်မပါရှိခြင်းအတွက်တောင်းပန်အပ်ပါသည်။)

ကမ္ဘာ.အမွန်မြတ်ဆုံး၊အ ကောင်းဆုံး ဘာသာတရားဆု

2009-12-11T15:35:00.002+06:30

ဗုဒ္ဓဘာသာဝင်တွေအတွက် သတင်းကောင်းတစ်ခုမို. ကြိုးစားပြီး ပြန်ဆိုတင်ပြလိုက်ပါတယ်...။ ဆွစ်ဇာလန်နိုင်ငံ၊ ဂျနီဗာမြို. အခြေစုိုက် အပြည်ပြည်ဆိုင်ရာ ဘာသာရေးနှင်. အသိဥာဏ်မြင်.မား ရေးဆိုင်ရာ ပူးပေါင်းဆောင်ရွက်ရေးအဖွဲ.က ဗုဒ္ဓဘာသာအဖွဲ.အစည်းကို " ကမ္ဘာ့အမွန်မြတ်ဆုံး/ အကောင်းဆုံး " ဘာသာတရား ဆုချီးမြှင်.ခဲ.ကြောင်း သိရှိရပါတယ်...။ အဆိုပါအထူးတစ်လည်ချီးမြှင်.တဲ. ဆုကိုကမ္ဘာ ဘာသာပေါင်းစုံမှ ကိုယ်စားလှယ် ၂၀၀ ကျော်ကရွေးချယ်ချီးမြှင်.ခဲ.ခြင်းဖြစ်ပြီး ပို၍၀မ်းမြောက်အံ.သြဖွယ်ကောင်းသည်မှာပါဝင်ရွေးချယ်သည်.ဘာ သာရေးခေါင်းဆောင်အများစုက အဆိုပါ အဖွဲ.အစည်းတွင်အဖွဲ.ခွဲဝင် အနည်းဆုံးဖြစ်သော ဗုဒ္ဓဘာသာကို မိမိတို.ဘာသာထက် ကျော်လွန်ပြီး ဆန္ဒမဲပေးခဲ.ကြခြင်းဖြစ်သည်...။
ပါဝင်ဆန္ဒမဲပေးခဲ.သူ လေးဦးကပြောဆိုခဲ.ရာတွင်... အဆိုပါအဖွဲ.ကြီး၏ သုတေသနညွန်ကြားရေးမှူး Jonna Hult က " ဒီကမ္ဘာ.အမွန်မြတ်ဆုံး၊အ ကောင်းဆုံး ဘာသာတရားဆုကို ဗုဒ္ဓဘာသာက ရရှိတာအံ.သြစရာမရှိပါဘူး...။ ဘာဖြစ်လို.လည်းဆိုတော. ကမ္ဘာပေါ်မှာ ဗုဒ္ဓဘာသာကြောင်. ဖြစ်ပွား ပေါ်ပေါက်ခဲ.တဲ. စစ်ပွဲဆိုတာမရှိခဲ.ပါဘူး...။ တစ်ခြားဘာသာများနဲ. မတူတာကအဲဒါပါပဲ...။ တစ်ခြားဘာသာတွေက အကယ်၍ဘုရားသခင် သာမှားယွင်းခဲ.ရင်ဆိုတဲ. အတွေးနဲ.လက်နက်တွေကို အရံသင်.ထားကြပါတယ်...။ ဗုဒ္ဓဘာသာဝင် တစ်ယောက်ဟာ(ဘာသာရေးအတွက်နဲ.) စစ်တိုက်တာကိုတွေ.ရဖို. အတော်ခဲယဉ်းပါတယ်...။ တစ်ခြားဘာသာဝင်တွေရဲ. အစဉ်အလာအလေ.အထနဲ. ဆန်.ကျင်စွာပဲ ဗုဒ္ဓဘာသာဟာကိုယ် ကိုယ်တိုင်ကျင်.ကြံတဲ. တရားကိုသာသူများကို ဟောကြားခဲ.တာပါပဲ "

လို.ဆိုခဲ.ပါတယ်... Belfast မြို.မှ ကက်သလစ်ဘုန်းတော်ကြီး Ted O'Shaunghnessy ကတော.

" ကက်သလစ်သာသနာကို မြတ်နိုးကိုကွယ်ပေမယ်. လူသားတွေကို မေတ္တာဂရုဏာထားရန် ဟောကြားပြီးလူသားတွေကိုပဲ သတ်ဖြတ်ကာ ဘုရားသခင်ရဲ. အလိုဆန္ဒနားလည်ပါတယ်လို. ပြောကြတာက စိတ်အနှောက်အ ယှက်အဖြစ်ရဆုံးပါပဲ...။ ဒါကြောင်. မွန်မြတ်တဲ. ဗုဒ္ဓဘာသာကို မဲပေးခဲ.တာပါ လို. အမိန်.ရှိခဲ.ပါတယ်....။
ပါကစ္စတန်က မွတ်ဆလင် ဘာသာရေးခေါင်းဆောင် Tal Bin Wassad ကလည်း ဒီအဆိုကို သဘောတူ ထောက်ခံခဲ.ပါတယ်...။ အဆိုပါအဖွဲ.ကြီးရဲ. ပါကစ္စတန်နိုင်ငံ မွတ်စလင် အစည်းအရုံးဆိုင်ရာမဲပေး ရေးအဖွဲ.၀င် တစ်ယောက်ဖြစ်တဲ.သူက

" ကျွန်တော်ဟာ အစ္စလာမ်ဘာသာကို နှစ်နှစ်ကာကာ ယုံကြည်သူ တစ်ယောက်ပါ...။။ သို.သော်လည်း ပုဂ္ဂိုလ်ရေးဆိုင်ရာ ခံစားချက်ထက် ဘာသာရေးကို အကြောင်းပြပြီး အမျက်ဒေါသတွေ ထွက်ကြ၊ သွေးမြေကျကြ ရတာတွေကို တွေ.မြင်ခံစားရပါတယ်... ဗုဒ္ဓဘာသာဝင်တွေကတော. အဲဒါကို သိမြင်နားလည် သဘောပေါက်ခဲ.ကြပါတယ်...။ ပြောရရင် ကျွန်တော်.ရဲ. အရင်းနှီးဆုံး မိတ်ဆွေတစ်ချိူ. ဟာဗုဒ္ဓဘာသာဝင်တွေပါ "
လို.ပြောခဲ.ပါတယ်...။ အစ္စရေးနိုင်ငံ ဂျေရုဆလင်မြို.က ဂျူးဘုန်းတော်ကြီး Shmuel Wasserstein ကတော.

" ကျွန်တော်လည်း ကျွန်တော်.ဘာသာဖြစ်တဲ. ဂျူဒါအစ်ဇင် ကိုနှစ်သက်မြတ်နိုးပါတယ်...။ ကိုယ်.ဘာသာမို.ကိုယ် ဒါဟာကမ္ဘာပေါ်မှာ အကြီးမြတ်ဆုံး ဘာသာတရားလို.လည်း ထင်ပါတယ်...။ ဒါပေမယ်. ရိုးရိုးသားသား ၀န်ခံရယင် ကျွန်တော်ဟာနေ.စဉ် ဂျူးဘာသာအရ ၀တ်မပြုခင် ၀ိပဿနာတရား ကိုကျင်.ကြံ အားထုတ်နေတာ ၁၉၉၃ ခုနှစ်ကတည်းကပါ...။ ဒါကြောင်. အခုလို မဲပေးလိုက်ပါတယ် "

လို.ပြောလိုက်ပါတယ်...။ သို.သော်..စိတ်မကောင်းစရာ အချက်တစ်ခုက အဆိုပါအဖွဲ.ကြီးအနေဖြင်. ထိုဆုကို လက်ခံမည်.သူ တစ်ယောက်ကိုမျှ မတွေ.ခဲ.ရပေ....။ သူတို. ဆက်သွယ်ပြောဆိုသမျှ ဗုဒ္ဓဘာသာဝင်အားလုံးက ထိုဆုကို လက်ခံဖို. ငြင်းပယ်ခဲ.ကြခြင်းဖြစ်သည်...။ အဘယ်ကြောင်. ထိုဆုကိုလက်ခံရန် ငြင်းဆန်ရကြောင်း မေးမြန်ခဲ.ရာ မြန်မာဗုဒ္ဓဘာသာအသင်း ဘုန်းတော်ကြီးဂုရတ္တက

" ယခုလိုမိမိတို. ဘာသာကို အသိအမှတ် ပြုချီးမြှင်.သည်.အတွက် ၀မ်း မြောက်ကျေးဇူးတင်ကြောင်း ... သို.သော် ဒီဆုကို အမြတ်ဆုံး လွတ်မြောက်မှု နိက္ခမဓါတ်၊ နိဗ္ဗာန်ဓါတ် ကြိုးစားအားထုတ်ကာ ရရှိနိုင်သည်. လူသားအားလုံးကို မိမိတို.မျှဝေပေးအပ်ပါကြောင်း..."

မိန်.ကြားခဲ.ပါတယ်...။ အဖွဲ.ကြီးအနေနဲ. ထိုဆုကို လက်ခံရယူပေးမယ်. သူကို ဆက်လက် ဆက်သွယ်နေဦးမှာ ဖြစ်ကြောင်း သိရှိရပါတယ်....။
တရား အရသာသိတဲ. သူတွေကတော. ကိုယ်တိုင်ကို လက်တွေ.ကျင်. ကြံအားထုတ်နေကြပြီ...။ တရားမသိ ၊ အမှားပြည်.နေတဲ. ... ကျွန်တော်တို. ငမိုက်သားများကတော. .. ဒီသံသရာ ရေယာဉ်ကြောမှာ ...မြောလို.ကောင်းနေဆဲ.... ။
မူရင်းသတင်းလေးကတော.ဒီလိုပါ...

The Geneva-based International Coalition for the Advancement ofReligious and Spirituality (ICARUS) has bestowed
"The Best Religion Inthe World" award this year on the Buddhist Community. This special award was voted on by an international round table of more than 200religious leaders from every part of the spiritual spectrum. It wasfascinating to notethat many religious leaders voted for Buddhism rather than their own religion although Buddhists actually make up a tiny minority of ICARUSmembership. Here are the comments by four voting members:Jonna Hult, Director of Research for ICARUS said "

It wasn't a surprise to me that Buddhism won Best Religion in the World, because we couldfind literally not one single instance of a war fought in the name ofBuddhism, in contrast to every other religion that seems to keep a gunin the closet just in case God makes a mistake. We were hard pressed to even find a Buddhist that had ever been in an army. These peoplepractice what they preach to an extent we simply could not document with any other spiritual tradition."

A Catholic Priest, Father Ted O'Shaughnessy said from Belfast ,

"As much as I love the Catholic Church, it has always bothered me to noend that we preach love in our scripture yet then claim to know God'swill when it comes to killing other humans. For that reason, I didhave to cast my vote for the Buddhists."

A Muslim Cleric Tal Bin Wassad agreed from Pakistan via histranslator.

"While I am a devout Muslim, I can seehow much anger andbloodshed is channeled into religious expression rather than dealtwith on a personal level. The Buddhists have that figured out."

Bin Wassad, the ICARUS voting member for Pakistan 's Muslim communitycontinued,

"In fact, some of my best friends are Buddhist."And Rabbi Shmuel Wasserstein said from Jerusalem, "

Of course, I love Judaism, and I think it's the greatest religion in the world. But tobe honest, I've been practicing Vipassana meditation every day beforeminyan (daily Jewish prayer) since 1993. So I get it.
" However, there was one snag - ICARUS couldn't find anyone to give the award to. All the Buddhists they called kept saying they didn't wantthe award.When asked why the Burmese Buddhist community refused the award,Buddhist monk Bhante Ghurata Hanta said from Burma, "We are grateful for the acknowledgment, but we givethis award to all humanity, forBuddha nature lies within each of us."

Groehlichen went on to say

"We're going to keep calling around until we find a Buddhist who will accept it. We'll let you know when we do." Fwd mail ပါ.။ မူရင်းရေးသားသူ မသိပါ.။ ကိုဇော် ထပ်ဆင့် တင်ပြပါသည်.။

နာရီ

2009-11-25T16:43:00.002+06:30

အတ္တ္တ္တတွေက တချောက်ချောက်မြည်
အသက်ရှုသံထက်
လောဘ သံပါတ်က ပိုလည်တယ်။
ဒုက္ခက နိုးစက်လိုပဲ
မကြာခဏ မြည်သံထွက်တယ်..။
ဒါပေမဲ့.....
ဒီဘ၀နာရီတွေအထဲမှာ
ရယ်သံလွင်လွင်တွေရှိတယ်။
ငိုသံညိုညိုတွေ ရှိတယ်။

တစ်အိအိ ရွေ့ လျားနေတဲ့
ရှင်သန်မှု စက္ကန့် သံတွေကြားထဲ
ဘယ်အရာမှ သယ်ဆောင်ခွင့်မရခင်
ငါ့..........
နာရီလက်တံတွေကို ရပ်မပစ်ပါနဲ့
လောကဓံရယ်...။

ခံစားမှုကိုစားသုံးသူများ

2009-11-25T16:18:00.002+06:30

ကဗျာဆရာဆိုတာ
ဘ၀ရဲ့ကဗျာကရာပဲ
ငွေနောက် မလိုက်ပေမဲ့
ငွေနောက်ခြင်းကို ခံရသူတွေ။

တစ်ခါတလေများ
လောကဓံက သရဲလိုခြောက်လို့ကတော့
သူတို့ရဲ့ ဖန်ခွက်မြည်သံ ကျယ်ကျယ်လောင်လောင်နဲ့
မောင်းထုတ်ပစ်တတ်ရဲ့...။

ခေတ်က ကဗျာ ဆရာတွေအပေါ်
ဒုတ်ထမ်းဓားထမ်း လုပ်နေတာကြာပြီ
ဒါပေမဲ့
သူတို့ စာသားတွေ သူတို့ ၀ါးလို့ မျိုလို့
သူတို့ က သူတို့ ကိုသူတို့ ပန်းပွင့်တွေထဲ
ကျေနပ်လို့....။

မြန်မာ့မြေပေါ်က ကဗျာဆရာများ............။

ပြတ်ပြတ်သားသားပြောရရင်ခင်ဗျားကကျွန်တော်မဟုတ်ဘူး

2009-10-31T17:28:00.002+06:30

ပြတ်ပြတ်သားသားပြောရရင်ခင်ဗျားကကျွန်တော်မဟုတ်ဘူး။
ခင်ဗျားစီးတဲ့ကားအမျိုးအစား ကျွန်တော်မသိသလို
ကျွန်တော်စီးတဲ့ ဖိနပ်တံဆိပ်လည်း ခင်းဗျားသိမှာမဟုတ်ဘူး။
ခင်ဗျားနင်းခဲ့တဲ့ လည်မျိုတွေ ခင်ဗျားမမှတ်မိသလို
ကျွန်တော်ကိုတွန်းချနေတဲ့ လက်တွေကိုလဲ မှတ်မိတော့ဘူး။
ခင်ဗျားက လောကဓံကို ဖယောင်းတိုင်းမီးမှုတ်သလို ချူပ်ငြိမ်းလို့ရပေမဲ့
ကျွန်တော်က ဒုက္ခတွေကို တစ်စတစ်စလိုက်ကောက်လို့ မဆုံးဘူး။
ခင်ဗျားဒုက္ခက ကျွန်တော်ဒုက္ခထက် တစ်ခါတစ်ခါ ပိုများနေမလား။
ခင်းဗျားအရာရာကိုဖန်ဆင်းနိုင်တဲ့ နတ်တစ်ပါးဖြစ်သလို
ကျွန်တော်က အရာရာမဖြည့်စီးနိုင်တဲ့ လိုအပ်မှုနတ်သားဖြစ်တယ်။
ခင်းဗျားက အမှာကိုအမှန်လုပ်တတ်တဲ့ ပါရဂူ
ကျွန်တော်က အမှန်ကို အမှန်မပြောရဲတဲ့ ငကြောက်
ကျွန်တော်က သေမှာထက် ငွေမရှိတဲ့ဘ၀ကိုရောက်မှာပိုကြောက်သလို
ခင်ဗျားက ငွေမရှိမှာထက်သေမှာပိုကြောက်တယ်မဟုတ်လား။
ခင်ဗျားနဲ့ကျွန်တော်တူတာဆိုလို့ အချိန်တန်ရင်သေမှာရယ်၊ သောကအကြီးအသေးတွေရယ်၊
အကောင်းမမြင်တက်တဲ့သံသယအချို့ ရယ်၊မိသားစုအတွက်ရယ်ပဲရှိတယ်...။
ကဲ ခင်ဗျား............ကကျွန်တော်နဲ့မတူပါဘူးဆိုနေမှပဲ..။

ဘုံဆိုင်

2009-10-31T17:04:00.001+06:30

ဒုက္ခ အယ်ကိုဟောတို့
စီးဆင်းကခုန်ရာ.......
ပြာလိုကြွေကျရင်း ပျောက်ဆုံးမဲ့
ဘ၀ထဲ...။
ခပ်ညစ်ညစ်စိတ်တွေရောလို့
မော့ပစ်လိုက်....။
လောကဓံဆိုတာ ကြိုးညှိစရာမလိုပေမဲ့
အသံထွက်က ဒီမှာ ညံ့တာများတယ်။
အိပ်ကပ်ထဲ ကံတရားထက်
ငွေသာထည့်ခဲ့...။
ဘ၀ကို ရဲရဲကြီးမူးလို့ရတယ်။
မနက်ဖြန် မနက်
သေမင်းတံခါးဝကိုမရောက်ခင်အထိပေါ့။

ဒိုင်ယာရီနေ့စွဲများ

2009-10-16T15:11:00.002+06:30

၂၀၀၉ ကစလို့

ကဗျာအတွက် ကလောင်မကိုင်တော့ဘူး

ငွေကြေးရဲ့ ကျားကွက်ရွှေ့ဖို့

လက်သွေးတက်လာတယ်။

သံသရာ လည်ဖို့

ဝဋ်ခံဖို့အတွက်..ဘုရားတည်..၊စုတ်ထိုး

(၂) မျိုးကိုချန်လို့.....

ကျန်တစ်လမ်း ..ငါလျောက်လှမ်း...။

ကံကြမ္မာက တော့ဓားထမ်းထားတယ်။

င့ါကိုဘယ်နေ့ ခုတ်မလဲတော့မသိ။

ငါ့သိတာ က

လိုချင်တာတွေ စွန့်လွတ်လို့

လိုအပ်တာ တွေ အငမ်းမရနဲ့

ခွေးလို...၀က်လို....

ငွေနံ့ခံလို့ကောင်းဆဲ...။

ဒါပေမဲ့

ရှုရှိုက်မယ်ကြံတိုင်း

ရနံ့ပြယ်ပြယ်သွားတာက ဆိုးလှတယ်။

မာယာ နှင့်.......

2009-03-31T14:41:00.001+06:30

မျက်နှာကျက်ပေါ် အလွမ်းတွေတိမ်ဖွဲ့နေသလား
မနက်ဖြန်မှာ ငွေနဲ့ပဲ မျက်နှာသစ်ချင်တယ်တဲ့
အရှေ့တောင် အာရှ မှ အချစ်ကို ကစားတတ်တဲ့ ကလေးမရေ
မင်းလက်ဖျားလေးတွေက ငါ့ရင်ကို ကျားကွက်ထဲထည့်ရွှေ့နေ
တိုးတိုးလျှို့ဝှက် ၊ ရှိုက်သံကြား.....
ငါ့ မျက်ရည်စ အချို့ .......မင်းခြေဖျားအောက် စီးဝင်ပြီလား..။
အခုထိ..
ငါကတော့ တိမ်လိုလူပါပဲ...
နင့်နဲ့ ပတ်သက်ရင်ပေါ့..လေ..။#

ကဗျာမှော်ဝင်စားခြင်း သို့ မဟုတ် ညိမ်းညို နှင့် စကားပြောခြင်း

2009-01-19T16:26:00.002+06:30

ည်ိမ်းညိုဆိုတဲ့ ကဗျာဆရာ ဘလောကာ တစ်ယောက်ရဲ့ ဘလော့ကို ၂၀၀၈
အစောပိုင်းကာလလောက်မှာ သူငယ်ချင်းတစ်ယောက်လင့်ပေးမှု ကနေ စတင်
ဖတ်ရှုခဲ့မိတယ်။ စဖတ်မိမိချင်း မှာပင် ညိမ်းညိုရဲ့ ကဗျာ မှော်တွေက
ကျွန်တော် နှလုံးသားထဲ
စတင်စီးဝင် သွားစေတာတွေရပါတယ်။ ဒီတော့ အခက်အခဲတွေအများကြီး ကြားမှ
ညိမ်းညို ကို အင်တာဗျူးဖြစ်အောင်ဗျူးလို့ အခုလိုတင်ဆက်ဖို့ကြိုးစား
ခဲ့ပါတယ်။ အခုတော့ ကျွန်တော့ဆန္ဒတွေပြည့်စုံသွားပြီလို့ဆိုရမလိုပါပဲ
ညိမ်းညိုနဲ့ အင်တာဗျူး ကို သူငယ်ချင်းများအတွက်တင်ဆက်နိုင်ခဲ့ပါပြီ။

အငွေ့:
ပထမဦးစွာ ညိမ်းညို ဘလော့စရေးဖြစ်သွားပုံလေးကိုပြောပြပေးပါဦးဗျာ
nyeinnyo:
၂၀၀၇ ဇွန်လောက်ကျမှ ဘလော့တွေ ရှိတယ်ဆိုတာ သိတာဗျ အရင်က လုံးဝမသိဘူး
အငွေ့:
ဟုတ်
nyeinnyo:
အန်တီကေသွယ် ဘလော့ကို ပထမဆုံး ဖတ်ဖူးပါတယ်
အငွေ့:
ဟုတ်ကဲ့
nyeinnyo:
အန်တီက မိုးကုတ်အကြောင်းတွေ ရေးလို့ လိုက်ဖတ်ရင်းနဲ့ ကိုယ်တိုင်လဲ
ဘလော့လေးလုပ်ရင်း စာရေးရရင် သိပ်ကောင်းမှာပဲဆိုပီး
:)
အဲလိုဗျ
ကျနော်ဘလော့လုပ်ဖြစ်ပုံက
အငွေ့:
အဲဒီကနေ့စပြီး ဘလော့လုပ်ဖို့စပြီးလေ့လာတော့တယ်ဆိုပါစို့
nyeinnyo:
အဟား ပြောရရင်တော့ စီနီယာအကိုကြီး၁ယောက်က အကုန်လုပ်ပေးတာဗျ
အစောပိုင်းကာလတွေမှာ ကျနော်က စာရေးရုံသက်သက်ပဲ
အငွေ့:
အော်
nyeinnyo:
အခုမှ နဲနဲပါးပါး တီးမိခေါက်မိရယ်
:)
အငွေ့:
ဒါဆိုရင် ပြည်ပ ရောက်မှ စပြီးရေးဖြစ်တာပေါ့ဟုတ်လား :)
nyeinnyo:
ဘလော့ဆိုရင်တော့ ဒီရောက်မှရေးဖြစ်တာပေါ့
ဒါမှန်ပါတယ်
ဒီမှာမှ နက်သုံးခွင့် စရတာကိုး
:)
စာရေးတာဆိုရင်တော့ ငယ်တုန်းကထဲကလို့ ဖြေရပါမယ်
အငွေ့:
ဘယ်အရွယ်လောက်တုန်းကလည်းဗျ..
:)
nyeinnyo:
မှတ်မှတ်ရရ ၇ တန်းတုန်းက ကဗျာစရေးဖြစ်တယ်ဗျ မြန်မာစာဖတ်စာအုပ်ထဲက
ကဗျာတွေကို အားကျပီး လိုက်တုရေးမိတာ ကလေးဆိုတော့ သိပ်လဲမစဉ်းစားမိပါဘူး
တော်၏ မတော်၏
ခုနေတော့ ရှက်စရာကြီးဗျ
အငွေ့:
ကဗျာရေးသူတိုင်းဒီအတိုင်းပါပဲ..ဗျာ..ကျွန်တော်ဆိုရင်လည်း ဒီလိုပါပဲ
အဲဒီတုန်းက ကဗျာတွေကို အခုပြန်ဖတ်ရင် စိတ်ထဲတစ်မျိုးပဲဗျ..။
nyeinnyo:
ပိုဆိုးတာက တကယ့်ကဗျာဆရာကြီးတွေပုံစံကို ကဗျာရေးထုံးကို
လုံးလုံးနားမလည်သေးတဲ့ ကလေးတစ်ယောက်က လိုက်တုပီး ရေးမိတာမျိုးမို့
:)
အငွေ့:
ဒါနဲ့ ကဗျာတွေကိုထဲထဲဝင်ဝင် သေချာရေးဖြစ်တာကရော ဘယ်တုန်းလောက်ကလည်းဗျ..
nyeinnyo:
၂၀၀၀ ပြည့်နှစ်ထဲမှာ တခါသွန်ပီးတော့ ရေးဖြစ်တယ်ဗျ ၁၀တန်းကျောင်းသားဘ၀ပေါ့
မဂ္ဂဇင်းတွေကို ကဗျာပုဒ်ရေ ၈၀ ကျော်ပို့နိုင်ခဲ့တယ် တပုဒ်မှတော့ အရွေးမခံခဲ့ရဘူး
အငွေ့:
ဟုတ်ကဲ့
nyeinnyo:
နောက်သင်တန်းသွားတက်တော့ ရေးပီးသားကော်ပီလက်ခံစာအုပ်လုံးဝပျောက်သွားပီး
တခြားအခက်အခဲတွေရှိတာမို့
သိပ်မရေးနိုင်ဘူးဗျ
၂၀၀၅ မြို့ပေါ်ပြန်ရောက်တော့
တခါပြန်ရေးဖြစ်တယ်
ခုထိဆိုပါတော့
အငွေ့:
မြို့ပေါ်ရောက်တယ်ဆိုတော့ အရင်က ဘယ်မှနေလို့လည်းမသိဘူး.
nyeinnyo:
တာဝန်ကျရာဆိုတော့ ဆက်သွယ်ရေးကအစ ခက်ခဲကြန့်ကြာတယ်ဗျ မြို့နဲ့ပေါ့လေ
ဒါက ထားပါစို့
အငွေ့:
ဟုတ်ကဲ့ရပါတယ်။
nyeinnyo:
ကျေးဇူးပါဗျာ
:)
အငွေ့:
အခုတစ်လောဖတ်ဖြစ်နေတဲ့ ဘလော့တွေကရော ဘယ်ဘလော့တွေဖြစ်မလဲ
nyeinnyo:
ကျနော် တော်တော်များများ ရောက်ဖြစ်ပါတယ်
အဲ ကဗျာဆရာရေ
ဘိုင်နိမ်းတွေနဲ့ပြောဖို့တော့
ကျနော်ချန်ခဲ့ပါရစေဗျာ
ခွင့်လွှတ်ပါနော်
အငွေ့:
ရပါတယ်။ ဗျ...
nyeinnyo:
အကြောင်းကြောင်းသော အကြောင်းကို အကြောင်းပြုပြီး သကာလပေါ့ဗျာ :P
အငွေ့:
ဒါနဲ့ ကဗျာတွေအရေးများသူဆိုတော့ ဘယ်သူကဗျာတွေကို
အများဆုံးဖတ်ဖြစ်သလဲဗျ..နောက်အကြိုက်ဆုံးကဗျာ ဆရာကရောဗျ..။
nyeinnyo:
ဆရာမောင်ချောနွယ်ကတော့ ကျနော့်ရဲ့ ဟီးရိုးပါ
ဆရာခရမ်းပြာထက်လူ၊ ဆရာမိုဃ်းဇော်၊ ဆရာမောင်ဖီလာ၊ ဆရာစိုင်းဝင်းမြင့်၊
ဆရာအောင်ဝေး ကြိုက်ပါတယ်
ဆရာကြီးဦးတင်မိုးတို့ ဆရာဇော်ဂျီတို့ ကဗျာတွေကျ ကြိုက်တဲ့အဆင့်မဟုတ်တော့
ပါဘူး ကြည်ညိုလွန်းလို့ ထပ်ခါထပ်ခါ ဖတ်ပါတယ်
အခု ဆရာဇေယျလင်းအကြိမ်များများဖတ်ဖြစ်ပါတယ်
အငွေ့:
ဟုတ်ကျွန်တော်လည်းတော်တော်ကြိုက်တဲ့လူတွေချည်းပါပဲ။
စိုင်းဝင်းမြင့်ရဲ့မိသားစုကဗျာ ဆိုရင် အခုထိမှတ်မိနေသေးတယ်။
nyeinnyo:
ဟုတ်ကဲ့ မိသားစုကဗျာတွေအများကြီးထဲက ဆရာစိုင်းဝင်းမြင့်ရဲ့
မိသားစုကဗျာနဲ့ ဆရာခရမ်းပြာထက်လူရဲ့ မိသားစုစီးရီးတွေ စိတ်ထဲစွဲနေပါတယ်
အငွေ့:
ဆရာဇေယျာလင်း ရဲ့ L.P တွေကိုလဲကြိုက်တယ်။
nyeinnyo:
ကျနော်က ရှေ့ကဆရာများလို ခံစားနိုင်တဲ့အဆင့်နဲ့ ဖတ်နေတာမျိုး
မရောက်သေးပါဘူး ဆရာ့ရဲ့ L.P ကဗျာတွေကို သင်ယူလေ့လာမှုတစ်ဝက်နဲ့ပဲ
ဖတ်နိုင်ပါသေးတယ်
ဆရာ့ကဗျာတွေက ခမ်းနားလှပါတယ်
အငွေ့:
ဒါနဲ့ ညိမ်းညိုရဲ့ အိမ်ကဗျာလေးကိုတော့ လူတော်တော်များများကြိုက်ကျတယ်နော်
အဲဒီကဗျာလေး ရေးဖြစ်သွားတဲ့ခံစားချက်ကလေးကရော
nyeinnyo:
အိမ် (သို့) ငါ့ရဲ့ အိမ်ကလေး ကိုမေးတာလားအကို
အိမ်

ညမှာ..
ဘာမှမရှိတဲ့ကောင်းကင်ထဲ
ကြယ်ကလေးတစ်လုံး ဖြစ်ချင်တယ်။

အဲဒီလို ဖြစ်ခဲ့ရင်
အိပ်ပျော်နေတဲ့ ငါ့မြို့လေးကို
အိပ်ပျော်နေတဲ့ ငါ့အိမ်လေးကို
ဖွေရှာရင်း..
အလွမ်းတွေ ထိန်းမရတဲ့အခါ
တိတ်တဆိတ် ကြွေဆင်းလာချင်တယ်။

မိုးခင်ခင်(မဟာဝိဇ္ဇာ)
ဒါက ကျနော်ရေးတာမဟုတ်ပါဘူး။
အငွေ့:
ဆော်ရီးဗျာ..ခေါင် ကိုပြောတာ..ရောသွားလို့စိတ်မရှိပါနဲ့။
nyeinnyo:
ဘလော့ကကြိုက်သောကဗျာများကဏ္ဍမှာတင်ပါတယ်
စာရေးသူကိုလဲ credit ပေးထားပါတယ်ခင်ဗျာ
ဟုတ်ကဲ့ အကို
ခေါင်ကို ကဗျာရေးသူတစ်ဦးအနေနဲ့ မိမိကြိုက်နှစ်သက်တဲ့
ဖွင့်ဆိုမှုမျိုးပေးနိုင်ပါတယ် သို့ပေမဲ့ ကျနော် လှီးလွှဲပီးလဲ
မပေးချင်ပါဘူး
အငွေ့:
ဟုတ်ကဲ့ခင်ဗျ
nyeinnyo:
ကျနော့်ပတ်ဝန်းကျင်မှာ ခေါင်မလုံတာတွေနဲ့ပဲတော်တော်များများ
ကြုံတွေ့လာရပါတယ် ဘယ်လိုစေ့ဆော်မှုမျိုးနဲ့ ရေးဖြစ်သွားလဲဆိုတာတော့
အခုနေ ကျနော်မပြောတတ်တော့ဘူးဗျ
အငွေ့:
ညိမ်းညို ဘလော့ကို နှစ်သစ်မှာ ဘယ်လို ကဏ္ဍသစ်တွေနဲ့
ဆက်ပြီးအကောင်အထည်ဖော်မယ်လိုစိတ်ကူးထားပါသလဲ
nyeinnyo:
ကဗျာနဲ့သက်ဆိုင်သော အကြောင်းအရာများကိုပဲ ကြိုးစားပီးဆက်ရေးသွားမယ်ဗျ
အငွေ့:
ဟုတ်ကဲ့ခင်ဗျာ..ဘလော့ကာတစ်ယောက်အနေနဲ့ရော
ဒီမြန်မာဘလော့အသိုင်းအ၀ိုင်းအတွက် ဘာများအကြံပေးချင်ရှိလည်းဗျ..။
nyeinnyo:
ဒါတော့ မရှိပါဘူးဗျာ ကျနော်ကိုယ်၌လဲ ဘလော့ဂါရယ် ဘာရယ် ကိုယ့်ကိုယ်ကို
မခံယူထားလေတော့ ထိုက်တန်တဲ့ အကြံများလဲ ပေးနိုင်မယ်မထင်ပါဘူး
ဒီလိုဆိုတော့ အပြင်စောင်းကြလေမလား မပြောတတ်။
အားလုံးပေါ့ ဘယ်လိုအသိုင်းအ၀ိုင်းဖြစ်ဖြစ် နွေးနွေးထွေးထွေးးနဲ့
ဖေးမကူညီတာ အကောင်းဆုံး ဖြစ်မယ်ထင်ပါတယ်
အငွေ့:
ဟဲ.ဟဲ..အမြင်မစောင်းကြလောက်ပါဘူးလူဆိုတာ ကိုယ့်ခံယူချက်နဲ့ကိုယ်ဆိုတော့လေ
nyeinnyo:
ကျေးဇူးပါဗျာ
အငွေ့:
ဟုတ်ကဲ့ဒီလောက်ဆိုအဆင်ပြေလောက်ပါပြီ အခုလိုအချိန်ပေးပြီးဖြေဆိုပေးတဲ့
ကဗျာဆရာ ညိမ်းညိုကိုအထူးပဲကျေးဇူးတင်ပါတယ်ဗျာ.။
သြော်ဒါနဲ့ ညိမ်းညိုဆိုတဲ့ ကလောင်နာမည်ပေးဖြစ်ပုံလေးကိုပြောပြပေးပါဦး ။
မေးဖို့ကျန်ခဲ့လို့..။
ဟီး
:)
nyeinnyo:
နက်ကျသွားလို့ အကိုရေ
း)
အငွေ့:
ဟုတ်ကဲ့
nyeinnyo:
၈တန်းတုန်းက ဆရာနဲ့တိုင်ပင်ပီးတော့ ယူဖြစ်တဲ့နာမည်ပါ
အငွေ့:
သြော်
nyeinnyo:
ညိမ်းညိုဆိုတာ ရိုးရိုးအေးအေး အဓိပ္ပါယ်ကို ဆောင်မယ်ထင်လို့ ပီးတော့ ည
၂လုံးပူးနေတာကို ကြိုက်လို့ဗျ
စကားမစပ်ဗျာ ဆာယာညိမ်းညိုဆိုတဲ့ ကလောင်နာမည်နဲ့ ၀တ္ထုတိုလေး ၂ ပုဒ်ပါဖူးတယ်ဗျ
န၀ဒေးထဲမှာ
အခုကဗျာရေးတော့ ရှေ့က ဆာယာကို ဖြုတ်လိုက်တာ
အငွေ့:
သြော်ဟုတ်ကဲ့ဗျာ..။ အဟီးတော်ပြီဆိုကာမှ မေးခွန်းတွေက ထွက်လာတယ်။ အခုရော
ဝတ္တုတွေဘာကြောင့်မရေးတော့တာလည်းဗျ..။
nyeinnyo:
ရေးတယ်ဗျ ကိုယ့်ကိုယ်ကို အားမရသေးလို့ ၀ှက်ထားတာ :)
အငွေ့:
နောက်ဆုံးမေးခွန်းအဖြစ် ကဗျာဆရာ တစ်ယောက်ဖြစ်တဲ့ညိမ်းညိုရဲ့ ကဗျာအပေါ်မှာ
ခံယူထားတဲ့ခံယူချက်ကရောဗျ
nyeinnyo:
ဒိမေးခါန်းကို ကျနော် နောက်ဆုံးတင်ထားတဲ့ ပို့စ်ထဲက စာပိုဒ်လေး
တစ်ပိုဒ်နဲ့ ဆရာတာရာမင်းဝေရဲ့ အလင်းစကား ဆောင်းပါထဲက စာတစ်ပိုဒ်နဲ့
ဖြေဆိုခွင့်ပြုပါခင်ဗျာ
အငွေ့:
ရပါတယ်ခင်ဗျ
nyeinnyo:
မေး။ ဘာဖြစ်လို့ ကဗျာရေးနေတာလဲ။
ဖြေ။ ဘာဖြစ်လို့မှ မဟုတ်ပါဘူး၊ ရေးချင်လို့ ရေးနေတာပါ။

မေး။ ကဗျာတွေကို ဘာအတွက်ရည်ရွယ်ပြီး ရေးပါသလဲ။
ဖြေ။ ဘာအတွက်တွေ၊ ညာအတွက်တွေက ကိုယ်ပြောရမဲ့အလုပ်မဟုတ်ဘူး၊
ကိုယ်ရေးလိုက်တဲ့ကဗျာတွေက သူ့အလိုလို ပြောသွားမဲ့အလုပ်လို့ ထင်ပါတယ်။
ကျနော်ဒီလိုဖြေပါမယ်
ဆရာတာရာမင်းဝေရဲ့ စာပိုဒ်လေးကတော့
အငွေ့:
အိုးခြမ်းပဲထဲကလားဗျ..။
ကျွန်တော်လည်းကြိုက်ပါတယ်။
nyeinnyo:
ဟုတ်ကဲ့ဗျ
ဆရာစာပိုဒ်လေး ကျနော့်ကိုထုတ်နုတ်ခွင့်ပြုပါ
အငွေ့:
ဟုတ်

nyeinnyo:
၁၂။"လေးသည်တော်ကောင်းတစ်ယောက် ကျော်ကြားခြင်းသည် သူ၏မြားကြောင့်မဟုတ်။
သူ၏ ချိန်သားကိုက်မှုကြောင့် ဖြစ်သည်" ဟူသောသိုးဆောင်း စကားပုံ တစ်ခု
ရှိပါသည်။ ကျနော်လဲ ထိုသဘောမျိုးသာ ဖြစ်ပါသည်။ သရုပ်မှန်လော၊ မော်ဒန်လော
ဟူသည့်"မြား" က ကျနော့်အတွက် အဓိက မကျပါ။ ကိုယ့်ဝတ္ထုတိုကို
အနုပညာမြောက်အောင် ချိန်သားကိုက်အောင် ပစ်လွှတ်နိုင်ဖို့သာ
ကျနော်ကြိုးစားပါမည်။ ထိုသို့ အနုပညာမြောက်ရန်၊ ချိန်သားကိုက်ရန်အတွက်
အထောက်အကူုဖြစ်စေမည့် သင့်တော်ရာ "မြား"ကို သင့်တော်သလို
ဆွဲယူတပ်ဆင်သွားမည် ဖြစ်ပါသည်။
သရဖူထဲမှာပါတယ် အလင်းစကားဆောင်းပါးကပါ။
စိတ်ရှည်ှည်စောင့်ပေးလို့ ကျေးဇူးတင်ပါတယ်ဗျာ
အငွေ့:
ပြိုင်မြင်းတို့ရဲ့ခွာသံထဲကထင်တယ်။ စုပြီးထုတ်ထားတယ်ဝတ္တုလေ
ဆောရီး ဆောင်းပါးစုကိုပြောတာပါ။
nyeinnyo:
ဟုတ်တယ်ဗျ ကျနော်ရှေ့ကျူးပြတာမဟုတ်ပါဘူး အကိုရေ တခါထဲ စာပိုးလေးပါ
ဖတ်လိုက်ရတော့ ပိုပီး အဆင်ပြေမယ်ထင်လို့ပါ
ဟုတ်ကဲ့ဗျ
အငွေ့:
ဟုတ်ကဲ့ဗျ..ကျွန်တော်လည်းကြိုက်တဲ့ဆောင်းပါးဖြစ်လို့ပါဗျ..ကဲ ဒီတစ်ခါတော့
ပြီးပါပြီးဗျာ..ကျေးဖူးလည်းတင်ပါတယ်။ခင်ဗျာ..။
nyeinnyo:
အကို့ကိုလဲ ကျေးဇူးတင်ပါတယ်ဗျာ

ဘ၀ အကြောင်းရေးဖို့ မလွယ်ဘူး

2009-01-19T15:50:00.002+06:30

"ဘ၀အကြောင်းရေးရတာနဲ့ စာရင်
ကဗျာအကြောင်းရေးရတာကလွယ်ပါတယ်"

ဘ၀ ကို
ထင်သလိုရေးလို့မရဘူး။
မြင်သလိုရေးလို့ မရဘူး။
ကြုံသလိုရေးလို့ မရဘူး။
ကြားသလိုရေးလို့ မရဘူး။

မော်ဒန်ကဗျာတစ်ပုဒ်လို
ဘ၀က စည်းလွတ် ၀ါးလွတ်
လွတ်လပ်ခြင်းနဲ့ ကခုန်လို့မရဘူး။

စည်းတွေ ဘောင်တွေနဲ့ ဖွဲ့တဲ့
ကာရံတစ်ပုဒ်လည်းမဟုတ်ဘူး။

ကဗျာဆရာတွေက ကဗျာရေးတယ်။
ဘ၀က ကဗျာဆရာတွေနဲ့ လူတွေကို
ကဗျာလုပ်ပြီပြန်ရေးနေတာ...
ခေတ်အဆက်ဆက်ပေါ့။

အတုများသာသုံးစွဲပါ။

2009-01-19T15:04:00.000+06:30

ရှင်သန်နေရတာကို က
သေနေတာပဲ.....

လောက
အမှားတွေက မှန်နေတယ်။
အတုတွေက စစ်နေသရောင် နောက်ခံတေးဂီတနဲ့
ငါ့တို့
ဇာတ်လမ်းအမှားတွေ ရိုက်ခဲ့သူတွေပဲ..။

ခေတ်ရဲ့ခွဲစိတ်မှု စိတ်တွေထဲ
လက်တွေ့ဘ၀ ပန်းချီမှာ
အပြုံးတု
စေတနာတု
ဂရုဏာတု
အချစ်တု တွေနဲ့
ငါ့တို့ .........
ရေးဆွဲလို့ကောင်းနေကြဆဲ...။
၂၁ ရာစု....
ဘ၀....။

ကျွန်တော် အိမ်မပြန်ချင်ဘူး

2009-01-19T14:17:00.000+06:30

အဖေ x
အမေ x
ကျွန်တော် x
ညီမလေး x
အစ်မ x
ကိုယ့်အတ္တနဲ့ ကိုယ် ကြက်ခြေခတ်
မိသားစု တေးသွားက အသံကြောင်တယ်
ဂီတာ တစ်လက်က မိသားစု ဆိုရင်
ဘယ်တော့မှ ကြိုးမညီတဲ့ အိမ်
တစ်ယောက်တစ်သံနဲ့
ဘ၀ ၅ ကြိုးလုံး လက်ခတ်လိုက်တိုင်း
သံစဉ် တစ်ခု ဖြစ်မလာဘူး...။
ကျွန်တော်လိုချင်တာက
ဘယ်နှကြိုးတီးတီး သာယသံတစ်ခုပဲ ထွက်ရမယ်
ဒါ....
မိသားစုပဲ။

ထွက်သက်

2008-12-31T14:37:00.003+06:30

ဆေးစက်ကျရာ အရုပ်မထင်တာ

အချစ်...

ရင်ဘက်ထဲက နာကျင်မှုကိုဘယ်လို ခံစားချက်နဲ့

အော်ဟစ်ပြရမလဲတေးသားဖွဲ့

သီဆိုလဲမင်းနာမည်တိုင်း ငါ့ရဲ့သီချင်းပဲဖြစ်

ရင်ခွင်တံတိုင်းတစ်ခုလုံးချိုးဖျက်

အနိုင်တွေချည်းသိမ်းယူ

ပြေးထွက်သွားတာတောင်

ငါက........

မင်းကျန်ခဲ့တဲ့ ခြေရာတွ နမ်းလို့နမ်းနဲ့

ကျန်ရစ်ခဲ့တဲ့ ဓာတ်ပုံ ထဲကမင်းပါးလေး

အရောင်တွေ မစွန်းထင်းအောင် လွမ်းလို့လွမ်းနဲ့

ငါ့ကို.........

ငါ့ကို..........

ငါ့ကို..............

နောက်ဆုံး အနမ်းတစ်ချက်

အချစ်တစ်စက်လောက်နဲ့

အသက်ဆက်ခွင့်ပြုပါ.....

အောင်ဘာလေ

2008-10-08T15:17:00.002+06:30

အောင်တာဘာလေတဲ့လဲ

ငါ အမျိုးအမည် မခွဲတတ်ဘူး

ကျပ် ၁၀ သိန်း ခေတ်က

အဖိုး ကထိုးတယ်...။

ငါ့ မြေး ရှင်ပြု ဖို့တဲ့...။

သေသာသွားတယ် အဖိုး

ထီမပေါက်ခဲ့ဘူး

ထီးပဲပေါက်ခဲ့

ကျန်ရစ်လွမ်းသူအဖွား..

အဖိုးဆန္ဒ အသက်ဝင်စေဖို့ တိုးလို့ထိုး

လောကကို မျက်ကွယ်ပြု

မပေါက်ခဲ့ပါဘူး။

ရပ်ကွက် အလှူ ဒုံလဘတ်ယူ ရှင်ပြုတော့

အမေ ငို အဖေ နေစရာ မရှိ။

သူများအလှူ မှာမှ သား ဆံချလို့

ဝမ်းသာတာက မပြည့်...။

ဒါတွေက လွမ်းစရာ အတိတ်

ထိထိပပ မရိုက်ခတ်လည်း

ငါလည်း သားရှင်ပြုဖို့ အရေး

ထီဆိုင် ပြေးလို့ ဘ ....အစ .....၀ အဆုံးရွေးပေးဖို့

ကောင်တာက စာရေးမ ကိုပြောနေရတုန်း။

မိန်းမ အကြောင်း စာစီကုံးပါ

2008-09-23T16:18:00.003+06:30

နိဒါန်း

..........

ယောက်ျားတစ်ယောက်အား မိန်မတစ်ယောက်က မွေးဖွားခဲ့သဖြင့်

ကမ္ဘာပေါ်ရှိယောက်ျား တိုင်း အမေဟူသော ဣတ္ထိယမိန်းမသားမှလွဲ၍

ကျန်..မိန်းမ များအား လှိူ့ဝှက်စွာ ကြည့်လို့မရ။

မိန်းမသည် အရက်နှင့် တူသည်။ အရက်တစ်ခွက်ကို သောက်ရင်မူးမယ်

မှန်းသိလို မိန်းမတစ်ယောက်ကို ချစ်မိရင်လည်း ရူးရမယ်မှန်းသိနေလျက်နှင့်

ပုရိသယောက်ျားတိုင်း ခေတ်အဆက်ဆက် ဆက်တိုက်၊ ဆက်တိုက် သောက်

သုံးရင်း ဣတ္ထိယ တို့၏ ကျေးကျွန်များ ဖြစ်ခဲ့ကြသည်။

စာကိုယ်

..............

သိဒ္ဓတ္ထ မင်းသားသည် ယသောဓရာ ကိုစွန့်ပစ်နိုင်ခဲ့ ၍ သစ္စာလေးပါး တရားသိမြင်ခဲ့

သော ဘုရားရှင် ဖြစ်ခဲ့သည်။ ထို့ကြောင့် လူသားထု ကြီးအတွက် အကျိုးအမြတ် က

ကမ္ဘာမှာ ကိုးကွယ်စရာ ဘာသာတရားတစ်ခုပေါ်ထွက်ခဲ့လေသည်။

အာဒံသည် ဧ၀၏ နားပူးနားဆာ ဒဏ်ကို မခံနိုင်ခဲ့သောကြောင့် လူသားတိုင်း မှာ ကမ္ဘာ

ဦးမှစလို့ ယနေ့တိုင် အပြစ်တော်များကို ခံစားနေရသည်။

၁၉ ရာစု ပုံပြင်သစ်အရဆိုလျင် အက်ဒွက် ဘုရင် (ဝေလမင်းသား)ပင်လျင် မုဆိုးမတစ်ဦး

ကြောင့် နေမ၀င်ဗြိတိသျှ အင်ပါယာ ၏ ဘုရင့် ထီးနန်းကိုစွန့်ခဲ့ရသည်အထိပင် ဖြစ်ခဲ့ရသည်။

နှောင်းဒဏ္ဏာရီသမိုင်းများတွင်လည်း မိန်းမကြောင့် ပျက်စီးကျသော တိုင်းပြည်များ မှာ များပြား

ခဲ့သည်ကိုတွေရသည်။ ဥပမာ အားဖြင့် အီဂျစ်ပြည်က ကယ်လီယိုပန်ထရာ ဘုရင်မကြောင့်

ပျက်ခဲ့ရသည် နပိုလီယံ မင်းမြတ်။ ဆင်ဖြူမရှင်ကြောင့် ပျက်စီးခဲ့ရသည့် ကုန်းဘောင် မင်းဆက် ။ မိန်းမကြောင့် ပျက်စီးခဲ့ရသော TROY မြို့။ စသည့် မကုန်မခန်းနိုင်သော ဣတ္ထိယ

အပေါင်း ၏ ဇာတ်ကြောင်းများ က တိုင်းပြည် အသီးသီး ၊ နိုင်ငံအသွယ်သွယ်ရှိ ပါးစပ်ရာဇာဝင်

၊ သမိုင်းအထောက်အထားနှင့် ပုံပြင်အသီးသီးတို့ဖြင့်ပြည်နှက်လို့နေသည်ကိုတွေ့ရှိနေရဆဲ

ဖြစ်သည်။

သို့သော် ကမ္ဘာပေါ်ရှိ ပုရိသ အပေါင်း လူမိုက်သောင်းတို့ကဖြင့် ဣတ္ထိယ ဟုသော

ပင်လယ်ပြင်၌ ပျော်မွေ့စွာလက်ပစ်ကူးလျက် ယနေ့တိုင် ရေနစ်နေကြဆဲဖြစ်သည်။

အချုပ်အားဖြင့်ဆိုရသော် မိန်းမ မယူခဲ့ဘူးသည့် လယ်တီဆရာတော် ဘုရားကြီးကပင်

“မိန်မဟူသည် မရှိမကောင်း ရှိမကောင်း ”ဟု မိန့်မူဘူးခဲ့သည်။ သို့သော် ပုရိသအပေါင်းက

ဖြင့် ဆရာတော်ကြီးမိန့်မူခဲ့တော်မူသော် မရှိမကောင်း နှင့် ရှိမကောင်း နှစ်မျိုးထဲမှ ရှိမကောင်း

ဆိုသည့် စကားအားမေ့လျော့ကာ မရှိမကောင်းဆို သော စကားကိုလက်ဝယ်ပြုလျက် မိမိတို့

အတွက် ဆိုးကျိုးဖန်တီးပေစွမ်းမည့် ဣတ္ထိယ မိန်းမသားအပေါင်းတို့အား မှီဝဲရင်း နောင်တ

များစွာလက်ဝယ်ပိုက်၍ သေဆုံးကုန်ကြလေ၏။ အချို့သော သူများဆိုလျင် နောင်တရရန်ပင်

အချိန်မရလိုက်ကြပေ ။

ထိုသူများမှာ ဥပမာ အားဖြင့်

မြန်မာနိုင်ငံတွင်မူ မင်းနန္ဒာ

သိုးဆောင်းပြည်တွင်မူ ရိုမီယို

တရုတ်ပြည်တွင်မူ လျံစမ်းပေါ် စသဖြင့် အတိုင်းအတိုင်းအပြည်ပြည်ရှိ ပုရိသယောက်ျား အချစ်

သူရဲကောင်းအဖို့က မိန်းမအတွက် နောင်တပင်မရလိုက်ပဲ သေဆုံးခဲ့၏ ။

နိဂုံး

.......

ထို့ကြောင့်မိန်းမဟူသည်ကို( ယခုမိန်းမများအကြောင်းစာစီကုံးနေသူ ပင်လျင် ၎င်း၏ နှလုံးသားအား မိန်းမ ဟူသော ဆူးများအား တစ်ချောင်းပြီး တစ်ချောင်း ထိုးသွင်းခံရင်း

နှလုံးသား ဆူးနှစ်ဒဏ်ရာ ဗလပွရရှိလျက်) ငယ်စဉ်က ရေးထားသော ကဗျာတစ်ပုဒ်နှင့်

နိဂုံးချူပ်လိုက်ပါသည်။

မိန်းမ

........

ယောက်ျားက… နွား

မိန်းမက…… ကြိမ်တံ

ချစ်ခြင်း တစ်စုံက နာဖားကြိုးထိုးဖို့ပြင်တဲ့အခါ

လှည်းကျိုး ထမ်းဖို့ ယောက်ျားက အသင့်ပဲ။

မှတ်ချက်( နှလုံးသားမှာ စူးနှစ်ဝင်နေသော နောက်ဆုံးဆူးတစ်ချောင်းကို ဆွဲထုတ်ပြီး

နှောင်း လူ ပုရိသ တို့အတွက် ဣတ္ထိယ မိန်းမသားများ၏ အမုန်းများကိုခံယူကာ ယခု

စာအားရေးခဲ့ခြင်းဖြစ်သည်။ဆင်ခြင်ကြကုန်လော့…။)

ကောင်းကင်ကို နှင့် စကားပြောခြင်း

2008-09-12T12:31:00.007+06:30

မှတ်မှတ်ရရ ဘလော့ကာ ကောင်းကင်ကို ကို စသတိထားမိတာ ပြီခဲ့တဲ့ နှစ် အောက်တိုဘာ

လလောက်ကပါ။ သူရဲ့ ကဗျာတွေကို ဖတ်ရင်းဖတ်ရင်းက နေ သူရဲ့ ကဗျာဝိညာဉ်တွေက

ကျွန်တော်တို့ရဲ့ ရှိရင်းစွဲ ကဗျာသွေးသားတွေကို တလှပ်လှပ်ဖြစ်အောင် စွဲဆောင်နေတာ

ခံစားသိရှိလိုက်ရပါတယ်။ ဒါနဲ့သူကဗျာလေးတွေကို ကျွန်တော်အမြဲဖတ်ရှုကြည့်မိရာမှ

သူ့ရဲ့ ဘလော့ရေးဖြစ်ပုံအကြောင်းနဲ့ သူရဲ့ စိတ်တစ်ဒေသကို အခုလို မေးမြန်းကြည်မိ

ခဲ့ပါတယ်။

me: ပထမဦး စွာ ကောင်း ကင်ကို ဘလော့ စရေးဖြစ်ပုံလေး ပြောပြပေးပါဦး.။

kaungkinko: စရေးဖြစ်တာကတော့ စက်တင်ဘာ ၂၁ လောက်မှာ

ရွှေဝါရောင်တော်လှန်ရေး အရှိန်မြင့်နေစဉ်ကာလပေါ့

အဲဒီ့မှာ

me: အရင်တုန်းက ဘာဖြစ်လို့ မရေးဖြစ်ခဲ့တာလည်း..ဗျ..။

kaungkinko: အရင်တုန်းက မြန်မာစာ ကောင်းကောင်းမရိုက်တတ်ဘူး

me: အင်းဆက်ပါဦး

kaungkinko: အဲဒီ့မှာကဗျာရေးဖို့ အတွက် ရိုက်ပေးတဲ့လူ မရှိတာကြောင့် ဇော်ဂျီဖော့ထ်ကို စမ်းရင်းနဲ့ 

google မှာ ရှာရင်းနဲ့ ကိုမောင်လှ ဘလော့ ရဲ မြန်မာ ဘလော့လုပ်နည်းကို တွေ့ ပြီး ဆက်စမ်းဖြစ်တာ

အစကတော့ ကဗျာပဲရေးမလို့ ပဲ။ ဘလော့လုပ်ဖို့ စိတ်ကူးမရှိဘူး။ မြန်မာ ဘလော့တွေ အများကြီးရှိမှန်းလည်းမသိသေးဘူး

me: ဟုတ်ကဲ့ဗျ..။

kaungkinko: အဲဒီ့မှာ ကဗျာကို အွန်လိုင်း မဂ္ဂဇင်းဂျာနယ်တွေဆိုပို့ ရင်ကြာတယ်။ အကန့် အသတ်ရှိတယ်။ ကိုယ့်ဘလော့ နဲ့ ဆိုရင် အကန့် အသတ်တွေမရှိတော့ဘူး။ နောက်ပြီး အဲဒီ့အချိန်ကသွေးကြွနေတဲ့ကာလလေ

တော်လှန်ရေးအတွက် အားတက်နေတဲ့ကာလပေါ့။ ပစ်လည်းမပစ်သေးဘူး။

စမ်းတာတော့ လေးရက်လောက်ကြာသွားတယ်။ မြန်မာစာကောင်းကောင်းပေါ်အောင်လုပ်တာ။

me: ဟုတ်..

ဒါဆိုရင် အဲဒီအချိန်တုန်းက သွေးကြွနေတယ်ဆိုတော့ ရန်ကုန်မှာပဲ ရှိသေးတယ်ဆိုတဲ့သဘောလားဗျ..။

kaungkinko: မဟုတ်ဘူး။ ထိုင်းကိုရောက်တာ သုံးလလောက်ရှိပြီ အားလည်း အားနေတဲ့ကာလ။

me: စရေးတော့ ကိုမောင်လှ ဘလော့ကပဲ..သင်ယူတာလား အခြားသူတွေဆီကရော သင်ယူဖြစ်သေးလား ဘလော့နဲ့ပါတ်သက်ပြီးတော့ပေါ့..နော်.။။

kaungkinko: စေတန်ဂေါ့ စုစည်းထားတဲ့စာအုပ်လည်းဖတ်တယ်။အကုန်စုရေးထားတဲ့စာအုပ်

me: သြော်ဟုတ်ကဲ့ခင်ဗျ..။ ဒါနဲ့ ကောင်းကင်ကိုရဲ့ ဘလော့က အချိန်တိုအတွင်း ပို့စ်များများ ရေးနိုင်ခဲ့တာရော..ဘယ်လို့အကြောင်းတွေကြောင့်လည်းဗျ..။နောက်အောင်လည်းအောင်မြင်လာတယ်လို့

ကျွန်တော်မြင်မိတယ်လေ..။

kaungkinko: ကျွန်တော် အဲဒီ့အချိန်က နေ့ တိုင်း update လုပ်နိုင်အောင်ကြိုးစားပါတယ်။ ရေးအားလည်း ပိုကောင်းတယ်။ အခုတော့ အဲလောက် မလုပ်နိုင်တော့ဘူး

me: ဟုတ်ကဲ့ ကျွန်တော်အမြင်ကိုကောင်းကင်ကိုဘလော့က ကဗျာအသားပေးဘလော့များ

ဖြစ်နေသလားလို့.။

kaungkinko: ဟုတ်ပါတယ်။ ကျွန်တော်လည်း အဲလို ရည်ရွယ်ပါတယ်။ အနုပညာကိုပဲ ဦးစားပေးပြီးလုပ်ဖို့ ။ လွတ်လပ်တဲ့ အနုပညာတွေ ဖန်တီးဖို့ ပေါ့ဗျာ။

me: ဟုတ်ကဲ့ခံယူချက်ကတော့ကောင်းပါတယ်ခင်ဗျ..။ ပြီးတော့ ခင်ဗျားကဗျာတွေက တော်ကလေးကိုဆွဲဆောင်မှုရှိတာကိုတွေ့ရပါတယ်။ ဒါနဲ့ကျွန်ဆိုတဲ့ကဗျာ V.O.A မှာ ဘယ်လိုပါလာလည်းဆိုတာ ပြောပြပါဦးဗျ..။ ပါလာပုံလေးပေါ့..။

kaungkinko: အဲဒါက ကိုကျော်အောင်လွင်ကို ကဗျာသုံးချင်တယ်ဆိုပြီး အီးမေးလ်ပို့ တယ်လေ။ ဖုန်းနံပါတ်တောင်းတယ်။ ဘယ်ကဗျာသုံးချင်သလဲ ဆိုတာတော့မသိသေးဘူး။ နောက်ဖုန်းဆက်တယ်။ သုံးတယ်ပေါ့ဗျာ။ ဒါပါပဲ။

me: ဟုတ်..ဒီကဗျာလေးက အတော်ကလေး ဆွဲဆောင်မှုရှိပါတယ်။ ကောင်းလည်းကောင်းပါတယ်။ အဲဒီ့ ကဗျာလေး ရေးဖြစ်သွားပုံလေးကရော..ခင်ဗျ..။

kaungkinko: ကျွန်တော် ထိုင်းမှာ ရှိတဲ့ မြန်မာရွှေ့ ပြောင်းအလုပ်သမားတွေကို

စာသင်ပေးရတဲ့ကျောင်းမှာ အင်္ဂလိပ်စာ သွားသင်ဖြစ်တယ်ဗျာ။

အဲဒီ့မှာ သူတို့ တွေရဲ့ ဘဝတွေကို ပိုသိလာရတယ်။ အဲဒါနဲ့ ရေးဖြစ်သွားတာပါ သူတို့ ရဲ့ ဘဝက တော်တော်ဆိုးပါတယ်နောက်ပြီးဗျာ။ အမျိုးထဲက တချို့ နိုင်ငံခြားသွားပြီး ဒုက္ခရောက်ပြီးပြန်လာတာ ကြုံဘူးတယ်လေ။ မြန်မာပွဲစားတွေ မကောင်းတာလည်း ကြုံဘူးတာကိုးဗျ။

me: ဟုတ်ကဲ့ခင်ဗျ..။ ကိုယ်ကိုယ်တိုင်ဘလော့ဂါ ဖြစ်လာတော့ ဒီဘလော့ကာ အသိုက်အ၀န်းကို ဘယ်လိုမြင်မိသလဲခင်ဗျ..ခင်ဗျားရဲ့ အမြင်ကလေးပေါ့..။

kaungkinko: အားလုံးခြုံကြည့်ရင်တော့ အားရပါတယ်။ ကောင်းပါတယ်။ ရေးသူတွေ ဖတ်ရှုအားပေးသူတွေ စည်စည်ကားကားရှိတယ်လို့ မြင်ပါတယ်။

အယူအဆကတော့ မျိုးစုံပေါ့ဗျာ တချို့ က နည်းပညာ ပညာပေးဖို့ 

me: ဟုတ်ကဲ့ခင်ဗျ..။

kaungkinko: အဓိကကတော့ဗျာ။ မြန်မာ ဘလော့လောကကြီး စည်ပင်လာအောင် နည်းပညာတွေဖြန့် ဝေခဲ့တဲ့ ညီလင်းဆက်တို့ ၊ ကိုမောင်လှတို့ ၊စေတန်ဂေါ့တို့ ကိုကျေးဇူးတင်သင့်ပါတယ်။ ဘလော့လောက စည်ကားလာခြင်းအတွက် ကိုရန်အောင်လည်းပါတာပေါ့။ကျန်တဲ့သူတွေလည်းရှိသေးပါတယ်။ ကျွန်တော်ကျစ်ခဲ့ရင် ကျန်ခဲ့မယ် ။

me: ဟုတ်ကဲ့ခင်ဗျ..။ကိုကောင်းကင်ကို ဘလော့မှာ နိုင်ငံရေး အင်း နိုင်ငံရေးဆိုတာထက် အမျိုးသားရေးဆိုပိုမှန်မယ်ထင်တယ်အဲဒါလေးတွေ အသားပေးရေးဖြစ်တာများတယ်နော်..။

kaungkinko: အင်း။ ဟုတ်ပါတယ်။ လူတိုင်း ကိုယ်စိတ်ဝင်စားဘက်ရာကိုယ် ယိမ်းကြတာပေါ့ဗျာ။ တကယ်ကတော့ နိုင်ငံရေးရေးသည်ဖြစ်စေ၊ အနုပညာရေးသည်ဖြစ်စေ၊ နည်းပညာရေးသည်ဖြစ်စေ ၊ကောင်းပါတယ်ဗျာ။ ကိုယ့်အလုပ်ကိုယ်လေးလေးစားစားလုပ်ဖို့ ကအရေးကြီးပါတယ် ။ နိုင်ငံရေးရေးမှမဟုတ်ပါဘူး။ ဝါသနာပါတာနဲ့ ကိုယ်နဲ့ ကိုက်ညီတဲ့ရှုထောင့်ကနေ ပါဝင်သင့်ပါတယ်။

နည်းပညာတော်လှန်ရေး၊ အနုပညာတော်လှန်ရေး၊ နိုင်ငံရေးအရ တော်လှန်ရေး အားလုံးဖြစ်မြောက်အောင်မြင်စေချင်ပါတယ်ဗျာ။ တစ်ခုနဲ့ တစ်ခုက ဆက်စပ်နေပါတယ်။

me: ဟုတ်ကဲ့ ခင်ဗျာ..ရှေ့ဆက်ပြီး ကောင်းကင်ကိုအနေနဲ့ ကောင်းကင်ကိုရဲ့ ဘလော့မှာ ဘယ်လိုဘယ်လိုပုံစံမျိုးလေးတွေနဲ့ ဆက်ပြီးဆောင်ရွက်လုပ်ဆောင်သွားဖို့အစီအစဉ်များရှိပါသေးလား။ ဘလော့အတွက် အစီအစဉ်သစ်ကလေးတွေပေါ့..။

kaungkinko: ထူးထူးခြားခြားတော့မရှိပါဘူး။ အနုပညာကဏ္ဍကို ပို ဦးစားပေးဖို့ တော့စိတ်ကူးရှိပါတယ်။

me: ဟုတ်ကဲ့ခင်ဗျာ..။

kaungkinko: ဒါပေမယ့် ကျန်တာတွေလည်း စိတ်ကူးပေါ်ရင် ပေါ်သလို လုပ်သွားမှာပါ။

me: အခုနောက်ဆုံး အနေနဲ့ ဟုတ်ကဲ့။ ဘလော့ကာ ညီအကိုမောင်နှမတွေကိုဘာများပြောချင်ပါသေးသလဲ။

kaungkinko: သြော။ ဘလော့လောကကြီး စည်စည်ကားကား ပြေပြေလည်လည် တစ်ယောက်နဲ့ တစ်ယောက် သင့်သင့်မြတ်မြတ်နဲ့ အဆင်ပြေပါစေလို့ ပဲ ဆုတောင်းပေးချင်ပါတယ်ဗျာ။

me: ကျေးဇူးပဲ.ဗျာ.ကျွန်တော့်ဘလော့မှာ ဘလောကာ အင်တာဗျူးဆိုပြီးအစီအစဉ်တစ်ခုထည့်မလို့ဗျ..။ အခု ဒီကဗျာဆရာကတော့ ပထမဆုံးပေါ့ဗျာ..။ ကျွန်တော်တို့ အတွင်းက လူတွေလည်း ပိုစ်တင်ရတာ သိပ်အဆင်မပြေဘူးဖြစ်နေတယ်ဗျ..။ အခုလိုစိတ်ရှည်လက်ရှည်ဖြေကြားပေးလို့လည်း ကျေးဇူးတင်ပါတယ်ဗျာ.။

kaungkinko: ဟုတ်ကဲ့ ကျွန်တော်လည်း ပြောခွင့်ရလို့ ကျေးဇူးဗျာ

မုဆိုး

2008-09-11T12:07:00.000+06:30

...တစ် နေရာယူ
နှစ် အဆင်သင့် သုံး ကျည်ဆံထည့်
လေး မောင်းချိန် ငါး ပစ်နိုင်ပြီ .... စိမ်..။

ငယ်ငယ်ကလိုပေါ့ ဘ၀ဟာ ပုံသေနည်းကျကျနဲ့
မထုဆစ်ထား ပါဘူး။
နေရာမယူခင် စပြီး ပစ် ရတဲ့ တိုက်ပွဲတွေ ရှိနိုင်သလို
ကိုယ်က မောင်းချိန်ပြီးမှ တရစပ် အပစ်ခံရတဲ့
ကိစ္စတွေလည်း ရှိနိုင်တယ်..။
သေချာတာက........။
ကိုယ်ပစ်မဲ့ ပစ်မှတ်ကိုထိဖို့
ကိုယ့်ကျည်ဆံ ဟာ ဖြောင့်သင့်တဲ့ အချိန်ဖြောင့်လို့
ကောက်သင့်တဲ့ အချိန်မှာ ကောက်ကွေ့ရမယ်...။
လူသားမုဆိုးရဲ့
အဓိက က ပစ်မှတ်ကိုထိဖို့ပဲလေ..။

...နိုးထဖို့မေ့လျော့နေသူများလား

2008-08-15T16:09:00.003+06:30

စိုက်ခင်းထဲ... ကျိုးတိုးကျဲတဲ
ပိုးထိုးပင်များပမာ
မြန်မာပြည်ဟာ သည်းခံနိုင်စွမ်းကြီးခဲ့သလော...။

ငါးနှစ်သား ကလေးက ပလက်ဖောင်းကို ကျောင်းလိုလုပ်
ဘ၀ စာတွေသင်ယူ တောင်းစားနေသလို
အသက် ၅၀ကျော် အရာရှိကြီးကလည်း
ဟော်တယ်တွေ၊ အအေးခန်းတွေထဲမှာ
တောင်းရမ်းနေတယ်...ဘာများထူးဦးမှာလဲ။

ကျွန်တော်က ခင်ဗျားဆီကတောင်းနေသလို
ခင်ဗျားကလည်း အခြားသူဆီက တောင်းဦးမှာပဲ..
ဝမ်းရေးတွက်ဆိုတော့ စစ်ဖိနပ်လည်း
နေသားတကျ ၂၀ နှစ်တိုင် နမ်းတတ်နေခဲ့ပြီပဲ..။

မြန်မာပြည်ဟာ အရင်တုန်းက မြန်မာပြည်မှ ဟုတ်ပါစ...။
ကုန်းဘောင်ခေတ်၊ ကိုလိုနီခေတ် ၊ ဂျပန်ခေတ်..
ဘယ်တော့မှ မြန်မာ့ နာမည် မပျက်ခဲ့ဘူး
အားလုံးအတွက် လွတ်မြောက်ခြင်း သစ်သီးကို
အသက်ပေး ပြီးခူးဝံ့ ကြသူတွေချည်းပဲ..

၁၉၆၂ ၊၁၉၈၈၊ ၂၀၀၇ ၊ အခုနာဂစ် က ၂၀၀၈
ဓါးနဲ့ အကြိမ်ကြိမ် အထိုးစွခံရနေတဲ့ ငါးတစ်ကောင်လိုပဲ
မြန်မာပြည်ဟာ ဘာအသံမှ ထွက်မလာခဲ့ဘူး..
ဦးခေါင်းထဲ အနှစ် (၂၀) စာ သံမှိုက အကြောက်တရားနဲ့ စွဲမြဲနေကြပြီလား။

မြန်မာပြည်က သမိုင်းကောင်းတဲ့ သစ်ပင်တစ်ပင်ပါ။
အခု...အရွက် ၊ အခက် ၊ အသီးအပွင့်တွေ
သေနတ်ဒင်အောက်မှာ တဖြုတ်ဖြုတ်ကြွေနေကျလည်း
ကျွန်တော်အပါ အ၀င် အကြောက်တရားကို လက်ဝယ်ပိုက်လို့
ရပ်ကြည့်နေတတ်ပြီလေ

ကြားဖူးတဲ့ စကားတစ်ခွန်းက အခုဆို သိပ်မှန်တာပဲ

“နိုင်ငံတစ်နိုင်ငံရဲ့ လူမျိုးတွေဟာ သူတို့နဲ့ထိုက်တန်တဲ့ အစိုးရကိုပဲရတယ်”

မြန်မာပြည်ဟာ နှစ်၂၀ ကြာ အိပ်မက်ဆိုးတွေနဲ့

အိပ်စက်လို့ကောင်းနေတာဟာ

နောင်အနှစ် (၂၀၀) ဖြစ်လာမည့်

မြန်မာလူမျိုးတွေကိုသတ်နေတာပဲ ဆိုတာ

မသိတာပဲလား ၊ မသိချင်ယောင်ဆောင်နေတာပဲလား

အိုမြမာ ပြည် ထလော့လို့ တော့ မတိုက်တွန်းချင်..။

ဘ၀ဆိုတာ ၄ / ၂၀၀၈

2008-08-12T15:33:00.002+06:30

..သစ်ပင်တစ်ပင်အတွက်
အသီးမသီးတာ ဘ၀ ဆိုးခဲ့ပါသလား...။

ပန်းတစ်ပွင့် မှာ ရနံ့မရှိရင် သိမ်ငယ် နေခဲ့မလား။
ကြယ်မရှိတဲ့ ညဟာ သာယာပါ့မလား
ချစ်သူမရှိတဲ့လူဟာ ဆိုပြေပါ့မလား
လွတ်လပ်မှု မရှိတဲ့ တိုင်းပြည်ဖွံ့ဖြိုးပါ့မလား
အမေမရှိတဲ့ ခလေး နို့ဝပါ့မလား
မိတ်ဆွေ
ငွေ မရှိတဲ့ ဘ၀ဆိုတာ
လူသားတစ်ယောက်အတွက်
အကြိမ်ကြိမ် သေဆုံးပြီးသားသစ်ပင်လို
အကြိမ်ကြိမ် သီးပွင့်ဖို့ မဖြစ်နိုင်ဘူး
ကျွန်တော်လည်း ငွေကြေး ကိစ္စအတွက်နဲ့
ဘ၀ မှာ အကြိမ်ကြိမ် သေဆုံးဖို့အသင့်ပါပဲ...။

အငွေ့

2008-08-01T12:03:00.004+06:30

ကျွန်တော်ဘလော့ပြန်ရေးလို့ရပါ ပြီ
.......................................................

ကျွန်တော်ဘလော့မရေးဖြစ်တာလည်း အတော်ကြာပါပြီ
မရေးဖြစ်တဲ့အကြောင်းကတော့ အခြားမဟုတ်ပါဘူး ရေးလို့မရတာပါပဲ.။
ပိတ်ထားတယ် ဆို့ထားတယ်။ မြန်မာပြည်မှာနေတဲ့လူတစ်ယောက် ရဲ့ ဖြစ်လေ့ဖြစ်
ထလိုဖြစ်နေတော့လည်း ပိတ်ထားတဲ့တံခါးတွေကို ဖွင့်ဖို့သော့ရှာရပါတယ်။
ပထမ ကျွန်တော် proxy ကျော်လို့ရတဲ့ သောဖြစ်တဲ့ ultra (u) ဆော့ဝဲလေးနဲ့

အဆင်ပြေနေရာမှ နောက်ဘယ်လိုဖြစ်တယ်မသိဘူး အဲဒီဆော့ဝဲက သုံးလို့ဘယ်လို
မှမရတော့ပါဘူး ဒါနဲ့ပဲကျွန်တော်ဘလော့ မရေးဖြစ်တာ ၁လ ၂လ လောက်ထိ
အချိန်ကြာသွားခဲ့ ပါတယ်။ ဒါပေမဲ့ ကျွန်တော် ကံကောင်းချင်တော့ ကျွန်တော့် ကို
ဘ၀ တူ ဘလော့ဂါ အောင်မျိုးဟန် က ultra (u) လိုပဲ အသုံးဝင်တဲ့ ဆော့ ၀ဲလေး
တစ်ခု ပေးလိုက်တယ်ဗျ..ဒါကလေး ကျွန်တော် အဖို့ အလွန်သုံးဝင်ပါတယ်။ အဲဒီ
ဆော့ ၀ဲလေး နာမည်က ဘာလည်းဆိုတော့ Freegate 6.7 ဆိုတဲ့ ဆော့ဝဲလေးပါပဲ။
တစ်ကယ်ကိုနာမည် နဲ့ လိုက်အောင် သူ့ကြောင့် ကျွန်တော့်ကို တားဆီးထားတဲ့
Gate အချို့ကို ဖြတ်လို့ရပါပြီ....။ ဒီဆော့ဝဲကို တီထွင်ခဲ့တဲ့လူရော..အသုံးပြုအောင်
လမ်းညွန်ပေးတဲ့လူတွေကိုလည်း အထူးပဲကျေးဇူးတင်ရှိပါတယ်ခင်ဗျာ..။
ကျွန်တော် တကယ်ပဲ ပြန်ရေးပါတော့မည်..။

ဘ၀ဆိုတာ (၁/၂၀၀၈)

2008-07-30T11:41:00.007+06:30

အသက် ၅၀ ကျော် အထိ
အဖေကတော့ ဘ၀ အကြောင်းပြောလို့ကောင်းတုန်း
ကျွန်တော် က၂၄ နှစ် ဘ၀ အကြောင်း
ဘယ်အထိပြောရဦးမလဲ..။

ပန်းကလေးတွေ
ဖူး...ပွင့်....ဝေ...ကြွေ
သွားတာဘ၀လား...။

ကျွန်ုပ်တို့ရဲ့ ရည်မှန်းရာဘ၀များက ဘာပါလဲ..။
အကောင်းစားကားနဲ့ အကောင်း စားဖုန်း
တစ်လုံး ဟာ လူသားတစ်ဦးရဲ့ ဘ၀လား..။

ဆန့်ကျင်ဘက် လိင် တစ်ယောက်ရဲ့
ချစ်ခြင်းဟာလည်း ဘ၀ လား..။

ကလေးတစ်ယောက်ရဲ့ လိုချင်မှု ငိုငြီးသံက
ဘ၀လား..။

အာဏာပင်ထက် အသီးအပွင့် ဝေစေနိုင်တာကရော
ဘ၀များလား..။

ငါလိုချင်တဲ့ ဘ၀ကရော ဘယ်လိုဘ၀ မျိုးလဲ
သေချာတာကတော့..........။

2008-07-30T11:31:00.002+06:30

ဘ၀ဆိုတာ (၂/၂၀၀၈)
................................
........................................

ဘ၀ဆိုတာ စိတ်ကူးနဲ့ရေးလို့မရတဲ့
ပန်းချီကားတစ်ချပ်လိုပဲ….။

ကံဆရာ ဇာတ်ညွှန်းမှာ
ဘယ်သူမှန်းမသိတဲ့ ဒါရိုက်တာအောက်
အသက်ဝင်အောင် သရုပ်ဆောင်ရမယ့် …မင်းသား။

ငိုခန်းတွေ ပါမယ်
ရယ်ခန်းတွေ ပါမယ်
ချမ်းသာမှု၊ ပြည်စုံမှုတွေပါမယ်။
ဆင်းရဲမှု၊ လိုအပ်မှုတွေပါမယ်။

အခုသေချာတာက ဘ၀ဆိုတာ
ငယ်ငယ်ကလို
ကျောက်သင်ပုန်းပေါ်မှာ
ဆရာမ ချရေးပြသလို
ဘကုန်းနဲ့ ၀ ဟာ သိပ်မရိုးရှင်းတော့တာကတော့
သေချာတယ်။

သမိုင်းအဆက်ဆက်
ငါ့တို့ ဆိုငြီးတဲ့ တေးသွားက
ဘ၀ ကလာတယ်။

အငွေ့

ဘ၀ဆိုတာ ၃/ ၂၀၀၈

2008-07-29T14:55:00.003+06:30

'သေရင်ပြီးပြီ '

ဒီစကားဘယ်သူပြောခဲ့သလဲ

နပိုလီယံလို လူပိန်လူညှက်ကလေးက

ကမ္ဘာကိုအရက် နဲ့ တစ်ဝှက်စိမ်သောက်ခဲ့သေးတာပဲ..။

ဟစ်တလာ လို ကောင်ငယ်ကလေးကရော

သူ့ ဘ၀ အတွက် ဂျူးတွေကို သတ်ခဲ့သလား။

သူတို့ နာမည်အတွက် သူတို့သမိုင်းကို သူတို့ရေးခဲ့သလား.။

ဗိုလ်ချုပ်ကတော့ အများဘ၀ အတွက်

သူ့သမိုင်းကိုသွေးစွန်းတဲ့ စာရွက်နဲ့ ရေးခဲ့တယ်။

ယနေ့ဘ၀ ဆိုတာ နောင်သမိုင်းပါပဲ..။

သေချာတာကတော့

မိသားစု သမိုင်းလှဖို့ကျွန်တော့် ဘ၀ ယခုထိ

မစတေးခဲ့ဘူးသေး.

ကျွန်တော်က ဘ၀မှာ အမှားခပ်များများကလွဲလို့

ဘာမှမပိုင်ခဲ့တဲ့ကောင်။

2008-06-20T12:04:00.004+06:30

နာဂစ်မသတ်ခင် ကြိုးစင်အကြိမ်ကြိမ်တက်ထားတဲ့ပြည်

.............................................................................

မြန်မာပြည်ဟာလူသားတစ်ဦး ဆိုပါစို့
သူ့မျာ သွေးထွက်သံယို ဒဏ်ရာတွေများ
ခဲ့တယ်။

အနော်ရထာ ကအစ
သီပေါအထိ မြေရှင်ပဒေသရာဇ် နွံထဲ
သက္ကရာဇ်
များစွာတိုင်…
ဘုံဘေ ဘားမားက စတယ်ပြောပြော
ကျွန်သက်တမ်းက နှစ် ၁၀၀
ရွှေအတု
ကိုပေးတဲ့ ဂျပန်ကြီးရဲ့
ခြေတော်တင်ခံရတာက ၅ နှစ်။

ကိုအောင်ဆန်းရဲ့
စ်ာပန အျပီး
တို့လူမျိုးလို ပိုးတွေ
ကိုယ့်အသားကိုယ်စားခဲ့ကြ
ပြည်တွင်းစစ်
ဆိုရှယ်လစ်လမ်းစဉ်ပါတီ

တော်လှန်ရေးကောင်စီ
အခု…လူသတ်……………..ကောင်စီ
ဦးသန့်၊ သြဂုတ် ၈ ၊
စက်တင်ဘာ ၁၉ ၊
စသဖြင့် ခေါင်းစဉ်တွေအောက်
သွေးစွန်းကွက်များနဲ့
မြန်မာပြည်

နာဂစ်ဆိုတဲ့ မြွေပါးပြင်းထောင်လို့
မွေပြန်ရော့
မြန်မာဆိုတဲ့
လူလည်း
အောက်ပိုင်းသေပြန်ရော..။

မြန်မာ့မြေပုံလို့
မြန်မာပြည်ဟာ
လူတစ်ယောက်ဆိုပါစို့
ခြေလက် ခေါင်း ခါး ဘာမှမကျန်အောင်
အနာတရများခဲ့တာက
အကြိမ်ကြိမ်
ဆိုပေမဲ့… ကိုယ်ခံအားနည်းနေပြီဖြစ်တဲ့
စိတ်ရောဂါ အမြစ်တွေကို
ဘယ်သူကရေးလောင်းပေးမတဲ့လဲ။
သေချာတာက နာဂစ်မလာခင်တဲ့က
မြန်မာပြည်ဟာ
နာဂစ်ထက်ဆိုးတဲ့ မုန်တိုင်းဒဏ်တွေကို ခံခဲ့
ဖူးသူတွေပါ။
ခေတ်အဆက်ဆက် ပေါ့..။
လူတွေသေတိုင်း
မုန်တိုင်းဆိုရင်…
တို့ပြည်က မုန်တိုင်း
ဒဏ်အကြိမ်ကြိမ်သင့်နေတဲ့ပြည်
လေပြည်ရယ်လာပါတော့…။

2008-06-17T09:42:00.004+06:30

ရည်းစားစာ

သတိရခြင်း သတိရတယ်ဆိုတာခင်မင် ကြတဲ့သူအချင်းချင်း ၊ သံယောဇဉ်ရှိကြတဲ့သူ အချင်းချင်း၊ ချစ်ကြတဲ့အချင်းချင်း၊ ခံစားရတဲ့ ခေါင်းစဉ်တစ်ခုပေါ့ ။ သတိရခြင်းမှာ ဖြူစင်တာတွေ ရှိတယ်။ ရိုးသားတာတွေရှိတယ်၊ သန့်စင်မှုတွေရှိတယ်၊ ဒီလိုပဲ အစာမကြမှု၊ အခဲမကြေမှု၊ မရိုးသားမှုတွေကလည်းရှိတယ်။ တစ်ယောက်ကိုသတိရနေတာဟာ အဲဒီ့လူတစ်ယောက် ကိုယ့်စိတ်ထဲမှာရှိနေလို့ပဲပေါ့…။

တမ်းတခြင်း
တမ်းတခြင်းဆိုတာ သတိရခြင်းလောက်မဖြူစင်ဘူး ၊ တစ်ယောက်ယောက်ရဲ့ အပြု
မူတွေ၊ အပြောအဆိုတွေကို အမှတ်ရနေတာတမ်းတနေတာပေါ့၊ တမ်းတခြင်းကလည်း ခံစား
ရတဲ့ လူတစ်ယောက်အတွက် ဝေဒနာတစ်ခုပါပဲ။ တမ်းတမိတဲ့စိတ်က အချိန်နဲ့အမျှ မဟုတ်ပေ
မဲ့ အချိန်ရတိုင်းတမ်းတမိ နေတတ်တယ်။

လွမ်းဆွတ်ခြင်း
ဒီဝေဒနာက ခေါင်းစဉ်သုံးခုထဲမှာ အဆိုးဆုံးပါပဲ။ အလွမ်းဆိုတာ အချစ်ကိုသိရှိတဲ့သူ
တိုင်းခံစားမိတဲ့ အရာပါ။ လွမ်းဆွတ်ခြင်းမှာ အရာအားလုံးထက်ပိုတဲ့ ခံစားချက်တွေပါတယ်။
လွမ်းတယ်ဆိုတာမလွယ်ပါဘူး၊ ရင်ထဲမှာ တစ်စုံတစ်ယောက်ရှိ နေမှသာဖြစ်ပေါ်လာတဲ့အရာ
ပေါ့။လွမ်းမတယ်ဆိုရင်လဲ အရာအားလုံးက လွမ်းစရာချည်းပါပဲ..။ (((ဥသြ))) (((ဥသြ))) ဆိုတဲ့ အသံကလည်းလွမ်းစရာပဲ ။ ပူပြင်းတဲ့ခြောက်သွေ့မှုကလည်း လွမ်းစရာပဲ။ ညဘက်မှာ
ကြားရတဲ့ သတ္တ၀ါမျိုးစုံရဲ့ အသံတွေမှာတောင် အလွမ်းအဆွေးတွေပါနေသလိုပဲ။ နောက်ဆုံး
ကုန်ကုန်ပြောရရင် ညဘက်ကြမှ အော်တဲ့ တောက်တဲ့ကြီးရဲ့အသံကိုလည်း ကြောက်ရင်းနဲ့
လွမ်းနေမိတတ်တယ်။ ချိုမြိန်မှုကိုတပ်မက်တဲ့ လူတစ်ယောက်က အလွမ်းကိုမလိုချင်ပဲနဲ့
တမ်းတမ်းတတ လွမ်းဆွတ်နေမိတာ….ကိုယ့်စိတ်ထဲတစ်ယောက်ရှိနေပြီဆိုတာ အသေချာ
ဆုံးပဲ။ လွမ်းရတာကိုကြောက်တယ်…။လွမ်းရတာကို မုန်းတယ် အလွမ်းတွေဆို မလိုချင်ဘူး
။ဒါပေမဲ့ အခုအလွမ်းတွေနဲ့ပဲ ထွေးပွေ့ထားရတယ်။

…………………………………………………………………………………………………………………

အထက်ပါ စာများကတော့ ကျွန်တော်ရေးထားတာမဟုတ်ပါဘူး။ ကျွန်တော့်ရဲ့ကောင်မလေး
သင်္ကြန်တွင်း သီလရှင်ဝတ်ရင်း ကျွန်တော်ကိုသတိရလို့ ရေးထားတာတဲ့ ရိုးရိုးသာမန်
ရည်းစာစာတွေ အပြန်အလှန်အကြိမ်ကြိမ် ပေးခဲ့ကြပေမယ့် ။ ဒီစာကလေးက သူသီလရှင်
ဝတ်နေချိန် အတောအတွင်း ၀တ်နည်းလွတ်ရေးထားတာဖြစ်လို့ လည်း ဒီစာကလေးကျွန်
တော့်အတွက်ထူးဆန်းနေတာဖြစ်ကောင်းဖြစ်ပါလိမ့် ။ ဒါကြောင့် ဒီစာကလေးကို သူ မသိအောင် တိတ်တိတ်ကလေးခိုးတင်လိုက်ပါတယ်။ သူ့အရေးအသားများ ကမိတ်ဆွေတို့ကို
အနှောက်ယှက်ပေးလို ဖြစ်နေရင်း လည်း ကျွန်တော်ကပဲ ကြားထဲကနေတောင်းပန်လိုက်ပါ
တယ်။

2008-05-21T11:08:00.001+06:30

ဒီတစ်လနာဂစ်မွှေသွားတာနှင့် ဘလော့ကောင်းကောင်းမတင်ဖြစ် တာကြာလှပြီ မျက်စိ လည်းလမ်းမှားပြီး လာဖတ်သူတွေကိုလည်းအားနာလှသည်။ အခုတော့ နာဂစ်နဲ့ပတ်သက်ပြီး
ရေးစရာတွေကတစ်ပုံတစ်ပင်ရှိနေပြီ..ဒါပေမဲ့ရေးဖို့စက်ကမရှိဖြစ်နေတယ်။ ဒီတော့ သူငယ်ချင်း အပေါင်း ကိုလွန်စွာအားနာနာနှင့်တောင်းပန်အပ်ပါသည်။အခုတော့တတ်နိုင်သမျှနာဂစ်အကူအညီ တွေကိုကိုယ်တိုင်ကိုယ်ကပေးနေပါတယ်။၂၅ရက်နေ့ကျရင်ဗိုလ်ကလေးဘက်သွားနိုင်အောင်ကြိုးစား နေပါတယ်။ အားလုံးကိုတောင်းပန်အပ်ပါတယ်။ ပြီမှ ဆက်လက်ရေးသားပါတော့မည်။.

2008-04-29T11:49:00.003+06:30

X Noလေးလုပ်ဟေ့ X
.................................

ဒီနှစ်သင်္ကြန်မှာ စိုင်းစိုင်းရဲ့ အိုးကလေးလှုပ်ပါဟေ့အတော်ကလေးခေတ်စားသွားခဲ့ပါတယ်။

လူကြီးလူငယ်လူရွယ်စုံ တို့ပါးစပ်ဖျားမှ အိုးကလေးလှုပ်ပါဟေ့ချည်းဖြစ်နေတာကို

တွေရပါတယ်။ ဒီသီချင်းကို ဘယ်သူမှန်းသိတဲ့လူတစ်ယောက်ကကျွန်တော်ဆီကို

ယခုအဲဒီ့သီချင်းကိုဖျက်ပြီးလို့မေးလ်တစ်စောင်ပို့ထားပါတယ်။ မေ၁၀ရက်

မတိုင်ခင်အစိုရကမဲထည့်ဖို့မီဒီယာတွေကတဆင့်နှိုးဆော်နေတာကိုပြန်လည်ခြေပတယ်

လို့လည်းထင်ပါတယ် ကဲ ဖတ်ကြည့်ရအောင်ဗျာ။

ငါတို့... စီးရတာာက ထော်လာဂျီ

ပေါင်းမိတာက ယူနန်ပြည်

အနောက်ဖက်ပိုင်းကတော့သိပ်မကြည်

သူ့နာမည်က SPDC.

No.လေးလုပ်ပါဟေ့ Vote No.လေးလုပ်ပါဟေ့

No.လေးလုပ်ပါဟေ့ Vote No.လေးလုပ်ပါဟေ့

2008-04-29T10:09:00.005+06:30

မွေးနေ့လက်ဆောင်

ဘလော့မရေးဖြစ်တာလည်း ကြာပါပြီ..။ လာလည်ကြတဲ့ ညီအကိုမောင်နှမများကိုလည်း အားနာလှပါတယ်။ ဒီအတွက် ကျွန်တော်ရေးဖို့ အကြောင်းအရာ ရှာလိုက်တော့ ကျွန်တော့် ပြီးခဲ့တဲ့ မွေးနေ့အမေရေးပေးလိုက်တဲ့ စာကလေးတစ်စောင်အကြောင်းရေးဖို့ စိတ်ကူးမိခဲ့ပါတယ်။
ဒီစာကလေးကိုတင်မယ် တင်မယ်လုပ်နေတာကြာလှပါပြီ..။ တင်ဖို့စိတ်ကူးမိတာကလည်း ကိုရန်အောင် ဘလော့မှာ တစ်ခါဖတ်ဖူးတဲ့ စာကလေး ၃ စောင် ဆိုတဲ့ ဟာကလေးကိုဖတ်ပြီး တင်ဖို့ဆုံးဖြတ်မိတာပါ..။ ကျွန်တော်အမေဟာ ကျွန်တော့် မွေးနေ့ အတွက် ဘာမှ
မယ်မယ်ရရ၀ယ်မပေးနိုင်ခဲ့ဘူးဆိုသော်ငြား ဒီစာကလေးကို ပထမဆုံးမွေးနေ့လက်ဆောင် ပေးခဲ့ခြင်းအပေါ်ကို အများကြီး ကျေးဇူးတင်မိ ပါတယ်။ ဒီစာကလေး ကြောင့် အရင်ထက် အမေ့အပေါ်မှာ ပိုပြီးတော့ နားလည်လာတယ်။ ပိုပြီး ချစ်မိလာတယ်။ ဒီ့အတွက် အမေ့ကို ကျေးဇူးပါပဲ။ ဒီစာကို ကျွန်တော့် မွေးနေ့ ည သန်ခေါင်အချိန်မှာ ရေးခဲ့လို့ အမေကပြောပါတယ်။ အဲဒီအချိန်တုန်း က အိမ်မှာ ကျွန်တော် မရှိခဲ့ ပါဘူး ။ အဲဒီ ညက အိမ်ကမှန်ကြီး လေတိုက်လို့ ကျကွဲတော့ အမေ ကျွန်တော့်ကို စိတ်တွေပူ ပြီး အိပ်မပျော် လို့ ရေးခဲ့တာလို့လည်း သိရပါတယ်။ ဘာပဲပြောပြော မွေးနေမှာ အမေကို ရှိမခိုး လိုက်ရတဲ့ ကျွန်တော်အတွက် ဒီစာကလေး နောင်တ အလီလီရစေခဲ့ပါတယ်။
နောက်နောင်ကျွန်တော့်မွေးနေများ မှာ အမေကို ဒီလို ပူပင် သောကမျိုး မပေးတော့ဘူးလို့လည်း ဒီစာလေးကို ဖတ်ပြီး တော့ စိတ်ကူး ခဲ့မိပါတယ်။ ကျွန်တော်..အမေ့မေတ္တာကို ဒီစာကလေးနဲ့ မှတ်ကျောက်တင်အပ်ပါတယ်။ မွေနေ့လက်ဆောင်တစ်ခုဆိုတာ တန်းဖိုးကြီးဖို့ထက် ထက် မေတ္တာကြီးဖို့ ပိုလိုအပ်ကြောင်း အခုတော့ ကျွန်တော် မျက်ဝါးထင်ထင် သိလိုက်ရပါပြီ ဒီအတွက်လည်း အမေ့ကိုကျေးဇူးတင်ပါတယ် …။ အမေ ကျန်းမာပျော်ရွှင်နိုင်ပါစေ..။

2008-04-05T11:09:00.002+06:30

ဒီညမှာ ကျွန်တော်အိပ်စက်ပါပြီ
...................................................

ဒီညမှာ ကျွန်တော်အိပ်စက်ပါပြီ

ကဗျာတစ်ပုဒ်ကို မရေးနိုင်ပေမဲ့

ကဗျာရေးဖို့ အကြောင်းတွေ ကျွန်တော်မှာ

ခပ်များများရှိနေတာ သေချာပါတယ်။

မနေ့က သူဌေးတစ်ယောက်အပေါ် သီးခံခဲတယ်။

ချစ်တဲ့ကောင်မလေးရဲ့ အပြုအမူအပေါ် ခေါင်းငုံခံခဲရတယ်။

အထက်အရာရှိရဲ့ မတရားမှုအပေါ် သီးခံခဲ့ရတယ်။

အနိုင်ကျင့်တတ်သူတစ်ယောက်ရဲ့

စကားလုံးစိမ်းတွေ ရဲ့ပစ်ပေါက်ချင်းခံခဲရတယ်။

ရန်သူတစ်ယောက်ရဲ့ ယုတ်မာခြင်းတချို့ကိုလက်ဝယ်ပိုက် ခဲ့ရတယ်။

စသဖြင့် ကဗျာလုပ်ရေးစရာ

အကြောင်းတရားများ ကျွန်တော့်မှာ ရှိခဲ့ပါတယ်။

ဒီညကျွန်တော်အိပ်စက်ပါပြီ

မနက်ဖြန်ကျွန်တော်မနိုးခဲ့ရင်

လွတ်လပ်ခြင်းလေကို ရှုရှိုက်ဖို့

ခရီးထွက်သွားတယ်လို့သာ သဘောထားပေးပါ။

ကျွန်တော်ကျေနပ်ပါသည်။

ဘာကြောင့်လဲဆိုတော့ ကျွန်တော်ကဒီဘ၀မှာ မနက်ဖြန်များကို

ခပ်များများမလိုချင်ခဲ့သူမို့ပါ..။

ဒီ့အတွက် ဒီညမှာကျွန်တော် အိပ်စက်ပါပြီ...

ဒါပါနဲ့ဆို ဒီစကားကို သုံးကြိမ်မြောက် ကျွန်တော်ပြောခဲ့ပါပြီ...။

အဓိကအားဖြင့် မနက်ဖြန်ဆိုတာ ကျွန်တော့်အတွက်

အမှားတွေ.....

အခါးတွေ.......

နာကြည်းစရာတွေ.......

ခံပြင်းစရာတွေ.....

ဝမ်းနည်းစရာတွေ....

ဝေဒနာတွေ.....အပြည့်မို့

ကျွန်တော် အိပ်စက်ချိန်မှာ ကျေးဇူးပြု ၍ မနိုးလိုက်ပါနဲ့.

“ဒီညမှာ ကျွန်တော် အိပ်စက်ပါရစေ”....။ .

အငွေ့

2008-04-05T11:01:00.001+06:30

ဘေးဘီကိုကြည့်ပါ။
.................................

...ဂိုးပေါက်ထဲ ဘောလုံးရောက်ဖို့

ဘေးဘီကိုကြည့်ပါ။

ပြိုင်ဘက်ကို ရင်ဆိုင်မယ့်

သတ္တ၀ါတစ်ကောင်ဆိုရင်လဲ

ကိုယ့်အစွယ်တွေကို ထုတ်မပြခင်

ဘေးဘီကိုကြည့်ပါ။

အချစ်ဝတ်ရည် သောက်သုံးဖို့ ဟန်ပြင်နေတဲ့

ပျား၊ ပိတုန်း ဆိုရင်လည်း

ဘေးဘီကိုကြည့်ပါ။

မဟုတ်မခံစိတ်ကို မွေးမြူမယ် ဆိုရင်လည်း

ကြီးထွားဖို့ အတွက် ဘေးဘီကိုကြည့်ပါ။

လူများသတင်းတွေကို လွင့်မယ်ဆိုရင်လည်း

ဘေးဘီကိုကြည့်ပါ။

ကိုယ့်ရှေ့မှာ ကျနေတဲ့

အခွင့်အရေးရွှေထုပ်ကို ကောက်ယူမယ်ဆိုရင်လည်း

ဘေးဘီကိုကြည့်ပါ။

အမှန်တရားကို ဓားလိုသွေးမယ်ဆိုလည်း

ဘေးဘီကိုကြည့်ပါ။

နောက်ဆုံးကိုယ်က သေခြင်းတရားကို

လှမ်းခေါ်နေရင်လည်း

ဘေးဘီကို တစ်ခေါက်လောက်ဖြစ်ဖြစ်

ကြည့်ဖြစ်အောင်ကြည့်ပါ..။

အငွေ့

2008-04-05T10:37:00.002+06:30

အချစ်ရဲ့ကြိုးဆက်ထုံးကလေးများ
.......................................................

အချစ်ဆိုတာ

လူသားနှစ်ဦးကို ချည်နှောင်တဲ့ကြိုးပဲ

မချည်တတ်ရင် ပြတ်တတ်သလို

ချည်တတ်ရင်လည်း ဖြတ်ဖို့မလွယ်..။

မာနတွေ အသက်ဝင်နေတဲ့ ကောင်မလေး လက်နဲ့

အတ္တတွေ တ၀ုန်းဝုန်းတောက်နေတဲ့ ကောင်လေး လက်က

ကြိုးကို ဖြတ်ဖို့ကြံတယ်..။

ကောင်မလေးက “တောက်” တစ်ချက်ခေါက်လိုက်ယုံလေး

ကောင်လေးက တံတွေးတစ်ချက်ထွေးလိုက် ယုံလေး မှာ

ကြိုးတစ်ချောင်းက... ကြိုးနှစ်ချောင်းဖြစ်သွားတာ..

မီးပြတ် သွားသလို နှလုံးသားရဲ့ မြို့က ချက်ချင်းမှောင်သွားတော့တယ်။

ဒီလိုနဲ့ ကောင်မလေးမှာ နောက်ထပ် ချည်ထားတဲ့

ကြိုးတစ်ချောင်းနဲ့

ကောင်ကလေးမှာ နောက်ထပ် ထုံးထားတဲ့

ကြိုးသစ်တစ်ခုနဲ့

လောက က ဖြစ်ရိုးဖြစ်စဉ်တစ်ခုလို လက်ပိုက်ကြည့်လို့....။

ကျွန်တော်တို့

ခင်ဗျားတို့

ကြိုးတွေမှာရော.. ဆက်ထုံးလေးတွေ ဘယ်လောက်ရှိပြီလဲ။

“အချစ်ဆိုတာ....ပြတ်တတ်သလို

ဖြတ်ဖို့လည်းမလွယ် ”...။

အငွေ့

2008-03-19T09:39:00.002+06:30

နာတာရှည်
.............
.............
ကျွန်တော် က ပြဇာတ်မကြိုက်ဘူး
ခင်ဗျား ကတာ ဘယ်လောက်မိုက်မိုက်ပေါ့။
ဟင့်အင်း . . . .ကျုပ်ခင်ဗျားကို မထောက်ခံဘူး
ကျုပ်က ခင်ဗျားကို ကြည့်နေတာဟာ
ပြဇာတ်ကြည့်ရုံသက်သက်ပဲ . . .။

ခင်ဗျားငိုတာ ဟာ အတုအယောင်ပဲဖြစ်တယ်
ခင်ဗျားပျော်နေတာ ဟာ အတုအယောင်ပဲဖြစ်တယ်
ကျွန်တော်နှစ်များစွာ စောင့်ကြည့်နေခဲ့တယ်
ခင်ဗျား အမှားတွေဟာလည်း အမှားတွေပဲဖြစ်ပြီး
ခင်ဗျားထင်သလို တချိန်ချိန်မှန်လာမယ်လို့
ကျွန်တော်မထင်ခဲ့မိဘူး . . .
ကျွန်တော်လက်ခုပ်တီးနေတာဟာ
ခင်ဗျားကို နှစ်သက်လို့မဟုတ်ဘူး
ကျွန်တော်ရဲ့ ညနေစာတွေနဲ့
နောက်တနေ့ နိုးထခြင်းအတွက်ဖြစ်တယ်။

ခင်ဗျားရယူသွားတဲ့ ကျုပ်ရဲ့လွတ်လပ်ခွင့်တွေကို
ခင်ဗျား ပြဇာတ်ထဲမှာလည်း ရှာမတွေ့မိပြန်ဘူး။
ခင်ဗျား ပြောင်းပြောင်းတပ်နေတဲ့ မျက်နှာဖုံးတွေမှာလည်း
ခင်ဗျား ဘ၀စစ်စစ်ကို ကျုပ်ရှာမတွေ့ခဲ့ဘူး။
ဒါ ဟာ ပြဇာတ်တစ်ခုလို့ ပြောကြပေမယ့် . . . .
မီးရောင်ကို ဘယ်သူမှ မမြင်ကြရဘူး . . .။
သေချာတာတစ်ခု ထပ်ပြောပါဆိုလည်း
ကျွန်တော် က ပြဇာတ်မကြိုက်ဘူး။

နိုးဝေ

2008-03-19T09:29:00.001+06:30

နုပျိုမှုထဲ ခုန်ချချင်တယ်
...........................
...........................

ကကြီး ခခွေး ပြန်ရေးချင်တယ်။
ကလေး ဘ၀ဆိုတာ
အဖြူရောင် ပန်းတောထဲ လျှောက်ရတဲ့
ခြေဖ၀ါး နုနုလိုပဲ ဖြူစင်နုညံ့လှတယ်။

လိုချင်တာမရရင် ဖြူစင်စွာ ငိုမယ်
နို့ချိုဖြူတွေ စို့လို့ လွတ်လပ်စွာ ရယ်နိုင်တယ်။
အနာဂတ်အတွက် မရိုးဖြောင်တဲ့ ဇာတ်ညွှန်းတွေ မရေးဘူး..။
အတိတ်ကို ၀ါပြီးသား ပီကယ်လို ထွေးထုတ်နိုင်တယ်။

လိုချင်တာကို စိတ်ကောက်လို့
ပစ္စုပ္ပန်ကို အရုပ် လိုကစားနိုင်တဲ့…..
ဟန်ဆောင်ကင်းကင်း ပျော်စရာခရီး… မို့…
အချိန်တွေ ပြောင်းပြန်စီးတဲ့ မြစ်ထဲ ပြန်ခုန်ချခွင့်ပြုပါ…...။
ကြီးရင့်လာလေလေ
စိတ်အပင်က သောကတွေ
သီးပွင့်လာလေလေမို့ ပြန်ငယ်ပါရစေ…ကလေးသဖွယ်..။

အငွေ့

2008-03-19T09:06:00.002+06:30

နွေလွယ်အိပ်
...............
...............
နွေ……ရောက်ပြီလေ
စာတန်းထိုးပြလိုက်တော့….။
လွယ်အိပ်အနွမ်းကလေး နံရံမှာချိတ်
ကျောင်းတံခါးပိတ် ခေါင်းလောင်းသံလေးနဲ့
ကြိမ်လုံးဒဏ်လေးရဲ့ ခေတ္တအဝေးမို့
ဟိုရှေ့က ပိတောက်ပင်အိုလို
သူက ကလေးပြီပြီ ပျော်ရွှင်မှုတွေ သူဝေချင်နေပြီလေ။

“မိုးဆိုတာကိုယ်ရွာချင်တဲ့အချိန် မရွာတက်သလိုပဲ”

သူက နေ နဲ့လ ၊ ရွှေနဲ့မြ လို
မိဘ မျိုးက သန္ဓေတည်ခဲ့တာမဟုတ်တော့
၁၀ နှစ်သား ကလေးတစ်ရောက်ရဲ့
ပျော်ရွှင်ခုန်ပေါက်ချင်စိတ်ကို
အိမ်ရဲ့ ကြမ်းပေါက်တစ်ချောင်းမှာ
သူကလေး ဖာထေးရင်း…

လွယ်အိပ်အနွမ်းကလေး ၊ ပုခုံးမှာချိတ်
အိမ်တံခါးလေးပိတ် ၊ ခေါင်းလောင်းလေးတီးလို့
သူဆိုညီးတဲ့ သီချင်းနာမည်က “ရေခဲထုပ်” တဲ့လား...။
သူကလေး ရင်ထဲမှာတော့
နေလောင်ခံထားတဲ့ ပိတောက်ကိုင်းခြောက်လို
ခြောက်ကပ်နေလေရဲ့…။
(ဘ၀ဆိုတဲ့ နွေဟာ ကိုယ့်ရဲ့ အေးမြချင်တဲ့ စိတ်ကူးမှန်သမျှ
အရည်ပျော်ကြစေနိုင်တာပဲလို့
ဒီကလေးလေးတစ်ယောက် တွေးမိနေမလား…ပဲ)
မှတ်ချက်။ ။ (မိသားစု ၀မ်းရေးအတွက်ဖြည့်ဆည်းပေးနေရတဲ့ ကလေးငယ်လေးတစ်ရောက်အတွက်)

အငွေ့

2008-02-28T15:13:00.000+06:30

မရေးဖြစ်တဲ့စာ

နင် လွမ်းနေခဲ့ရင် . .
မိုးတိမ်တွေကိုပြောပါ . .၊ လမင်း ဆီကို မှာပါ
ပုလင်းထဲ စာတစ်ကြောင်းတစ်လေ ရေးပြီး
မြစ်ပြင်ကျယ်မှ လမ်းကြုံပါးပါ..
နင်လွမ်းနေခဲ့တယ် ဆိုရင်ပေါ့ဟာ ..

ဆတ်ကနဲ တရေးအနိုးမှာ
ငါ့ကို တိုးတိုးလေးခ်ါပါ
ငါတို့အိမ်ရှေ့က စာတိုက်ပုန်း အနွမ်းလေးကို မြင်ယောင်ကြည့်ပါ
အတူရယ်မောနေကြ ပြက်လုံးဟောင်းလေးကို ပြန်တွေးနေပါ။

ပျံလွှားတွေအများကြီးမြင်ရမယ့်လို့
နွေဦး မတိုင်ခင်က မျှော်လင့်မိပေမယ့်
ဖေဖော်ဝါရီမှာ မိုးတွေရွာတယ်
မေ့လျှော့ခံနေတဲ့ ချော့ကလက်တောင့်ကလေးလိုပဲ
ငါ့ နွမ်းလျှ အရည်ပျော်ကျခဲ့ရတယ်။
ပျံလွှားတွေအများကြီး မလာပေမယ့်
ငါတို့ အတူတူ အစာကြွေးဖူးတဲ့ စာဝတီးလေးတွေက တကျီကျီပါပဲ။

ငါတို့ အိမ်ခန်းထဲဆီ လရောင်ကို ခပ်ယူကြည့်ဖူးတယ်
ငါတို့ အိမ်နားက သစ်ပင်ရိပ်မှာ
တိတ်တိတ်ဆိတ်ဆိတ် ထိုင်နေကြည့်ဖူးတယ်
အဲသည့်အချိန်ငါက ငါတို့ အထီးကျန်ခြင်းကို နားမလည်နိုင်ခဲ့။

နင်လွမ်းနေမယ့်လို့ ငါမယုံကြည်ပေမယ့်
နင်လွမ်းနေဟန်ဆောင်နိုင်ဖို့ ငါစာရေးလိုက်တယ်
သည်စာကို ဖတ်ရင်း နင့်မျက်ရည်မှာ
ငါ့ဝိဉာာဉ်တဖြတ်ဖြတ်လက်နေမှာကို ငါမြင်ယောင်မိတယ် . .
နင်လွမ်းနေတဲ့အခါ သိပ်ဝမ်းနည်းတတ်တာ ငါသိတယ် . .
နောက်ဆုံး ဒါဟာလည်း နောက်တစ်ကြိမ်
လုံးချေလွင့်ပစ်ရတဲ့ စာတစ်စောင်ပဲဖြစ်လာတယ် . .

နိုးဝေ

2008-02-28T15:00:00.003+06:30

နာကြည်းမှုများ
.................

နေ့က ညကို နာကြည်းသလို

ကြွက်ကကြောင်ကို နာကြည်းသလို

ဆင်းရဲသားက အရင်းရှင်ကိုနာကြည်းသလို

လူထုက ...အစိုးရ..ကိုနာကြည်းသလို

ပေက တူ ကိုနာကြည်းသလို

ရှုံးသူက နိုင်သူကိုနာကြည်းသလို

ကျွန်တော်က ကျွန်တော်ဘ၀ကို နာကြည်းတယ်။

ငွေသား လတ်လတ်ဆတ်ဆတ်နဲ့

မတူမတန်သလို အပြုံးတွေကို နာကြည်းမိသလို

လွတ်လွတ်လပ်လပ် ပျံသန်းခွင့်မရှိတဲ့ အဖြစ်ကို နာကြည်းတယ်။

“မင်းကဘာကောင်လဲ” လို့ အမေးခံရတာကို နာကြည်းသလို...

ရိုးအ လွန်းလှတဲ့ ဖခင်ကိုလည်း နာကြည်းတယ်။

နှလုံးသားကို ခိုးဝှက်၊ လိမ်လည်သွားသူကို နာကြည်းမိသလို

တရားမမျှတ မှုမှန်သမျှကိုလည်း နာကြည်းတယ်။

(..................) နာကြည်းတယ်။

ကွပ်လပ်တစ်ခုမှာ နာကြည်းတာတွေဖြည့်ပြီး

နောက်ကနာကြည်းတယ်လို့

သာချရေးရရင်မဆုံးနိုင်အောင် နာကြည်းစရာတွေချည်းပဲမို့.

.. (..................) နာကြည်းတယ်။

နောက်ဆုံး

ဒီမြေမှာ လူဖြစ်ရတာကို နာကြည်းတယ်

နာကြည်းရတာကိုလည်း နာကြည်းတယ်။

အငွေ့

2008-02-24T22:06:00.001+06:30

အရိပ် ဇာတ်လမ်း
...................

မိုက်မဲစွာ ကျိန်ဆဲနည်းများကို

ဘယ်တုံးကမှ မသင်ကြားခဲ့ရပေမယ့်

ငါတို့ ကျွမ်းကျင်ကြတယ် . . .

ငါတို့ချစ်တတ်ခဲ့ကြသလိုပေါ့။

မြို့ဆီကနေ

လမ်းကလေးကထွက်ပြေးသွားတယ် . . .

သူ့ကိုခြေရာခံဖို့မလိုအပ်ပေမယ့်

သူ့ကို နင်းလျှောက်ရင်းပဲ ငါထွက်ပြေးခဲ့ရပြန်တယ်..

ကျေးဇူးပြု၍ ငါ့ကိုတယ်လီဖုံးမခေါ်ပါနဲ့

နင်ဟာ ငါ့ရဲ့မှားယွင်းမှုတစ်ခုဆိုရင်လည်း

နင်ဟာ ငါ့ဘ၀ထဲကပဲဖြစ်တယ် . .

အဲသည့်နေ့က ငါနင့်ကိုချစ်တယ်ဆိုတဲ့ စကားလုံး

ရေပြင်ပေါ် နမော်နမဲ့ ပြုတ်ကျသွားတာ ငါပြန်မြင်မိတယ်.

ဒါဟာ အဆုံးသတ်ဆိုပါတော့

နောက်တစ်ကြိမ်ပြန်စဖို့ ငါအမြဲမျှော်လင့်နေမိတယ်...။

နိုးဝေ

2008-02-24T22:03:00.001+06:30

ငါမင်းကို လွမ်းပါတယ်
...........................

ငါမင်းကို လွမ်းပါတယ် . .

သည်စကားလုံးနဲ့ ကဗျာများစွာချဲ့ထွင်ခဲ့တယ်

ရက်စက်ကြမ်းကြုတ်တဲ့ နံနက်ခင်းဆိုတဲ့ သီချင်းကို

မင်းလည်းနားထောင်ဖူးမယ်

အခြားသော နံရံတွေ လည်း ငါ့ညည်းညူသံတွေကို နားထောင်ဖူးလိမ့်မယ်

ငါမင်းကို လွမ်းပါတယ်

ငါနိုးထလာ ကတည်းက နေရောင်ခြည်ဟာ

မင်းနာမည်ခေါ်ပြီးဝင်လာခဲ့သလို

ရှပ်တိုက် ရွေ့နေတဲ့ ရွက်ကြွေတွေဟာလည်း

မင်းခြေသံယောင်ဆောင်နေကြပါရဲ့

ငါ့သွေးစက်တွေကို ငါမမြင်ရသေးတဲ့အတွက်

ငါမူးမေ့လဲကျလောက်အောင်

သွေးမပျက်ခဲ့ဘူး။

ငါမင်းကို လွမ်းပါတယ်

သည်တနေ့တာမှတ်တမ်းကို နှလုံးသားမှာ

ဘယ်လိုဓားသွားနဲ့ထွင်းထုရမယ် ငါစဉ်းစားခဲ့လည်း

သည်စကားလုံးအပြင် . . . .

ဦးခေါင်းခွံထဲ ဘာမှမကျန်တော့တာ

ခက်ပါတယ်။

နိုးဝေ

2008-02-24T22:01:00.002+06:30

မနေ့က ကဗျာတစ်ပုဒ်ရေးခဲ့တယ်
....................................

သည်ကဗျာကို မနက်ဖြန်မှဖတ်ပါ..

ကျုပ်စိတ်ကို ဖြတ်တောက်ပြီး ပြန်ဆက်ထားတာမို့

နားလည်ရခက်နိုင်လို့ပါ . .

သည်လိုတပ်ဆင်ပြရတာ ကျုပ်အတွက်ခက်ခဲသလို

ခင်ဗျားတို့လည်းပဲ စိတ်ရှုပ်ထွေးနိုင်တယ်

သည်ကဗျာထဲမှာ ကျုပ်ရဲ့ဒုက္ခတွေကို အရင်လိုစီတန်းရေးပြဖို့ကိုတော့

သည်တစ်ကြိမ်မှာ ကိုယ့်ကိုယ်ကိုယ် ငြင်းပယ်လိုက်တယ်

ကျုပ်ကို တားဆီးနိုင်တဲ့အခြားသူတွေကိုတော့

ကျုပ်လုံအောင်ရှောင်းပုန်း ရေးခြစ်နေတာမို့

အနှောက်အယှက်ကင်းပါတယ် . . .

သည်ကဗျာကို နောက်တစ်နေ့မှ တင်မယ်လို့စိတ်ကူးမိပေမယ့်

ကျုပ်စိတ်က အရင်စလိုနိုင်နေခဲ့တယ်။

တကယ်တော့ သည်ကဗျာထဲမှာ အကြောင်းအရာမယ်မယ်ရရမရှိသလို

တစ်ခုခုအကြောင်းကိုပြောပြနေခဲ့တာလည်းမဟုတ်ဘူး

လှောင်ပိတ်နေတဲ့ ကံကြမ္မာထဲက စိတ်ကို

အပြင်နည်းနည်းလေးဖြစ်ဖြစ် ဆွဲထုတ်ပစ်လိုက်တာပဲဖြစ်တယ် . .

သည်ကဗျာကို ခင်ဗျားဖတ်နေတဲ့ အတွက် ကျေးဇူးတင်ပါတယ်

ကဗျာကိုဘယ်လိုရေးရမယ်မသိသေးတဲ့အတွက်

ကဗျာတစ်ပုဒ်လို ခေါင်းစဉ်တတ်ပြီး ရောက်တတ်ရာရာရေးချလိုက်တာပဲဖြစ်တယ်

သည်ကဗျာဟာ ဘာပဲဖြစ်ဖြစ် ကျုပ်အတွက်တော့ ကဗျာတစ်ပုဒ်လို့

အမြဲယုံကြည်တယ် . . .

ဘာဖြစ်လို့လဲဆိုတော့ ကျုပ်သူငယ်ချင်းတစ်ယောက်ပြောသလို ပြောကြည့်ရရင်

ဒါဟာ ကဗျာပဲလို့ ကျုပ်ကသတ်မှတ်လိုက်တာကိုး . .

နိုးဝေ

2008-02-24T21:57:00.000+06:30

တိမ်မျှားထွက်တဲ့ နေ့
.............................

အလွယ်တကူပဲ အဆုံးသတ်သွားခဲ့ပေမယ့်

ငါက လေညှင်းနဲ့အတူ

အသက်ရှုသံတွေလို ချစ်ခဲ့တယ်

ငါရဲ့ ခန္ဓာကိုယ်က အောက်စီဂျင်လိုအပ်နေသလိုမျိုး

သူ့ရဲ့ချစ်ခြင်းမေတ္တာကတဆင့်

ငါ့ နှလုံးသားရဲ့ အသက်ဓာတ်ကို ငါရှိုက်သွင်းတယ်။

အဲသည့်နေ့တွေမတိုင်ခင် ကတည်းကပေါ့

လေထုထဲမှာ ကာဗွန်တွေသိပ်များ လာလိမ့်မယ်လို့ဆိုကြတယ်

ကြည်နူးဖွယ်ရာ တောအုပ်အစိမ်းတွေကို ခုတ်လှဲပြီးတဲ့နောက်မှာ

ချေဖျက်ရခက်ခဲတဲ့ အိတ်ပါးတွေလို အမုန်းတရားတွေကို

ငါထုတ်လုပ်ခဲ့တယ် . . .

သည်အချိန်မှာ ငါတစ်ခုခုကိုမျှော်လင့်တယ်ဆိုရင်

ငါ့မျှော်လင့်ချက်ဟာ အမှောင်ခေတ်မပါတဲ့ ကမ္ဘာသစ်ပဲ

ငါတို့ဟာ အမှန်တရားအတွက်ဆိုပြီး အဆိပ်ခွက်ကြီးကို မော့သောက်ရတာမျိုး

ငါတို့ဟာ တခြားသောသူတွေမှန်ရဖို့ ကိုယ့်ကို မီးရွှို့သတ်တာခံရတာမျိုးတွေ မပါတဲ့

ကမ္ဘာသစ်ပေါ့ . . .

အတ္တသိပ်သည်းဆ ကြီးမားခဲ့တယ် . .

မေရီအင်တွိုင်းနက်လို ငါဟာ

ပေါင်မုန့်နဲ့တူတဲ့ အကြင်နာအနည်းငယ်ကိုတောင်မှ

ဝေငှတုံ့ပြန်ဖို့ရာ တွန့်ဆုတ်နေမိသတဲ့။

အချစ်တဲ့ လေ . . .

နိုးဝေ

2008-02-24T21:51:00.001+06:30

ပြောနေမိတဲ့စကားများ (၂)
...............................

သည့်ထက် . .

နည်းနည်းပိုပြောဖို့ဆိုလည်း

ဖောင်းပွရှုပ်ထွေးနေတဲ့

စကားလုံး အစုတ်အပြတ်တွေပဲ

ငါ့မှာ . .

ရှိတော့တယ်။

ငါလွမ်းတယ်

ဘေးနားမှာ လဲပြိုနေတဲ့ ခွက်အလွတ်ကလေးရယ်

ဖုံအလိမ်းလိမ်း ညှိုးနွမ်းနေတဲ့ နှင်းဆီပန်းအိုးလေးရယ်

ဖတ်ဖို့အစီအစဉ်မရှိတဲ့ ဈေးနှုန်းမြင့် အဖိုးမတန်

အချစ်ဝတ္ထုတစ်အုပ်ရယ် . .

၁၂

၁၃

၁၄

ဖေဖော်ဝါရီ အထိန်းအမှတ်နေ့များစွာ

ပိတောက်လို ခဲယဉ်းစွာ ဖူးပွင့်ရပြီး

ပိတောက်လို ခပ်လွယ်လွယ် ကြွေသွားရပြန်ပေါ့။

သူ့နောက်ကျောက သံချက်တန်းလန်းနဲ့နာရီလေးကို

ဖြုတ်သိမ်းလိုက်တယ်

အလွမ်းတန်းလန်း နဲ့ အထီးကျန်နံရံမှာ

ချိတ်ဆွဲခံထားရတဲ့ ငါလည်း

အချိန်တွေမလိုတော့ပါကွယ် . . ။

မင်းနားထောင်နေသေးလား

ငါနားထောင်နေကျ

ချိုက်ကော့စကီးရဲ့  တေးသွားလိုမငြင်သာ နိုင်တော့တဲ့

ငါ့စကားလုံးအစုတ်အပြတ်တွေကို လေ . . .။

တတူတူ . . .မြည်နေတဲ့ တယ်လီဖုံးလေးကို ကိုင်ရင်း

ငါတဖွဖွ ပြောနေမိတာတွေ။

နိုးဝေ

2008-02-24T21:23:00.002+06:30

မျဉ်းပြိုင်

...............................

ငါ့လို မင်းလည်း လွမ်းဆွတ်နေတယ် . .

မဆိုလေနဲ့

ရှိသမျှ အလွမ်းတွေအားလုံး

ငါ သိမ်းကြုံးရယူထားပြီးပြီမို့ . . .။

လောကဓံကို ထိုးခွဲဖြတ်သန်းဖို့

ငါ့ လှေကလေးက ယိမ်းနွဲ့ လွယ်လွန်းတယ်

မင်း သနပ်ခါးမကြိုက်တော့ဘူးလို့မပြောပါနဲ့

ငါ့ စိတ်ကူးထဲက ကံ့ကော်ရနံ့လေး

တန်ဖိုးမဲ့မှာ စိုးရွံ့ခဲ့တယ်။

တံခါးလို့ ဆိုကတည်းက

အနည်းဆုံးတစ်ကြိမ်တစ်ခါတော့ ၀င်ခွင့်ရှိရမယ်

ငါမဟုတ်ခဲ့ရင်လည်း တခြားတစ်ယောက်ပဲဖြစ်ဖြစ်ပေါ့

သည်ဘ၀ အဆုံးမသတ်ခင်အထိ

မျှော်လင့်ကြည့်နေမယ် . . . .

ငါအိပ်ပျော်နေခဲ့တယ် . . .

ငါတို့ ကျွန်းကလေးကို ကိုလံဘတ်စ် ရှာမတွေ့ခဲ့ဘူးဆိုတဲ့

အိပ်မက်ကို မက်ရင်း။

နိုးဝေ

2008-02-22T13:59:00.003+06:30

မျှော်ခြင်းအမှတ် ဒသမ“ ၀”
.................................

ဘာတွေများ မျှော်လင့် ချည်းကပ်ချင်သလဲ
လူရယ်လို့ စတင် စီးဆင်းချိန်မှာပဲတို့ဟာ
စိုက်ပျိုးသူလား၊ အစိုက်ပျိုးခံသစ်ပင်လား ဝေတေ..၀ါးတား..ပဲ..။

ကိုယ်ပိုင်အချိန်တစ်ချို့တစ်ပါးသူလက်ထဲ ထိုးရောင်းနေခြင်းက
ကိုယ်စိတ် ၀ိညာဉ် ကို ကိုယ့်ဓားနဲကိုထိုးလို့
အများသူ ငါ အကောင်းပြောဖို့တစ်စက်စက်ကျနေတဲ့
ဆန္ဒရင်းစွဲတွေစတေးခဲ့ရတာ မျှော်လင့်ချက်အတွက်လား...။

၂၁ရာစုရဲ့ မျှော်လင့်ချက်အလုံးစုံနီးပါကို
ငွေကြေးက သိမ်းပိုက်ထားတာကြာလှပြီ.....
.....ပညာကို အကြောင်းပြပြီး ငွေရှာတယ်.။
.....၀ါသနာကို ဆိုင်းဘုတ်တင်ပြီး ငွေရှာတယ်။
.....ထွက်ဆိုချက်ကောင်းကောင်းနဲ့ “အချစ်” လို့ဗန်းပြပြီး
ခန္ဓာချမ်းသာမှုကို ရှာတယ်။
......ရည်ရွယ်ချက်
.......တာဝန်.
......သန္နိဌာန်..
.စသဖြင့်....ခေါင်းစဉ်လှလှတွေ ပြပြီး
ဒင်္ဂါးပြားတွေက မျှော်လင့်ချက်ပုံတွေ နဲ့ချည်းပြည့်လို့....

ကိုယ့်ကိုယ့်ကိုယ် မေးငေါမေးမိတယ်.
.မင်း မျှော်လင့်ချက်ကရော...ငွေနဲ့ကင်းရဲ့လား
အဖြေတချို့ကတော့....အခုထိ
ေ၀၀ါးမှုန်ရီ..နေဆဲ...။

အငွေ့

2008-02-22T12:15:00.002+06:30

ခရီး
........................

တစ်လှေတည်း စီးနေကျပေမယ့်
တစ်ခရီးတည်းသွားရမယ်လို့
ဘ၀က ငါတို့ကို မြေပုံကားချပ်ရေးဆွဲပေးမထားဘူး။

တွေ့ဆုံခြင်းဆိုတာ...
တကယ်တော့ ဟန်ဆောင်ပွင့်ပြနေတဲ့
ခွဲခွာခြင်းမှတ်တိုင်.....။
နှုတ်ဆက်ထွက်ခွာခြင်းမှာက
ပုံသေနည်းမရှိခြင်းတွေကိုရောထားတယ်။

အခုမက်လက်စ အိပ်မက်မှာ
ငါတို့က ...ကြိုးစားလှော်ခတ်သူ လူတန်းစား
ဒီကြားထဲ အကြိမ်ကြိမ်ယိုစိမ့်ခံခဲ့ ရတဲ့
ငါတို့ရဲ့ သိက္ခာတရား.......။
သည်းခံမှုဒီဂရီ အမြင့်ဆုံးနဲ့ ဖာထေးကုသရင်း
နှလုံးသားမှာ နစ်စိုက်ဒဏ်ရာက
ရောဂါ ရင့်ချိန်တန်လာတော့....
သူငယ်ချင်း မင်းဟာ ဆောင်းခိုငှက်လို့ခရီးလွင့်ခဲ့ပြီ။

ကိုယ့်ရင်ခွင် ကို ရွှက်ထည်ချူပ်
ကိုယ့်လက်နဲ့ ကိုယ်လှော်
ကိုယ့်မြစ်မှာ ကို စီးလို့
ကိုယ့်ခရီး ကို “၁” ကနေ့ပြန်စလွှင့်ရမှာ
အမှန်တရားမို့ သူငယ်ချင်းရေ...။
ငါ........မျက်စိတစ်ဖက်ကကြည့်ရင်..
ငါ...၀မ်းနည်းတယ်...။
နောက်ထပ် မျက်စိတစ်ဖက်က ကြည့်ရင်.
.ငါ..ငါ....၀မ်းသာချီးကျူးမိတယ်...။

ငါတို့ အားလုံးအချိန်ရေလျဉ် မှာ
ကိုယ့်ကမ်းခြေကိုယ် သွားရမှာမို့
မင်း စောစော ပြေးထွက်ခြင်းဟာ..
မမှားတဲ့ အမှန်တရားတစ်ခုပါ..။

အငွေ့

2008-02-22T12:08:00.002+06:30

အချစ်ဆိုတာလည်း ဟောင်းသွားနိုင်တယ်
...............................................

အချစ်အကြောင်း ပြောရမယ်ဆိုရင်

ငါတို့ဟာ... ဖူး ကြ ပွင့်ကြ လန်းဆန်းကြမယ့် ပန်းပင်တွေလိုပဲ....။

အသည်းကို ထိုးနှက်သွားတဲ့ မျက်ဝန်းတစ်စုံအကြောင်း

အပြုံးတစ်ချက်ရဲ့ ရင်ခုံသံ နှိုးစက်အကြောင်း

ခိုက်ခိုက်တုန် ဘယ်ဘက် ရင်ခွင်ရဲ့

အိပ်မက် မင်းသမီးလေးအကြောင်း

စသဖြင့်.... ငါ တို့ အပေါင်း အဖေါ်တွေ စုရပ်မှာ

ငါ တို့ ရင်ဘတ်ကို စည်လိုတီးပြီး ဖွင့်ဟခဲ့ဖူးမှာပဲ..။

ပုံပြင် တိုင်းဟာ

ငါတို့ အသက်ကြီးလာ တာနဲ့ အမျှ

ဟောင်း နွမ်းသွားသလို........

ဒီ...ငါတို့ တစ်ခန်းတနား ဖွဲ့နွဲ့ခဲ့တဲ့ နတ်ဗိမ္မာန်လို

အချစ်အကြောင်း...လည်း

ငါတို့ နဲ့ အတူ တစ်နေ့တော့ ဟောင်း သွားမှာ အသေအချာပဲ..။

အငွေ့

2008-02-21T15:38:00.002+06:30

“ ကြာ ”
..........................

ကဗျာမရေးဖြစ်တာ ကြာပြီ
မီးစက်သံ တညံညံ နဲ့ မြို့ပြအကြောင်း
အိမ်မပြန်ဖြစ်တဲ့ ညတွေအကြောင်း
မျက်ခုံးမွေး လှလှနဲ့ ကောင်းမလေးအကြောင်း
အရက်ကြိုက်တဲ့ အဖေ့အကြောင်း
ကဗျာတွေ မရေးဖြစ်တာကြာပြီ..။

အနုပညာ သမားအတွက် ခံစားချက်က
ဓားတစ်လက်ထက် ပိုထက်တက်တယ်။
မိသားစုအကြောင်းခံစားလိုက်ရင်ပဲ
အပြစ်တွေအားလုံး က ကိုယ့်ကြောင့် စိုစိုရွှဲ..
ဝမ်းနည်း ၊ မျက်ရည်..။

ကိုယ်တစ်ကိုယ်စာ ရပ်တည်မှုတစ်ခုတည်းအတွက်တောင်
မတ်မတ် မရပ်နိုင်တဲ့ ခန္ဓာ ၊ခေတ်နဲ့ အံဝင်ညီမျှမှု မရှိဘူး။
မေမေ ကသူ့ မွေးနေ့အတွက် ဘာလက်ဆောင်မှ မလိုဘူး
ဆိုသောငြား.............
ကိုယ်က မေမေဆီက လိုချင်တာတွေခပ်များများ ရှိနေတုန်း..။
အမေ့အိမ်ရဲ့ အဝေးမှာ ဒီလိုပဲ မိုးဒဏ်လေ ဒဏ်က
ခပ်ပြင်းပြင်း တိုက်ခတ် တတ်သလား..။

“တောက်” မသနား သနားအောင် လုပ်နေတဲ့လူတွေကိုလည်း
မသနားတော့ဘူး ။
မဖား ဖားအောင်လုပ်နေတဲ့ မျက်နာတွေကိုလည်း မဖားချင်ဘူး။
ကိုယ်က ပျက်စီးစ ပြုနေတဲ့ သစ်ပင
် နှစ်ပင်လိမ် အချစ်ရေး ကလည်း “တောက်” ခေါက်နေရတာ
အကြိမ်ကြိမ်..နဲ့
နှစ်သာကူး..သွားတယ်
် ........“ကြာ.....”
အငွေ့

2008-02-21T15:34:00.000+06:30

ဝေဒနာပြတိုက် (၁)
>>>>>OO<<<<<

ကြောင်တစ်ကောင်လို

အော်ဟစ် အစာတောင်းခံနေလဲ

ဘယ်သူကမှ အစာချမကြွေးတဲ့ ကောင်...။

ခေတ်ရဲ့.....လက်တွေထဲ

ပျစ်ပျစ် ညှစ်ညှစ် ဆုပ်ကိုင်ထားခံရတဲ့ကောင်လို

ကိုယ်က ဘ၀ အတွက်

ပန်းတွေ ချည်း ပွင့်မပေးနိုင်ခဲ့ဘူး..။

ကိုယ့်ရဲ့ပြတိုက်ထဲ

ဝေဒနာတွေ အပြည်ထည့်ထားတဲ့ စုဘူးတစ်ဘူးရှိတယ်ဆိုရင်

မင်း....ရယ်ကောင်း၇ယ်လိမ့်မယ်...။

ဒီလိုပါပဲ...

အမှားဆိုတဲ့ ပျိုးပင်ကို ကိုယ်ကစိုက်မှန်းမသိ

စိုက်ပျိုးခဲ့မိတဲ့ကောင်...။

အငွေ့

2008-02-21T15:26:00.001+06:30

ဝေဒနာပြတိုက် (၂)
>>>>>oo<<<<<

ရောဂါ အနာဘယ ထူပြောလွန်းလှတယ်။

အချစ် ကင်ဆာ

အလွမ်း တုတ်ကွေး...နဲ့..

မင်း ရဲ့ ခပ်ဝေးဝေးမှာ သေလုမြောပါး...

အဆွေး ဒီကရီ ၁၅၀၀ နဲ့ကောင်..။

ခေတ်ရဲ့ စနစ်ရဲ့ ဆေးခါးရည်တွေကြား

မကြာခဏ ဖျားနာဖူးတဲ့ လူ....။

အချစ်စစ် နဲ့ဖော်ထားတဲ့ ဆေး

အသုံးမကျမှန်း ကိုယ်လဲသိမိလာတယ်။

ရန်ကုန်မှာ ချယ်ရီတွေ မပွင့်မှန်းသိပေမဲ့

ကိုယ့် လက်ကျန် အလွမ်းလက်တစ်ဆစ် ကတော့

မင်းကို ချစ်နေကြောင်း ပွင့်အာပြလို

ဝင်သက်..

ထွက်သက်....ကြား

မင်းမျက်နှာ ညိုးမှာ စိုးရင်းနဲ့ပဲ..

..............................ကောင်

အငွေ့

2008-02-13T13:27:00.001+06:30

အဆိပ်ပင်

>>>>>>><<<<<<
.............................

မင်းမျက်ဝန်း တွေကစခဲ့တာမို့

မင်းပဲတာဝန်ယူပါ . . .။

ငါ့ကိုမင်း ကယ်တင်ခဲ့တာလို့

ငါယုံကြည်ခဲ့သလို

ငါ့ကို ဆက်လက်နားလည်ပါ . .

ငါဟာ မကယ်ကောင်းတဲ့ ခြေနှစ်ချောင်းဆိုလည်း

ငါဟာ လဲပြိုလုလု မြို့လေးတမြို့ပါ

ငါ့ကောင်းကင်ယံ မှာဆက်လက်ထွန်းလင်းပါ

ငါ့ ရွက်ကြွေတွေပေါ် မင်းအလင်းကို ဆက်လက်ဖြန်းပက်ပါကွယ် . .။

မင်း လက်ဖ၀ါးနဲ့ ဆယ်ယူခဲ့မို့

ငါ့ကို မင်းဆက်လက်ကြည်ဖြူပါ . .

ငါဟာ မြောလွင့်နေခဲ့ဖူးသလို

ငါဟာ ဆိုက်ကပ်ချိန် မှာ လှိုင်းအတိုင်းမတည်ငြိမ်နိုင်တာမို့

ငါ့ ရွက်တိုင်ကို မင်းပဲဆက်လက်ထိန်းသိမ်းလှည့်ပါ။

နောက်ထပ်မြေမရှိ

နောက်ထပ် ဖမ်းဆုပ်မျှော်လင့်စရာ အသိတရား ကိုလည်း မသိ

ငါ့ကိုယ်ငါ စွန်ကြိုးနဲ့ ငြိနေတဲ့ ငှက်လို့လည်း ငါမယုံမိဘူး . . .

လောင်ကျွမ်းလက်စမီးတစ ပါ အချစ်ရယ် . .

မင်းကို မကူးစက်လိုပေမယ့် လည်း

ငါဟာ ငြှိမ်းသတ်ခံရခြင်းနဲ့ လွဲချော်ချင်ခဲ့တယ် . .
(နိုးဝေ)
Created By noewai on Feb 05, 2008 : noewai's Poems

2008-02-13T13:12:00.000+06:30

ဖေဖေါ်ဝါရီမြောင်းကလေး
........................................
.......................................

ကိုယ်က..

မြောင်းကလေး

ချောင်း ကလေးအဖြစ် စီးဆင်ဖို့ရာ

အရှိန်မရှိ....။

ကိုယ့်ရင်ခွင်အထက်မှာမှ

ပွင့်တဲ့ စံပယ်ဖြူ...

မင်းပါးပြင် လေးတောက်ပ ဖို့အရေး

ပန်ဆင်ပေးပါရစေ..။

စိတ်ကူး................

ဒီနေ့..သို့မဟုတ် အဲ့ဒီ့နေက

မင်း ၀ဲဘက်လက် လက်သူကြွယ်လေးမှာ

ဘယ်သူ့ လက်စွပ် ကလေးပန်ဆင်ခဲ့သလဲ..။

တစ်သက်နဲ့ တစ်ကိုယ်..

ဖေဖေါ်ဝါရီဟာ....

ရွှဲရွှဲ ဆို အလွမ်းမိုးစက်တွေနဲ့

ရင်ခွင်တနံ့ ရွာချခဲ့ပေါ့...

ကိုယ်က..ဖေဖေါ်ဝါရီ မြောင်းကလေး

အလွမ်းမြစ်မှ........

ပင်လယ်အထိ စီးဆင်းအား ကောင်းဆဲ...။

အငွေ့

2008-02-04T17:21:00.000+06:30

ငါတို့အနာဂတ်ဟာ ဘာအရောင်လဲ
............................................
>>>>>>><<<<<<<<<<<<
ခြေလှမ်းတွေကို နောက်ပြန်လျောက်လိုက်ရင်
အရင်နေရာကို ပြန်ရောက်နိုင်ပေမဲ့...
ကုန်လွန်ပြီး ၊ကွယ်လွန်ပြီး ၊သေဆုံးပြီး
အတိတ်ဆီ ကိုတော့ နောက်ပြန်လမ်းလျောက်လို့
မရနိုင်ဘူး..။

အသက်က ၂၀ ကျော်
ဇာတ်ကွက်ကျရာ ခေတ်ကလည်း
ညစ်ကျယ်ကျယ် နိုင်လွန်းလှတယ်။
ခေါင်းတွေ ငုံ့ထားတတ်ရမယ်
လူတကာကို ဆရာခေါ်မှ..ထမင်းဝမယ့်အဖြစ်..။
ခိုး မစားတတ်ရင်..ငတုံးလို့ အခေါ်ခံ စနစ်..နဲ့
“တည့်အောင်ပေါင်းပြီး တောင်းစားတာ ဖက်ရှင်လား”
ဆိုတဲ့ ကဗျာစာသားလို..မေးခွန်းတွေနဲ့ ဘ၀..။

ဗိုလ်ချူပ်ကတော့ပြောသွားရဲ့..
“အကောင်းဆုံးကို မျှော်လင့်ထားသလို
အဆိုးဆုံးကိုလည်း မျှော်လင့်ထားပါ”တဲ့...။
တရား သဘောအရ တော့ ငါတို့ ဟာ ၀ဋ်ခံနေရတာပဲမဟုတ်လား။

သားစဉ်မြေးစက် ချွေးမြေမကျဖို့
ငါတို့သွေး မြေကျရတာ...
မြင့်မြတ်သော လှုတန်းမှုတစ်ခုပဲ...

ကဲ...နိုင်မွန်အောင်သွင်ရဲ့ ကဗျာခေါင်းစဉ်လို
“နောင် အနှစ် (၂၀) ကြာသော်”...
ငါတို့ ဘာဖြစ်မလဲ........?????????။

အငွေ့

2008-01-24T10:38:00.000+06:30

စိတ်ရဲ့ တံခါးမှာ ဆေးရောင်အဖြူသုတ်ထားပါ။
-------------------<>----------------------

မိတ်ဆွေ ခင်ပွန်းမရှိတဲ့ သစ်ပင်
စာ စာဝေ ပွင့်လန်းနိုင်မည်တဲ့လား
သန်းကြွယ် သူဌေးတစ်ယောက်ရဲ့
ရွှေရောင်အိပ်မက်….
လူတစ်ရောက်ရဲ့ စိတ်ကြောင့်ပင် အဆုံးသတ်သွားစေနိုင်ရဲ့
သတ်ပုံ တွေကို ကိုယ့်သမိုင်းမှာ မှားမှားရေးကြရင်..
သမာသမတ် ရှိနိုင်ပါ့မလား။
မားမားမတ်မတ် ရပ်တည်ခဲ့ပေမဲ့
င ပေါ တစ်ယောက်လို့ အပြောခံရသေးတာပဲ..။
ရဲရဲတောက်နေတဲ့ အတွင်းစိတ်မီး
ပြည်လုံးချမ်းသာပါစေ လို့ ဆုမတောင်းခဲ့ဘူး ..ငါ မှ ငါ..
သို့သော်လည်း… ငါတို့
သွားတွေဟာ ဖြူဖြူစင်စင် အစာကို ၀ါးစားဖို့ဘယ်တော့မှ စိတ်မကူးဘူး။

................................................................................
မနေ့တနေ့က အဖမ်းခံလိုက်ရတဲ့ ကဗျာဆရာ စောဝေရဲ့ အပြောင်
မြောက်ဆုံးရေး ဟန်နဲ့ ရေးသားထားပါတယ်။မိတ်ဆွေများ အဓိပ္ပယ်ပေါက်
ကြမယ်လို့လည်းထင် ပါတယ်။

2008-01-21T11:48:00.000+06:30

နတ္ထိ အကျဉ်းချုပ်
<<<<<<>>>>>>>

အချိန်ကြာမြင့်လာတာနဲ့အမျှ

စောင့်မျှော်ခြင်းရဲ့ လှိုင်းအလျားဟာ

ပိုမို ရှည်လျားလာခဲ့တယ်။

စောင့်မျှော်ခြင်းထုထည်ကြီးမားလာတာနဲ့အမျှ

လွဲချော်ခြင်းနဲ့ ပိုမိုနီးကပ်လာတယ်လို့

ခံစားရလေ့ရှိတယ်။

လွဲချော်မှုကို အကြိမ်ကြိမ်ခံစားလာရတာနဲ့အမျှ

မိကိုယ်မိမိ မယုံကြည်နိုင်တော့ခြင်းဟာ

လွန်ကဲစွာ ကြီးစိုးလာခဲ့တယ်။

နောက်တစ်ကြိမ်ဆိုရင်ကော

ကံကောင်းမယ် . . . ထင်မြင်မိပါရဲ့လား

ဗုံလုံတလှည့်၊ ငါးပျံတလှည့်လို့ အဆိုရှိခဲ့လည်း

အဖြစ်က ပန်းပဲဖိုထဲက ဓားလိုပါပဲ

ပေမဖြစ်၊ တူမဖြစ်

ခုတ်ရင်းထစ်ရင်း ပွန်းပဲ့ ပြိုကွဲ . . .

ပြောနေကြစကားလေးတစ်ခွန်းတော့ရှိတယ်

တရားနဲ့ဖြေပါ တဲ့။

ငါတို့ ဆုမပန်လိုတော့တဲ့ နောက်ထပ်ကမ္ဘာများစွာအထိ။

(နိုးဝေ)

2008-01-21T11:43:00.000+06:30

ကျောင်းသားဟောင်း
>>>>>>><<<<<
ငါတို့ကိုင်ဆောင်ခွင့်ရှိတာဟာ
သစ်ကိုင်းခြောက်နဲ့ လေးနှစ်စာ စက္ကူစုတ်တစ်ခုသာဖြစ်ခဲ့တယ်..
နင်းခြေခံထားရတဲ့ မြက်ပင်တွေလိုပဲ
ငါတို့ကျောင်းတော်ရာဟာ
လေတဟူးဟူးထဲ ရွံ့နွံဆန်ဆန် ပျော်ရွှင်နေမြဲ . .
ငါတို့ဝမ်းနည်းခဲ့ဘူး . . .
ဆန့်ကျင်ဘက်တွေငေးမောရင်း
ငါတို့အဖေချွေးနဲ့ ငါတို့စာမျက်နှာတွေရေးထိုးခဲ့တယ်..။

ငါတို့ရဲ့ အာစရိယဟာ အသပြာဖြစ်နေခဲ့ပြီး
ငါတို့ဟာ မတော်လောဘကို ကိုးကွယ်ဖို့ကြိုးစားမိဖူးတယ်
ငါ့သူငယ်ချင်းက ရွေ့ပြောင်းခံရခြင်းအတွက် မျက်ရည်ကျပေမယ့်
ခွဲခြားခံရခြင်းအတွက်တော့ ၀မ်းနည်းဘူးလို့ ပြောခဲ့တယ်။
ငါတို့ဟာ နတ်သမီးကို ချစ်ခွင့်ပန်ခဲ့သူတွေမဟုတ်ပေမယ့်
အကြိမ်ကြိမ်ငြင်းပယ်ခံခဲ့ရတယ်
ငါတို့ကို ခုတ်ထွင်ရှင်းလင်းပေမယ
့် ငါတို့ အကြိမ်ကြိမ်ပြန်လည်ပေါက်ရောက်လာခဲ့ရတယ်..။
ဒါဟာလည်း ၀ဋ်ကြွေးဆပ်ခြင်းတစ်မျိုးပေါ့။
ကြက်တစ်ခုန်စာ . .ကြွေတစ်လက်စာ မဟုတ်ပေမယ့်
ငါတို့ဘ၀ကို ပုံအောထိုးမိခဲ့တယ်။
ယုံကြည်တယ်ဆိုတာလေးကိုပဲ
တဖြည်းဖြည်းချင်းမျှင်းရှုရှိုက်ရတယ်..
ငါတို့သွေးတွေမကုန်ဆုံးသရွေ့ပေါ့ . . .။
(နိုးဝေ)

2008-01-18T13:19:00.000+06:30

ငါ့တို့ ဟာ ဘယ်သူ့လက်တွေလဲ..ဟေ့
..........................................................................

“လှူတာလည်း လက် ယူတာ လည်း လက်”

သူဌေးတစ်ယောက်ရဲ့ လက် က

ဘူဇွာ တစ်ယောက်ရဲ့ လက်နဲ့တူသလို

ဟစ်တလာရဲ့ သေနတ်ပစ်တဲ့ လက်နဲ့လည်းခပ်ဆင်ဆင်။

အမေ့ရဲ့လက်က မာသာထရီဇာ လက်ဖြစ်ကာ

ချစ်သူက ပေါ်လီယာနာ ကလေးရဲ့ လက်

မင်းလက်ဝါး ရဲ့ လက်နဲ့ အဖေ့ လက်ဝါး တူညီတယ်။

မြို့စားကြီး ဒရက်ကူလာ ရဲ့ လက်တွေနဲ့

လက်ဖက်ရည် ဆိုင် အတူတူထိုင်ခဲ့ ဖူးသလို

ဝင်ပုလွေ လာဆင် လိုလက်တွေနဲ့လည်း

အရက် အတူတူ သောက်သုံးခဲ့ဖူးတယ်။

ဒီခေတ်မှာ ပေါများလှတဲ့ ငတက်ပြားရဲ့ လက်တွေ

အကြောင်းသိနေသလို

စတာလင်လို လက်မျိုး ပိုင်ဆိုင်ချင် သူတွေကိုလည်း မုန်းမိတယ်။

ဂန္ဒီ ကြီးရဲ့ လက် ကရှားပါးသွားသလို

မွန်းရိုး လို လက်မျိုးတွေ ပေါပေါလာတယ်။

စာဖိုးမှုးတစ်ယောက်ရဲ့ လက်လို

ဘယ်အရာကို ဘယ်လို ပါးပါးလှီးရမလဲ ဆိုတာ

တွေး နေတဲ့ လက်တွေ ရှိသလို...

ဘုန်းတော်ကြီးတစ်ပါးရဲ့ တရားပေးတဲ့ လက်တွေလည်း ရှိတယ်။

ဒီတော့ လက်တွေ အကြောင်း ပြောရင်...အဆုံးမဲ့ ပုံပြင် .....။

“ယူတဲ့လက် ”

“လှူတဲ့လက် ”

“ခိုးတဲ့လက် ”

“ရိုက်တဲ့လက် ”

“သက်တဲ့လက် ”

“ဆိုးတဲ့လက် ”

....လက်...လက်...လက်...လက်..

“ကျွန်တော့်တို့လက်ကရော..ဘယ်သူလက်နဲ့..တူသလဲ.”..။

(အငွေ့ )

2008-01-18T13:13:00.000+06:30

ငါ တို့လေးတွေရဲ့ ဆောင်းရာသီ
...........................................

ဆောင်း
ရေခဲရေ အရောင်းရခက်အောင်
မအေးလိုက်ပါနဲ့.....။
နွေဦး အစက.......
အမေ့ အဖျားသွေး...ခုမှ အနည်ထိုင်စမို့
မအေးဖို့ ဆုတောင်း...ငါ့ ရဲ့ ဆောင်းဖြစ်ပါစေ...။

အငွေ့

2008-01-03T14:00:00.000+06:30

(အလွမ်းဆို တာထမ်းထားရတာ ထက်လေးတယ်)
.........................................................

၂၀၀၈ ကို တံခါးခေါက်လိုက်ရင်လည်း

အလွမ်း တွေပဲ ကိုယ့်အပေါ်..တဖြုတ်ဖြုတ်ကြွေကျဦးမှာလား။

အချစ်ဆိုတာ...ခါးတယ်...

ဒါပေမယ့်

ထွေးထုတ်ပစ် ကျတော့ ဘာကြောင့် ၀န်လေးနေရတာလဲ..။

ကိုယ်က ည..

လ..က မင်း လို့..ဆိုရင်

ကိုယ့် ရဲ့ ကဗျာက ရိုးသွားမလား..ပဲ..။

ဟုတ်တယ် ..ကိုယ့်ကခပ်ရိုးရိုး..ကောင် ။

ကိုယ့် ကမတီးရက် လို့..ကြိုးညှိထားတဲ့

ဂီတာ..လေး. သူများလက်ဖျားနဲ့ တီးခတ်သွားတာကို

ဒီကဗျာ..မှာ...လွမ်းတေးသီ..မိတယ်..။

အခုတော့ ခေါင်းစဉ်အတိုင်း.......

အလွမ်းဆို တာထမ်းထားရတာထက်လေးတယ်

ကိုယ် သိပြီ..

ကိုယ့်ကတစ်နေ့တော့ လွတ်ချနိုင်ရမယ်..လို့စိတ်ကူးရင်း....။

(အငွေ့ )

2008-01-03T13:52:00.000+06:30

ငွေ ငွေ…ငွေ ဆိုတာ…….
..............................
..............................

အခုခေတ်မှာ ပိုက်ဆံရှိရင် ဘာမဆိုလုပ်လို့ရတယ်ဆိုတဲ့ စကားကို လူတိုင်းပြောတတ်ကျ တာတွေ့တွေ့နေရပါတယ်။ တစ်ချို့ ကလည်း လောကမှာလိုအပ်နေတာ ငွေ..ငွေ..ငွေ ပဲ ဆိုပြီးအော်ဟစ်နေကြတာလည်းကြားရပါတယ်။ ဒီလိုကြားရဖန်များတော့ ကျွန်တော် တို့ တစ်ခါတစ်ခါ ငွေကို အရေးပါဆုံး သော နတ်ဘုရားတစ်ပါးလို ကိုးကွယ်ယုံကြည်မိကြတော့ တာပါပဲ..။ မနက် မိုးလင်းကတည်း မိုးချူပ်နေ၀င်ချိန် အထိ ငွေ ဆိုတာနာမည် ကို တစ်ကြိမ် မကတော့ ရွတ်ဆိုနေကြရတာပဲမဟုတ်လား။ ရှင်းပြောရရင် ကျွန်တော်တို့ ဟာအတိုက်အစား ခံရပါများတဲ့ ကျောက်ဆောင်တွေလို “ငွေရှိရင်ဘာမဆို ဖြစ်တယ်” ဆိုတဲ့ အဆိုကို လက်ခံလာကြရတာကိုတွေ့ရပါတယ်။
ဒီတော့ ကျွန်တော်တို့ ပတ်ဝန်းကျင်မှာ တကယ်လိုအပ်တာ ငွေမှ ဟုတ်ရဲ့လားဆိုတဲ့ အမေးခွန်းကို စဉ်းစားကြည့်ဖို့ ကျွန်တော့် ဖတ်ဖူးတဲ့ ကဗျာလေးတစ်ပုဒ်ကို အခုလိုပေးဖတ် ကြည့်လိုက်ပါတယ် မိတ်ဆွေသူငယ်ချင်း တို့လည်း ဒီကဗျာလေး ဖတ်ပြီး ငွေဆိုတဲ့ ကောင် ကြီးကို ပိုင်းခြားဆင်ခြင်နိုင်လိမ့်မယ်လို့လည်း မျှော်လင့်မိပါတယ်။

ကဗျာလေးကတော့……

ပိုက်ဆံရှိရင် အိမ်ဝယ်လို့ရတယ်၊
ဒါပေမယ့် နားခိုရာ ကိုတော့ ငွေနဲ့ဝယ်လို့မရဘူး။
ပိုက်ဆံရှိရင် နာရီဝယ်လို့ရတယ်၊
ဒါပေမယ့် အချိန်ကို ငွေနဲ့ဝယ်လို့မရဘူး။
ပိုက်ဆံရှိရင် စာအုပ်ဝယ်လို့ရတယ်၊
ဒါပေမယ့် ပညာကို ငွေနဲ့ ၀ယ်လို့မရဘူး။
ပိုက်ဆံရှိရင် သွေးဝယ်လို့ရတယ်၊
ဒါပေမယ့် အသက်ကို ငွေနဲ့ ၀ယ်လို့မရဘူး။
ပိုက်ဆံရှိရင် အပျော်ရှာလို့ရတယ်၊
ဒါပေမယ့် အချစ်ကို ငွေနဲ့ဝယ်လို့မရဘူး။
ပိုက်ဆံရှိရင် အာမခံထားလို့ရတယ်၊
ဒါပေမယ့် လုံခြုံမှုကို ငွေနဲ့ဝယ်လို့မရဘူး။
ပိုက်ဆံရှိရင် ခုတင်ဝယ်လို့ရတယ်၊
ဒါပေမယ့် အိပ်ပျော်အောင် ငွေနဲ့လုပ်လို့မရဘူး။
ပိုက်ဆံရှိရင် စားစရာဝယ်စား လို့ရတယ်၊
ဒါပေမယ့် ခံတွင်းလိုက်အောင် ပိုက်ဆံပေးပြီး လုပ်လို့မရဘူး။
ပိုက်ဆံရှိရင် ဆေးဝယ်လို့ရတယ်၊
ဒါပေမယ့် ကျန်းမာအောင် ငွေနဲ့လုပ်လို့မရဘူး။
ပိုက်ဆံရှိရင် လူရာဝင်တယ်၊
ဒါပေမယ့် လူရိုသေအောင်ငွေနဲ့ လုပ်လို့မရဘူး။
တွေ့တယ်နော်..?
ငွေရှိရင် ဘာမဆိုဖြစ်တယ်ဆိုတာ ဟုတ်လို့လား…?
ခင်ဗျားမှာ ထားစရာမရှိအောင် များနေရင်
ကျူပ်ကို နည်းနည်းပါးပါးပေး လိုက်ပါတော့လား။

ကဗျာကတော့ ဒီလောက်ပါပဲ..သူငယ်ချင်းတို့..စဉ်းစားဆင်ခြင်နိုင်ကြပါစေ။
လွတ်လပ်စွာလည်း သဘောထားကွဲလွဲနိုင်ပါတယ်။

စာကိုး(နေပျော်တဲ့ဘ၀ ကြည်မြတဲ့ဘ၀င် ရွှင်လန်းတဲ့စိတ် ၊ စာ ၁၀၂၊၁၀၃)

2008-01-03T13:39:00.000+06:30

ထင်သလောက် မဆိုးတဲ့ လောကပါ ခင်ဗျား

ဖတ်လိုက်ရတာလေးထဲ က သဘောကျတာလေးတစ်ခု တွေ့မိရလို့ သူငယ်ချင်းတွေကို မျှဝေပေး

ချင်မိပါတယ်။ ဒီစာကလေး ဖတ်မိတော့ ကိုယ့်မှ ရှိတဲ့ သောကတွေ ထဲက အချို့ တစ်ဝက်

လျော့ကျသွားတယ်လို့လည်း ခံစားရမိလို့ပါပဲ...။

တကယ်လို့သာ ကမ္ဘာလူဦးရေကို လူတစ်ရာပဲ အတိအကျရှိနေတဲ့ ရွာကလေးတရွာအဖြစ်

လျှော့ချလိုက်မယ်ဆိုရင် အခုလက်ရှိအနေအထား မှာရှိတဲ့ လူအချိုးအစားက သည်လိုဖြစ်မယ်တဲ့။

လူတစ်ရာမှာ အာရှတိုက်သားက (၅၇) ယောက်၊ ဥရောပ တိုက်သားက (၂၁)ယောက်၊

အနောက်တိုင်းသားက (၁၄)ယောက်နဲ့ အာဖရိကတိုက်သားက (၈) ယောက်ရှိနေပါလိမ့်မယ်။

အဲဒီ့ လူတစ်ရာမှာ အမျိုးသမီးက (၅၂)ယောက်နဲ့ အမျိုးသားက (၄၈)ယောက် အချိုးရှိ နေပြန်သတဲ့။

လူဖြူက ၃၀ ပဲရှိပြီး လူဖြူမဟုတ်တဲ့ လူမည်းတွေ၊ ကျွန်တော်တို့ အာရှတိုက် သားတွေလို အညိုတွေ၊အ၀

ါ တွေက ကျတော့ (၇၀)တောင်ရှိမယ်။ အလားတူပဲ၊ ခရစ်ယာန် ဘာသာဝင်က (၃၀) ဖြစ်ပြီး

ခရစ်ယာန်မဟုတ်ဘဲ အခြား ဘာသာအသီးသီးကိုးကွယ်ယုံကြည် သူက (၇၀)ရှိမယ် လိုလည်း

ကိန်းဂဏန်းတွေက ပြဆိုနေပြန်တယ်။

အဲ..လိင်ကွဲကို စုံမက်တတ်သူ (ယောက်ျားက မိန်းမကိုပဲ ကြိုက်တာ၊ မိန်းမကလည်း

ယောက်ျားကိုပဲကြိုက်တာ)က (၈၉)ယောက် ရှိနေမှာဖြစ်ပြီး လိင်တူချင်း မှကြိုက်ကျသူ

(မိန်းမလျာ၊ယောက်ျားလျာ) က (၁၁)ယောက်ရှိနေပါတယ်။

အဲဒီ့ လူ(၁၀၀)ထဲကမှ (၆)ယောက်ဟာ ကမ္ဘာ့ ကြွယ်ဝမှုရဲ့ (၅၉) ရာခိုင်နှုန်းကို ပိုင်ဆိုင် ထားမှာဖြစ်ပြီး အဲ့ဒီ

(၆)ယောက်စလုံးဟာ အမေရိကန်နိုင်ငံကဖြစ်နေသတဲ့။ အယောက် (၈၀) ကတော့

အိမ်နဲ့ယာနဲ့ကျကျနနနေနိုင် သူတွေမဟုတ်ဘဲ တော်ရိရော်ရိမှာ ဖြစ်သလိုနေနေသူ တွေတဲ့။

(၁၀၀) ရာမှာ (၇၀) ယောက်ဟာ စာမဖတ်တတ်ဘူး။ ပြီးတော့ (၅၀) က အာဟာရ

ဓာတ်ချို့တဲ့နေတယ်၊ အစာရေစာ မ၀လင်ဘူးတဲ့။ (၁၀၀)ရာ မှာ တစ်ယောက်က သေလုမြော ပါးဖြစ်နေသလို

နောက်တစ်ယောက်ကလည်း မီးဖွားမယ့် ဆဲဆဲဖြစ်နေပြန်တယ်။

ပြီးတော့(၁၀၀)မှာ တစ်ယောက်ဆို တစ်ယောက်တည်းဟာ တက္ကသိုလ်ပညာရေးကို

ဆည်းပူးခွင့်ရနေပါတယ်။ ပြီးတော့ တစ်ရာမှာ တစ်ယောက်တည်းကသာ ကွန်ပြူတာကို ပိုင်ဆိုင်ပါတယ်တဲ့။

ဒါဟာ ကနေ့ ကမ္ဘာ့လက်ရှိလူဦးရေနဲ့ သက်ဆိုင်တဲ့ ကိန်းဂဏန်းများ အချိုးအစားပါ။ (၁၀၀) နဲ့ ချိန်ပြောရင်

ဒီအတိုင်းပဲထွက်ပါတယ်။

အဲလိုကျကျနန စဉ်းစားကြည့်လိုက်တဲ့အခါ လက်ခံနိုင်ဖို့၊နားလည်ပေးနိုင်ဖို့နဲ့ ပညာ ကို

တန်ဖိုးထားဖို့ဆိုတဲ့ အရေးကိစ္စတွေဟာ အင်မတန်အရေးကြီးတယ်ဆိုတာ သိသာထင်ရှား လှပါတယ်။

ဒါတင်မကသေးပါဘူး၊ အောက်ပါအချက်အလက်တွေ ကလည်းတော်တော့်ကို စဉ်းစား

စရာကောင်းလာပါလိမ့်မယ်။

တကယ်လို့ သင်ဟာ ကနေ့မနက်မှာ မာမာချာချာကြီးနဲ့ အိပ်ရာက နိုးထလာခဲ့သူဖြစ် နေရင် ခင်ဗျားဟာ

သည်တစ်ပတ်အတွင်း မှာ သေဆုံး သွားရတော့မယ့် ကမ္ဘာပေါ်က လူတစ် သန်းထက် အများကြီး

ပိုကံကောင်းနေတာ မဟုတ်ဘူးလား။

သင်ဟာ စစ်ဘေးစစ်ဒဏ်ကို တစ်ခါမှမခံစားဖူးဘူး၊ အကျဉ်းစံဘ၀မှာလည်း နေဖူးဘူး၊

နှိပ်စက်ညှဉ်းပမ်းမှုဒဏ်ကို လည်းမခံစားခဲ့ဖူးဘူး၊ ဒါမှမဟုတ် ငတ်မွတ်မှုကိုလည်း မခံစားဖူးဘူး ဆိုရင်

ခင်ဗျားဟာ အဲဒီ့ ဒဏ်တွေကို ခံစားခဲ့၊ ခံစားဆဲ ကမ္ဘာ့လူဦးရေ သန်းပေါင်း (၅၀၀)ထဲမှာ မပါတဲ့

ကံထူးရှင်တစ်ယောက်ပါပဲလို့ အောက်မေ့နိုင်ပါတယ်။

ဘုရားကျောင်းကန်၊ စေတီပုထိုး၊ ခရစ်ယာန် ၊ ဟိန္ဒူဘုရားကျောင်း၊ ၀တ်ပြုဆုတောင်း ခန်းမ၊

ဗလီစတာတွေကို စိတ်အေးလက်အေးသွား နေနိုင်တယ်၊အဲသလို သွားတဲ့အတွက် အဖမ်းခံရမှာ၊

အနှိပ်စက်ခံရမှာ ၊အသတ်ခံရမှာ လုံးလုံးစိုးရိမ်စရာ မရှိဘူးဆိုရင် သင်ဟာ ကမ္ဘာ မှာ အဲဒါမျိုးကို

စိုရိမ်တကြီးဖြစ်နေရ ရှာတဲ့လူပေါင်း (၃) ကုဋာထက် ပိုကံကောင်းနေပါတယ်။

စားစရာတွေက မီးဖိုချောင်ထဲမှာ ၊ ကြောင်အိမ်ထဲမှာ သူ့ဟာလေးနဲ့သူရှိနေတယ်။

ခါးပေါ်မှာ အ၀တ်လည်း ရှိနေတယ်၊ အမိုးအကာအောက်မှာ ကျောခင်းစရာနေရာလေးတစ် နေရာ

ရှိနေတယ်ဆိုရင် သင်ဟာ ကမ္ဘာ့ လူဦးရေရဲ့ (၇၅%) ထက်ပိုပြီး ချမ်းသာနေပါတယ်လို့

မှတ်ယူနိုင်ပါတယ်။ ဘဏ်တိုက်ထဲမှာ ငွေလေးကြေးလေးရှိတယ်။ ဒါမှမဟုတ် အိတ်ကပ်ထဲမှာ ငွေစ ၊ကြေးစ

လေးတွေရှိနေတယ်၊ အိမ်ထဲမှာလည်း ပိုက်ဆံအနည်းကျဉ်းရှိနေတယ်ဆိုရင် သင် ဟာ ကမ္ဘာ့ မရှိမရှား

လူတန်းစား (၈) ရာခိုင်နှုန်းထဲမှာ ပါတယ်လို့မှတ်ယူနိုင်ပါတယ်။

သည်အထဲမှာမှ မိစုံ ဖစုံလည်းရှိသေးတယ်။ အမေနဲ့အဖေနဲ့ ကလည်း အခုအချိန် အထိ

ပေါင်းဖက်နေကြသေးတယ် ဆိုရင်တော့ ကမ္ဘာရှားစာရင်းထဲမှာ တောင် သင်ပါပြီးသွား ပါပြီ။

အခု ရေးထားတဲ့ စာကို ဖတ်နေနိုင်ပြီဆိုရင် တော့ သင် ဟာ ကမ္ဘာ့မှာ ရှိတဲ့ စာမရေး တတ်၊ မဖတ်တတ်ရှာတဲ့

လူပေါင်း (၂) ကုဋာ ထက်ကံကောင်းတဲ့သူ ဖြစ်နေတာအသေအချာ ပါ။

အဲဒီလို စဉ်းစားကြည့်ရင် လောကကြီးဟာထင်သလောက် မဆိုးဘူးဆိုတာ တွေးနိုင် လာကြမယ်

ထင်ပါတယ်။

(အတ္တကျော်)။ အတွေးသစ်ဂျာနယ်။ မေလ၊၈ရက်၊ ၂၀၀၁ခုနှစ်

2007-12-20T14:59:00.000+06:30

အရာအားလုံး လှုပ်လှုပ် လှုပ်လှုပ်
.........................................

ကမ္ဘာကြီးကလည်း ခပ်လှုပ်လှုပ်
မြန်မာ ပြည်က လည်း လှုပ်လှုပ်
ရေတွေကလည်း လှုပ်လှုပ်
လေတွေကလည်း လှုပ်လှုပ်
မြေတွေကလည်း လှုပ်လှုပ်
သစ်ပင်တွေ လှုပ်လှုပ်
သစ်ရွက်တွေ လှုပ်လှုပ်
တရိစ္ဆာန်တွေ လှုပ်လှုပ်
လူတွေ လှုပ်လှုပ်
စိတ်တွေကလည်း လှုပ်လှုပ်
အကျင့် သီလတွေကလည်း လှုပ်လှုပ်
ရိုးသားမှုကလည်း လှုပ်လှုပ်
အမှန်တရားကလည်း လှုပ်လှုပ်
ကောင်မလေးလည်း လှုပ်လှုပ်
ကျွန်တော်ကလည်း လှုပ်လှုပ်
အချစ်ကလည်း လှုပ်လှုပ်
အမုန်းကလည်း လှုပ်လှုပ်
ဒီကနေ့လည်း ခပ်လှုပ်လှုပ်
မနက်ဖြန်လည်း ခပ်လှုပ်လှုပ်
ခပ်သုတ်သုတ်သွား
ခပ်သုတ်သုတ်စားလို့
ဘယ်အရာကများ..တည်တည်ငြိမ်ငြိမ် ရှိလဲ..။

ဒေါ သကလည်း လှုပ်တယ်
မောဟ ကလည်း လှုပ်တယ်
မေတ္တာကလည်း လှုပ်တယ်
သစ္စာကလည်း လှုပ်တယ်.။

တည်ငြိမ် ငြိမ်းချမ်း မှုများ.သေဆုံးကာလဆိုတော့
စီပွားရေး အလှုပ် မှာ
ကိုယ့်အိမ်ဈေးဖိုးကလေး လှုပ်သွားမှာကို ကြောက်တယ်.။

အငွေ့

2007-12-17T16:18:00.000+06:30

မြို့ကလေးရဲ့

မြို့ကလေးက ယမ်းပုံ မီးကျအပြီး
စစ်ခွေးတွေရဲ့ နစ်ဝင်နေတဲ့ အစွယ်တွေကို
ဆွဲထုတ်လို့...
ခံပြင်းမှု မျက်ရည်အသစ်တွေကို
ပျိုးကြဲလိုက်တယ်။

ယုံကြည်ချက်ဆိုတဲ့ မိုးက
ဘယ်လို အနေအထားမျိုးပဲရောက်ရောက်
မြို့ကလေး ရဲ့ ကိုယ်ပေါ်မှာ ခေါင် မသွားတာကသေချာတယ်။
မြောင်းတွေ...
ချောင်းတွေ...
မြစ်တွေ....ပေါ်က...အမှန်တရားရဲ့ သွေးစက်တွေ..
တစ..တစ.. ပြန်လည်စုစည်းပေါင်းစုံ စီးဆင်းဖို့
လွတ်လပ်ခြင်းပင်လယ်..ဆီ...
တရွေ့ရွေ့...တစိမ့်စိမ့်...ခရီး...ဆက်...လို့...နေ..။
အခု....မြို့ကလေးက
မြို့..ရိုးတစ်လျှောက်.. အမှန်တရားအတွက်..
ငါ့တို့ ပြန်ခဲ့မယ်လို့.....တွေးနေလေရဲ့။

အငွေ့

2007-12-17T16:03:00.000+06:30

အဝေးရပ်ဝန်း..လွမ်းငွေပူပူ

ကျွန်တော်က.....

အဝေးက နေမင်း

လေရှိတဲ့ အရပ် မှာမှ

သက်ရှုချင်တဲ့ကောင် လို့ဆိုချင်ဆို...။

ဆွေချင်းမျိုးသား ဘ၀များ

အသက်ရှု မ၀ တဲ့အချိန်တိုင်း..

အဝေး က ...ကျွန်တော့် ည...

ဝင်သက်ထွက်သက် ရှုရန်ခက်တယ် ဆိုရင် ယုံပါ့မလား..။

ကိုယ့် ရင်ဘတ်ပေါ်စီးချင်းထိုး နေတဲ့ ဒီအတွေးတွေ...တဝေေ၀။

ကမ္ဘာမှာ လကတော့ သာစမြဲသာ

ကျွန်တော့်တို့ မွေးမြေမှာ လ မသာတာကြာပါစ။

ဒေါက်...ဒေါက်...ဒေါက်....

တံခါးခေါက်မေးစရာမလို

မွေးမြေက အရီးအိမ်...မွန်းကျပ်မှုတလှည့်၊ ငတ်မွတ်မှုတလှည့်နဲ့

မျှော်လင့်ချက် တစ်စွန်းတစကို ယပ် ခတ်နေပါစ..။

ကျွန်တော်က အဝေးမှာ.. ပစ္စနရစ် ဆိုပေမဲ့

သာပါစ..လမင်း..ရွန်းမြမြ..။

သို့ပေမဲ့

ရင်ထဲမှာတော့ ပူပြင်း ...

တောက်မီး သောက ဗျာပါက ထဲ..

ကျွန်တော့် မြေ သာယာစေ..

တောင်းဆုပြုလျက်......။

(ကျွန်တော်က အဝေးက လောင်နေတဲ့မီး...)

အငွေ့

2007-11-28T16:39:00.000+06:30

သင်ဘာအရုပ်ထုမလဲ
အတိတ်ဆိုတာ
ပဲ့ကြွေသွားတဲ့...သစ်သားစ...

ပစ္စပ္ပုန် က...
လက်တစ်စုံ...

အနာဂတ်...ဟာ..
ထွက်ပေါ်လာမည့် ပန်းပုရုပ်...

ဘီလူးရုပ်ထုမလား
နတ်ရုပ်ထုမလား ..
သင်...စဉ်းစာ.....
သင်ဆိုတာ သင့် ဘ၀အတွက်..ပန်းပုထုသမား...။

အငွေ့

2007-11-28T16:25:00.000+06:30

မယုံမရှိနဲ့ တကယ်ရှိတယ်

ကမ္ဘာက နေကို ပတ်နေတဲ့အကြောင်း
ပြောခဲ့တဲ့ ဂယ်လီလီယို (၉) နှစ်ကြာထောင်နန်းစံ
အမှန်တရားအတွက်အသက်ပေးသွားခဲ့ ...
မယုံ မရှိနဲ့ ကိုယ့်လူ ဒါတကယ်...။

အဆိပ်သောက်ပြီး သေးဆုံးခဲ့တဲ့
ဆော့စ်ကရေးတီး မင်းလဲ ကြားဖူးမှာပါ....
သူ့က အမှန်တရားရဲ့ ကျောက်ဆောင်ပဲ..။

ဆိုကျပါစို့ မင်းရင်ထဲ ရေးတဲ့ သီချင်း
မင်း အပြင်မှာ လွတ်လပ်လပ်ဆိုခွင့် မရှိဘူး။
မင်းရေး တဲ့ ကဗျာ မင်း ရွတ်ခွင့်မရှိဘူး..။
မင်းပြောမယ့် စကား ပြောခွင့် မရှိဘူးဆိုရင်..
မင်းဟာ ကျွန်စနစ် ပြီးတဲ့နောက်ခေတ်မှာ
မင်းဟာလွတ်လပ်သူလို့ဆိုနိုင်ပါ့မလား။

မင်းက ဖယောင်းတိုင်
မင်း အလင်းတွေ လူမမြင်အောင် ဖုံးအုပ်ထားခြင်းခံရရင်
မင်းက ဖယောင်းတိုင် ပီသပါ့မလား.... မင်းစဉ်းစား...................
မယုံမရှိနဲ့ ဒါကတကယ်ရှိတာ... ။
မုသာဝါဒ....ဆိုတာ ဘုရားမကြိုက်ဘူးဆိုပေမဲ့
မင်း အမှန်အတိုင်း ပြောရင် မင်း လျှာ အဖြတ်ခံရမယ်။
ကျွန်တော်တို့ ဒုက္ခရောက် နေရပါတယ်လို့
မင်း အော်ဟစ်နေရင်လဲ နည်းဆုံးတော့
မင်းဘ၀ ရဲ့ စာသားအချို့ ဆင်ဆာငြိမှာပဲ။

ကမ္ဘောဒီယား နိုင်ငံက ဆိုက်ကားသမားတွေ
ဟန်းဖုန်းကိုင်နေတယ် လို့
မင်းထပြောရင် မင်းကို သူတို့က မုန်း ကြဦးမှာ အသေအချာပဲ..။

ခေတ်ကိုက... ဖားပြီး..၊ တောင်းရမ်းစားတဲ့ ခို တွေကို ထင်ကြီးတယ်။
အငတ်ငတ် အပြတ်ပြတ် နဲ့ ရှာစားရ တဲ့
ကျီး တွေ အတွက် နေရာမရှိဘူး။
ဘာပဲပြောပြော...ပေါ့... ကိုယ် ပြောခဲ့ ဖူးတဲ့ စကားအတိုင်း
ငါ တို့က အမှန်တရားအတွက် ထထောက်တဲ့ မီးခဲတွေ
သားစဉ် မြေးဆက် မပူလောင်ဖို့အရေး
ငါ့ တို့ အကြောက်တရား ကင်းကင်း နဲ့ အပူဒဏ်ကို ခံကြပါစို့..
မယုံမရှိနဲ့ ဒါ မျိုးက ကမ္ဘာမှာ တစ်ခုပဲရှိတယ်...။

အငွေ့

2007-11-28T16:17:00.001+06:30

အနာဂတ်ကို နံရံမှာ ရေးခြစ်ထားလိုက်ပါ

ကိုယ့် အနာဂတ်ကို နံရံမှာ ရေးခြစ်ထားလိုက်ပါ။
ညီမလေး..........။
ရေသေ မှာ ဆက်လက်မျောဖို့များ စိတ်ကူးနေသလား။
ခဏ တာဆိုတာ ခဏ တာပဲ
တစ်ည တာ ဆိုတာ တစ်ညတာလည်း ဆိုပေမဲ့
တစ် ဘ၀ စာ တော့ မင်းဘယ်လို့ ပျော်ရွင်နိုင်မလဲ..။
မိသားစု ဘ၀ အတွက် တဲ့ လား...
မင်း နံရိုးတစ်ချောင်းနဲ့ ဘယ်လောက်ကြာထောက်ထားနိုင်မလဲ..။
ပန်းသီး တစ်လုံးလို ကိုက်စားခံရတဲ့ မင်း ရဲ့ ခန္ဓာကို အသွေးသား။
ဘယ်အချိန်အထိ ....များ..အမှောင်တွေ ကြားထဲ တောက်ပ နိုင်မလဲ။
အမူးသမားတစ်ယောက်ရဲ့ လက်က ထွက်ကျလာတဲ့ ငွေကြေးတွေသောက်
မင်း ယစ်မူးနေတာ...မင်း ကိုယ်မင်း လိပ်ပြာသန့်သန့်နဲ့ ပျံသန်းနိုင်ပါ့မလား။
ခေတ်နဲ့ အဖြစ်က မင်းလို လူမမယ် မိန်းခလေးတွေကို
ပျက်စီးစေသလား။
ငိုနေတဲ့ မျက်ရည်သုတ်ပါ..။
စိတ်ဓာတ်ကို ဆေးကျောသန့်စင်ပါ။
အလင်းရောင် အောက် သို့အရောက်သွားပါ။
အကျင့် သိက္ခာကို တောင်ပံလုပ်လို့...
မင်း အနာဂတ် မင်း ဘ၀ အတွက် လွတ်လပ်စွာ ပျံသန်းပါ...။
အနာဂတ်ကို နံရံ မှာ ခပ်ပါးပါးလေးအဖြစ်လောက်တော့ ရေးခြစ်ထားလိုက်ပါ။
ညီမလေး....
နေရာကောင်းဆိုတာ ၊ စိတ်ဓာတ်ကောင်း လို မတည်မြဲဘူး
ပြုံးပြနေတဲ့ ငွေကြေးတွေ အောက်မှာ
မင်းကို ပါးပါးလှီးမယ့် ဓားတွေရှိတယ် ဆိုတာ..သတိရပါ...။
နောက် ...မင်းဘ၀ကို မင်းလက်နဲ့ခပ်လို့ ကယ်တင်လိုက်ပါ...။

(ဒုက္ခပြာ ပုံကြား မတိုးချင်တိုးချင်နဲ့တိုးဝင်နေရသော..မိန်းမသားများ..သို့)

(အငွေ့)

2007-11-10T11:51:00.000+06:30

နက္ခတ် ဆန်းနဲ့ကြယ်

ကောင်းကင်မှာ ကြယ်တွေ
ကြယ်တွေကို ကျွန်တော် မရေတွက်နိုင်ပေမဲ့
မင်းစိတ်ကိုတော့ ...ကိုယ်ရေတွက်နိုင်ခဲ့..။
ကိုယ်က...
မင်းကမ္ဘာအတွက် အရောင်မတောက်ပတဲ့ ကြယ်..။
မင်း လေညင်းတို့ ထုံမွန်းရာ
မင်း ကမ္ဘာရဲ့ အဝေး
ကြွေခဲ့ တဲ့ကြယ်တစင်း မင်းတွေ့ရင်
မင်း ရဲ့.......ကြယ်အတွက် ဆုတောင်း နေမလားပဲ။
မင်းရဲ့အဝေး ...
ကိုယ့်ကြယ်နာမည်က.... အုံပုန်းကြယ်။

2007-11-10T11:16:00.000+06:30

ကျူပ်တို့က ထတောက်တော့မယ့် မီးခဲတွေပါ

ခေါင်းငုံ့ခံပါများတော့
နားထင်ထဲ ကျည်ဆံတွေပစ်သွင်းလိုကျတယ်။
နံနက်ခင်းတိုင်းက အလိုမကျ ၊ခံပြင်းမှုတွေနဲ့ အတိမို့
ကျူပ်တို့ရဲ့ အလင်းတံခါးတွေကို ငြိမ်းအေးစွာ ဖွင့်ခွင့်ပြုပါ။
ဒါက...
တောင်းပန်နေတာ မဟုတ်ဘူး
ငြိမ်းချမ်းစွာတောင်းဆိုနေတာပါ။
အနှစ် ၂၀ နီးပါး စုပ်ခဲ့တဲ့ ဂုတ်သွေးတွေ
ခင်ဗျားတို့ ပါးစပ်မှာ မ၀သေးဘူးလားလို့လဲ မမေးချင်ပါဘူး။

ကျုပ်တို့က သီးပင်စားပင် ဆို
ခင်းဗျားတို့က သီးဖျက်ပိုးလို ပဲ
ကျူပ်တို့ ဘ၀တွေကို အညှာချွေပြီး တစိမ့်စိမ့် စားသောက်ခဲ့..။
ကျုပ်တို့က ကိုယ့် နာကြည်းမှုကို ကိုယ့်အရေပြားအောက်
ထိုးထိုးသွင်းရင်း ထထတောက်လာ တဲ့ မီးတောက်တွေပါ။
တစ်ချိန်က ၊ တစ်ခါက ၊ ယခု မှ ယနေ့တိုင်
ခင်ဗျားတို့ မီးတင်ရှို့ခဲ့ သမျှ ဘ၀များ
အခု...ဆူဝေလေပြီ...။

လူသားတစ်ယောက်ရဲ့ လွတ်လပ်မှုကို
ခင်ဗျားတို့က ဘယ်မှာဖွတ်ထားခဲ့ သလဲ
ရှင်းရှင်းပြောရရင်
အခု ခင်ဗျားတို့ ရဲ့ကောက်ကျစ်မှု ပြာပုံအောက် တောက်နေတဲ့ မီးခဲတွေကကျူပ်တို့ပဲ...။
ကျုပ်တို့ တစ်ချိန်မှာ ရဲရဲ ကြီးတောက်လောင်လာနိုင်မှာကို
ကျူပ်တို့ ယုံကြည်တယ်...။